agriculture news in marathi, agri culture for sustainable, smart agri from 1st October, Maharashtra | Agrowon

शाश्‍वत, स्मार्ट शेतीसाठी एक आॅक्टोबरला ‘कृषी कल्चर’
टीम अॅग्रोवन
गुरुवार, 30 ऑगस्ट 2018

पुणे ः एपी ग्लोबाले समूहाच्या वतीने शेतकऱ्यांसाठी पुणे येथे एक ऑक्टोबर रोजी शाश्वत शेती, स्मार्ट शेती आणि ग्रामीण विकास परिषदेचे आयोजन करण्यात आले आहे. शाश्वत कृषी व ग्रामीण विकास साधण्यासाठीच्या रोडमॅपवर या परिषदेत चर्चा होणार आहे.

पुणे ः एपी ग्लोबाले समूहाच्या वतीने शेतकऱ्यांसाठी पुणे येथे एक ऑक्टोबर रोजी शाश्वत शेती, स्मार्ट शेती आणि ग्रामीण विकास परिषदेचे आयोजन करण्यात आले आहे. शाश्वत कृषी व ग्रामीण विकास साधण्यासाठीच्या रोडमॅपवर या परिषदेत चर्चा होणार आहे.

राज्याचे कामगार व कौशल्य विकास मंत्री संभाजी पाटील निलंगेकर, महाराष्ट्र व्हिलेज सोशल ट्रान्स्फॉर्मेशन फाउंडेशनच्या कार्यकारी संचालक श्वेता शालिनी, अकोल्याच्या डॉ. पंजाबराव देशमुख कृषी विद्यापीठाचे माजी कुलगुरू डॉ. व्यंकट मायंदे, कृषी खात्याचे निवृत्त अतिरिक्त मुख्य सचिव डॉ. सुधीरकुमार गोयल, सह्याद्री फार्मर्स प्रोड्यूसर कंपनीचे अध्यक्ष व व्यवस्थापकीय संचालक विलास शिंदे यांच्यासह अनेक मान्यवर या परिषदेत मार्गदर्शन करणार आहेत.

 एक आॅक्टोबरला दिवसभर होणाऱ्या या परिषदेत शाश्वत विकासासाठीच्या आदर्श शेती पद्धती, कौशल्य विकास, स्मार्ट शेती, क्लस्टर डेव्हलपमेंट, समूह शेती, गटशेती, शेती क्षेत्रातील नवीन प्रवाह, तंत्रज्ञान आणि नावीन्यपूर्ण गोष्टी आदी अनेक बाबींवर विचारमंथन होणार आहे. तसेच कृषी क्षेत्रातील नवउद्यमीही (स्टार्ट अप) या परिषदेत सहभागी होणार आहेत. परिषदेला जोडूनच एक कृषी प्रदर्शनही भरवण्यात येणार आहे. त्यामध्ये बियाणे, खते, कृषी अवजारे उत्पादक कंपन्यांचा सहभाग राहणार आहे. स्टार्ट अप उद्योजकांना या परिषदेच्या माध्यमातून संभाव्य गुंतवणूकदारांशी संवाद साधण्याचीही संधी मिळणार आहे. 

या परिषदेचा मुख्य हेतू शेतकऱ्यांना शाश्वत कृषी विकास आणि समूह पद्धतीने सर्वांगीण ग्रामीण विकास यांचे मार्गदर्शन आणि कौशल्यविकसन हा आहे. या परिषदेत तज्ज्ञांच्या मार्गदर्शनासोबतच शेतकऱ्यांना छोट्या समूहांमध्ये प्रत्यक्ष तज्ज्ञांशी चर्चा करून समस्यांवर उत्तरे शोधण्याची संधी प्राप्त होणार आहे. राष्ट्रीय नवप्रवर्तन प्रतिष्ठानशी संबंधित असणाऱ्या संशोधकांचे नावीन्यपूर्ण संशोधनही या प्रसंगी प्रत्यक्ष पाहायला मिळणार आहे.  

शेतकऱ्यांना समूहाच्या माध्यमातून एकत्र आणून शेतकरी उत्पादक संघ (एफपीओ) स्थापन करण्यासाठी प्रोत्साहन दिले जाणार आहे. या समूहशक्तीची ताकद जोखत शेतकऱ्यांनी गटशेतीची कास कशी धरावी, कृषी निविष्ठांची सामूहिक खरेदी, शेतीमालाची सामूहिक विक्री, कर्ज-विमा आदींचा लाभ कसा घ्यावा, यासंदर्भात या परिषदेत चर्चा आणि मार्गदर्शन केले जाणार आहे.

शेतकऱ्यांना परिषदेत सहभागी होण्यासाठी नोंदणी करणे आवश्यक आहे. नोंदणीसाठी खालील फोन नंबर किंवा ई-मेल वर संपर्क साधावाः ०८६६९६८९०१७, info@krishiculture.in. व्यावसायिक सहभागासाठी अंशिका मिश्रा यांच्याशी (९८१९७४९४९८) संपर्क साधावा. परिषदेची सर्व माहिती www.krishiculture.in या वेबसाइटवर उपलब्ध आहे.

कृषी कल्चर परिषदेचे उद्देश

  • शाश्वत शेती आणि सर्वांगीण सामूहिक ग्रामविकासाची वाट चोखाळणे
  • शेतकऱ्यांना आदर्श शेतीपद्धती आणि नवीन तंत्रज्ञानाच ओळख करून देणे
  • स्मार्ट शेतकरी बनण्याकडे वाटचाल. समूहशक्तीचा जागर करून गटशेतीची कास धरणे
  • मार्केट लिंकेजेस विकसित करण्याची गुरुकिल्ली

इतर अॅग्रो विशेष
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...
दुष्काळामुळे द्यावा लागणार पाणी...पुणे ः सततच्या दुष्काळामुळे आता पाणी...
पीक पोषणात महत्त्वाची अन्नद्रव्ये पिकांच्या सुदृढ वाढीसाठी १८ अन्नद्रव्यांची...
मिल्क केक बनविण्याची प्रक्रियामिल्क केक हा दिसायला कलाकंदप्रमाणे असला तरी...
मराठवाड्यात ठिकठिकाणी हलक्या ते जोरदार...पुणे ः राज्यात पावसासाठी पोषक वातावरण तयार...
सोयाबीनवरील कीडीची ओळख सोयाबीन हे राज्यातील महत्त्वाचे पीक असून, त्यावर...
नांदेड जिल्ह्यात अन्नधान्य पिकांच्या...नांदेड : जिल्ह्यात गुरुवारपर्यंत (ता. १८) ६ लाख...
एकाच गावातील ७५० एकरांत ७५०० कामगंध...जालना : गतवर्षी नियंत्रण मिळविलं म्हणून कपाशीवरील...
जलसंधारणाचा खामगाव पॅटर्न देशभरात जाणारअकोला ः राष्ट्रीय महामार्गाचे काम करताना त्यासाठी...