कृषी आयुक्तांकडून डाळिंबावरील रोगाचा आढावा

आयुक्तांनी तेलकट डाग रोगाबाबत गावोगावी जाऊन जागृती करण्याचे आदेश दिले आहेत. त्यानुसार कृषी अधिकारी यांना शेतकऱ्यांच्या बांधावर जाऊन तेलकट रोग मुक्त डाळिंबाच्या बागा करण्याचे अभियान हाती घेतले आहे. - मकरंद कुलकर्णी, कृषी उपसंचालक, जिल्हा अधीक्षक कृषी अधिकारी कार्यालय, सांगली.
तेलकट डाग रोग
तेलकट डाग रोग

सांगली ः राज्यातील आंबे बहारातील डाळिंबावर तेलकट डाग रोगाचा प्रादुर्भाव झाला आहे. याबाबात कृषी आयुक्तांनी आढावा घेत जिल्हा अधीक्षक कृषी अधिकारी यांना तेलकट डाग  रोगाबाबत जनजागृती करण्याचे आदेश दिले आहेत, अशी माहिती कृषी विभागाच्या सूत्रांनी दिली. राज्यात बदलत्या वातावरणमुळे आंबे बहरातील सुमारे ५०  टक्के डाळिंबाला तेकलट डाग रोगाने घेरले आहे. यामुळे डाळिंबउत्पादक अडचणीत सापडले आहेत. अशी बातमी (ता. १५) दैनिक ‘ॲग्रोवन’मध्ये प्रसिद्ध झाली होती. गेल्या दोन दिवसांपासून पुणे आयुक्त कार्यालयात सर्व जिल्ह्यातील कृषी अधिकारी यांची बैठक सुरू आहे. या बैठकीत बातमीचा आधार घेत कृषी आयुक्तांनी राज्यातील सर्व कृषी अक्षीक्षक कार्यालयांना तेकलट डाग रोगाबाबत शेतकऱ्यांमध्ये जागृती करण्याचे आदेश दिले आहेत. दरम्यान, कृषी आयुक्तांनी जिल्हा कृषी कार्यालयाने उपविभागीय कृषी अधिकारी, तालुका कृषी अधिकारी यांना शेतकऱ्यांच्या बांधावर जाऊन प्रत्यक्षात तेकलट डाग रोगाने बाधित झालेल्या डाळिंबाची पाहणी करावे, असे आदेश दिले आहे.

त्यानुसार जिल्ह्यातील कृषी अधिकारी शेतकऱ्यांपर्यंत जाऊन रोगाबाबत जनजागृती करण्याचे नियोजन सुरु केले आहे. गावोगावी तेकलट डाग रोगमुक्त बागा करण्याचे अभियान हाती घेतले आहे. सांगली जिल्ह्यातील आटपाडी, जत तालुक्‍यात कृषी विभागाने तेकलट डाग रोगाबाबत जनजागृती केल्या पंधरा दिवसांपासून सुरू केले आहे. या तालुक्‍यात याबाबत बैठकाही घेण्यात आल्या आहेत. त्यानुसार कृषी विभाग काम करत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com