agriculture news in marathi, agri commissioner says, send boll worm affected seed sample for test, Maharashtra | Agrowon

बोंड अळीग्रस्त बियाणे नमुने तपासणीसाठी पाठवा : कृषी आयुक्त

टीम अॅग्रोवन
मंगळवार, 31 जुलै 2018

परभणी ः यंदा राज्यापुढे बोंड अळी निर्मूलनाचे आव्हान आहे. सद्यस्थितीत बोंड अळी आढळून आलेल्या कपाशीच्या वाणांचे बियाणे नमुने काढून नागपूर येथील केंद्रीय कापूस संशोधन संस्थेकडे तपासणीसाठी पाठवावेत. बोंड अळी नियंत्रणासाठी करा किंवा मरा अशी परिस्थिती आहे. त्यामुळे या कामात हलगर्जीपणा करणाऱ्या कृषी विभागातील कोणत्याही अधिकारी, कर्मचाऱ्यांची गय केली जाणार नाही, असा इशारा राज्याचे कृषी आयुक्त सच्चिंद्र प्रताप सिंह यांनी दिला.

परभणी ः यंदा राज्यापुढे बोंड अळी निर्मूलनाचे आव्हान आहे. सद्यस्थितीत बोंड अळी आढळून आलेल्या कपाशीच्या वाणांचे बियाणे नमुने काढून नागपूर येथील केंद्रीय कापूस संशोधन संस्थेकडे तपासणीसाठी पाठवावेत. बोंड अळी नियंत्रणासाठी करा किंवा मरा अशी परिस्थिती आहे. त्यामुळे या कामात हलगर्जीपणा करणाऱ्या कृषी विभागातील कोणत्याही अधिकारी, कर्मचाऱ्यांची गय केली जाणार नाही, असा इशारा राज्याचे कृषी आयुक्त सच्चिंद्र प्रताप सिंह यांनी दिला.

बोंड अळी नियंत्रणासाठीच्या उपाययोजनांचा आढावा घेण्यासाठी रविवारी (ता. २९) लातूर, नांदेड, परभणी जिल्ह्यांच्या दौऱ्यावर आले असता रात्री आठ वाजता वसंतराव नाईक मराठवाडा कृषी विद्यापीठाच्या सभागृहामध्ये आयोजित बैठकीत श्री. सिंह बोलत होते. या वेळी कुलगुरू डॅा. अशोक ढवण, जिल्हाधिकारी पी. शिवाशंकर, जिपचे मुख्यकार्यकारी अधिकारी बी. पी. पृथ्वीराज, कृषी सहसंचालक तुकाराम जगताप, जिल्हा अधीक्षक कृषी अधिकारी बाळासाहेब शिंदे, कीटकशास्त्र विभाग प्रमुख डाॅ. पी. एस. झंवर आदी उपस्थित होते.

श्री. सिंह म्हणाले, की क्रॅापसॅपमधील निरीक्षण नोंदीची फिडींग तसेच रॅन्डम पद्धतीच्या नोंदीच व्यवस्थित केल्या जात नसल्याचे आढळून आले आहे. ही गंभीर बाब आहे. यापुढे बोंड अळी नियंत्रणाच्या कामात हलगर्जी करणाऱ्यांची गय केली जाणार नाही. गतवर्षी गुलाबी बोंड अळीच्या नुकसानीबद्दल शेतकऱ्यांना कोट्यवधी रुपयाची नुकसानभरपाई द्यावी लागली. यंदा बोंड अळी निर्मूलनाचे आव्हान पेलण्यासाठी कृषी विभाग सोबत कृषी विद्यापीठे, कृषी विज्ञान केंद्रे अशी सक्षम यंत्रणा आहे. जिल्हाधिकारी तसेच जिल्हा अधीक्षक कृषी अधिकाऱ्यांनी आकाशवाणीच्या माध्यमातून दररोज आवाहन करत शेतकऱ्यांना बोंड अळी नियंत्रणासाठी जागरुक करावे.जिल्ह्याच्या संकेतस्थळावर बोंड अळी नियंत्रणाबाबत सविस्तर माहिती उपलब्ध करून द्यावी. जिल्हा परिषदेच्या सर्वसाधारण सभा, ग्रामपंचायतीच्या सभांमध्ये माहिती द्यावी. सध्या वेट अॅँड वाॅचसाठी वेळ नाही. डू आॅर डाय अशी परिस्थिती आहे. त्यामुळे केवळ जनजागृतीचा उपयोग नाही. डॅमेज कंट्रोलसाठी तत्काळ उपाययोजना कराव्यात.

‘‘बोंड अळीचा प्रादुर्भाव आढळलेल्या वाणाचे बियाणे नमुने काढून ते नागपूर येथील केंद्रीय कापूस संशोधन संस्थेकडे तपासणीसाठी पाठवावेत. प्रादुर्भाव झालेल्या गावांव्यतिरिक्त परिसरातील अन्य गावांमध्ये देखील सर्वेक्षण करावे. जिनिंग, प्रेसिंग कारखान्यांच्या परिसरासह परिसरातील गावांची तपासणी करावी,’’ अशा सूचनाही श्री. सिंह यांनी केल्या.

डाॅ. ढवण म्हणाले, की बोंड अळी निर्मूलनासाठी कृषी विद्यापीठातील शास्त्रज्ञ आणि कृषी विभाग यांच्यात समन्वयक आवश्यक आहे. रावेचे विद्यार्थीदेखील सर्वेक्षणासाठी मदत करतील. डॅा. झंवर म्हणाले, की कपाशीच्या पिकाचे दररोज सर्वेक्षण करावे. डोमकळ्या तोडून नष्ट कराव्यात. श्री. जगताप म्हणाले, की यंदा १० जून आधी व नंतर अशी दोन टप्प्यात कपाशीची लागवड झाली आहे. १० जूननंतरच्या कपाशीवरील बोंड अळीचा प्रादुर्भाव रोखणे शक्य आहे.
 


इतर अॅग्रो विशेष
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...