agriculture news in marathi, agri equipment distribution status in pune region, maharashtra | Agrowon

पुणे विभागातील साडेसहा हजार शेतकऱ्यांना अवजारांचे वाटप

टीम अॅग्रोवन
गुरुवार, 1 मार्च 2018
उन्नत शेती-समृद्ध शेतकरी मोहिमेअंतर्गत जवळपास साडेसहा हजार शेतकऱ्यांना अवजारांचे वाटप केले आहे. त्यासाठी कृषी विभागाने सुमारे ४२ कोटींचे अनुदान वितरित केले आहे. उर्वरित शेतकऱ्यांनाही अवजारांचे वाटप सुरू आहे. शेतकऱ्यांना या अवजारांचा फायदा होणार आहे.
- विजयकुमार इंगळे, विभागीय कृषी सहसंचालक, पुणे विभाग.
पुणे  ः शेतीकामांसाठी मनुष्यबळाची कमतरता भासत असल्यामुळे त्यावर मात करण्यासाठी कृषी विभागाने कृषी यांत्रिकीकरणास प्रोत्साहन देण्यावर भर दिला आहे. चालू वर्षीपासून उन्नत शेती-समृद्ध शेतकरी मोहिमेअंतर्गत पुणे विभागातील ६५९३ शेतकऱ्यांना विविध अवजारांचे वाटप केले आहे. त्यासाठी ४२ कोटी ७० लाख ३८ हजार रुपयांचे अनुदान वाटप करण्यात आले आहे.  
 
पीक उत्पादनावरील खर्च कमी करण्यासाठी शेतकऱ्यांना अनुदानावर अवजारे देण्यासाठी शासनाने पुढाकार घेतला आहे. त्यासाठी राष्ट्रीय अन्नसुरक्षा अभियान, राष्ट्रीय गळीत धान्य व तेलताड अभियान, कृषी यांत्रिकीकरण उपअभियान व राष्ट्रीय कृषी विकास योजनेअंतर्गत एकाच वेळी शेतकऱ्यांना अवजारे देण्याचा निर्णय गेल्या वर्षी घेतला गेला. त्यानुसार कृषी विभागाने सुधारित कार्यक्रम तयार करून निधीची तरतूद केली.
 
या निधीतून शेतकऱ्यांसाठी आवश्‍यक ट्रॅक्‍टर, पॉवर टिलर, स्वयंचलित लागवड यंत्र, रिपर, रोटाव्हेटर, कल्टिव्हेटर अशी विविध अवजारे देण्यात येणार होती. त्यासाठी २५ ते ५० टक्‍क्‍यांपर्यंत अनुदान दिले जाणार होते. पुणे विभागासाठी कृषी विभागाने एकूण ६१ कोटी १४ लाख रुपयांचा सुधारित कार्यक्रम तयार केला होता. त्यासाठी ४८ कोटी ४६ लाख ९९ हजार रुपयांचा निधी प्राप्त झाला होता.
 
कृषी विभागाने अर्जाची मागणी केल्यानंतर पुणे विभागातून तब्बल ३६ हजार ७७८ अर्ज दाखल झाले होते. त्यासाठी ३०७ कोटी ५७ लाख ५८ हजार रुपयांची आवश्‍यकता होती. अर्जांची छाननी केल्यानंतर २३ हजार ३३८ हजार शेतकऱ्यांना निवड पत्र देण्यात आले. १२ हजार ९५२ शेतकऱ्यांना पूर्वसंमती दिल्याचे कळविण्यात आले.
 
मात्र, पूर्वसंमती दिल्यानंतर प्रत्यक्षात सहा हजार ५९३ शेतकऱ्यांनी अर्जाची खरेदी केली असून त्यांना ४२ कोटी ७० लाख ३८ हजार रुपयांचे अनुदान वर्ग करण्यात आले आहे. उर्वरित शेतकऱ्यांना ही अवजारे खरेदी केल्यानंतर अनुदान देण्याची प्रक्रिया सुरू होणार आहे. त्यासाठी अजून सहा कोटी ५० लाख ८२ हजार रुपयांचे अनुदान शिल्लक असल्याचे कृषी विभागाच्या सूत्रांनी सांगितले. 

 

जिल्हा

अवजारे वाटप   शेतकरी संख्या

अनुदान रक्कम
नगर २२१४

१४ कोटी ७८ लाख ३७ हजार

पुणे २५०२ १६ कोटी २० लाख २६ हजार 
सोलापूर १८७७ ११ कोटी ७१ लाख ७५ हजार 
एकूण ६५९३ ४२ कोटी ७० लाख ३८ हजार रुपये

 


इतर ताज्या घडामोडी
शेतकरी उत्पादक कंपन्यांना प्रोत्साहन ...पुणे : राज्यातील शेतकरी उत्पादक कंपन्यांचे अनुदान...
कृषिमंत्र्यांच्या नाशिक जिल्ह्यातच पीक...नाशिक : मूग नक्षत्राच्या तोंडावर पेरणीयोग्य पाऊस...
मराठवाड्यात बॅंकांकडून शेतकऱ्यांची...औरंगाबाद : मराठवाड्यात पूर्वमोसमी पाऊस बऱ्यापैकी...
सोलापूर जिल्ह्यात पीक कर्जवाटप अवघ्या...सोलापूर : यंदाच्या खरीप हंगामासाठी जिल्ह्यात पीक...
परभणी जिल्ह्यातील शिल्लक कापसाची...परभणी : शासकीय खरेदी केंद्रांवर कापूस विक्रीसाठी...
मराठवाड्यातील सहा जिल्ह्यांत ३६५ टॅंकर...औरंगाबाद : औरंगाबाद, जालना, परभणी, नांदेड, बीड,...
जैविक किटकनाशकांद्वारे पर्यावरणाचे...परभणी : ‘‘शेतीत रासायनिक किटकनाशकांचा वापर मोठ्या...
निसर्ग चक्रीवादळग्रस्तांना तातडीने मदत...पुणे  ः निसर्ग चक्रीवादळामुळे बाधित झालेल्या...
वऱ्हाडात २५ टक्क्यांपेक्षाही कमी...अकोला  ः जून महिना सुरु झाला असून वऱ्हाडातील...
पर्यावरणातील बदलांकडे लक्ष देऊन शेती...औरंगाबाद : ‘‘पर्यावरणातील सततच्या बदलाने आपल्या...
पीक कर्जासाठी पुणे जिल्ह्यातील...पुणे  ः कर्जमाफीच्या गोंधळामुळे...
सातारा जिल्हा बॅंकेकडून कर्ज व्याजदरात...सातारा  : `कोरोना’च्या पार्श्वभूमीवर सुरु...
नगर जिल्ह्यात पीककर्ज वाटपात...नगर  ः खरीप हंगामासाठी पीककर्ज पुरवठ्याकडे...
सांगली जिल्ह्यात पीककर्ज वाटपाची गती...सांगली  : खरीप हंगामाच्या पार्श्वभूमीवर...
रत्नागिरी जिल्हा बॅंकेकडून सव्वा पाच...रत्नागिरी  ः जिल्ह्यात यंदा खरीप हंगामात...
कोल्हापूर जिल्ह्यात ६६ टक्के पीककर्ज...कोल्हापूर : जिल्ह्यात खरिपासाठी मे अखेरपर्यंत ६६...
नागपूर जिल्ह्यात १३ टक्के पीककर्ज वितरितनागपूर  ः माजी मुख्यमंत्री व विद्यमान विरोधी...
यवतमाळमध्ये खरिपासाठी २४.५१ टक्केच...यवतमाळ  ः शेतकरी आत्महत्यांचा जिल्हा अशी ओळख...
उत्तर भारताच्या दिशेने मॉन्सून वेगाने...महाराष्ट्रावर उत्तरेस १००४ तर मध्यावर व दक्षिणेस...
चंद्रपूर जिल्ह्यात पीककर्ज वितरणात...चंद्रपूर  ः चंद्रपूर जिल्ह्यातील बॅंका खरीप...