agriculture news in marathi, agri expo planning, solapur, maharashtra | Page 2 ||| Agrowon

सोलापुरात ११ मार्चपासून कृषी महोत्सव

टीम अॅग्रोवन
मंगळवार, 27 फेब्रुवारी 2018

सोलापूर : राज्य शासनाच्या कृषी विभागाच्या वतीने ११ ते १५ मार्च दरम्यान सोलापुरात जिल्हास्तरीय कृषी महोत्सवाचे आयोजन करण्यात आले आहे. या महोत्सवाला जिल्ह्यातील शेती आणि शेतकऱ्यांच्यादृष्टीने महत्त्व आले आहे. जिल्हा कृषी महोत्सवातून सोलापूरचे मार्केटिंग व आध्यात्मिक पर्यटनाला चालना मिळेल, अशा पद्धतीने नियोजन करा, अशी सूचना सहकारमंत्री सुभाष देशमुख यांनी या संदर्भातील नियोजन बैठकीत दिली.

सोलापूर : राज्य शासनाच्या कृषी विभागाच्या वतीने ११ ते १५ मार्च दरम्यान सोलापुरात जिल्हास्तरीय कृषी महोत्सवाचे आयोजन करण्यात आले आहे. या महोत्सवाला जिल्ह्यातील शेती आणि शेतकऱ्यांच्यादृष्टीने महत्त्व आले आहे. जिल्हा कृषी महोत्सवातून सोलापूरचे मार्केटिंग व आध्यात्मिक पर्यटनाला चालना मिळेल, अशा पद्धतीने नियोजन करा, अशी सूचना सहकारमंत्री सुभाष देशमुख यांनी या संदर्भातील नियोजन बैठकीत दिली.

जिल्हाधिकारी कार्यालयातील बहुद्देशीय सभागृहात शनिवारी (ता. २४) सहकार व पणनमंत्री देशमुख यांच्या अध्यक्षतेखाली कृषी महोत्सवाच्या तयारीची आढावा बैठक झाली. त्या वेळी ते बोलत होते. जिल्हाधिकारी डॉ. राजेंद्र भोसले, जिल्हा अधीक्षक कृषी अधिकारी बसवराज बिराजदार, आत्माचे प्रकल्प संचालक विजयकुमार बरबडे, निवासी उपजिल्हाधिकारी संजय तेली, अग्रणी बॅंक व्यवस्थापक सुरेश श्रीराम, प्रकल्प संचालक रवींद्र माने, जिल्हा माहिती अधिकारी रवींद्र राऊत उपस्थित होते.

सोलापुरातील होम मैदानावर हा कृषी महोत्सव होणार आहे. महोत्सवात तीनशे स्टॉल उभारावेत, यात जिल्ह्यातील सर्व विभागांच्या कल्याणकारी योजनांची माहिती नागरिकांना मिळेल, या दृष्टीने नियोजन करावे, अशा सूचना देशमुख यांनी दिल्या. महोत्सवाच्या यशस्वी संयोजनासाठी सर्व विभाग त्याचबरोबर शेतकरी कंपनी, कॉर्पोरेट कंपन्यांना सहभागी करून घ्यावे.

सोलापुरातील कृषी महोत्सव राज्यात सर्वाधिक भव्य प्रमाणात होईल, यासाठी सर्व संबंधित यंत्रणा आणि विभागांनी सक्रिय सहभागी व्हावे, संयोजनासाठी कसलीही मदत आवश्‍यक असल्यास जिल्हा प्रशासनाशी संपर्क साधावा. कृषी महोत्सवातील स्टॉलवर सोलापुरातील खाद्य संस्कृती, चादर, टॉवेल, बेडशीट यांचेही स्टॉल उभारण्याच्या सूचना श्री. देशमुख यांनी केल्या.

बैठकीस सहकार, कृषी, पणन, शिक्षण, जिल्हा परिषदेचे अधिकारी उपस्थित होते. कृषी महोत्सवातील स्टॉलची आखणी आणि मांडणी अतिशय नियोजनबद्ध केली जाणार आहे. महोत्सवातून शेतकऱ्यांना नवनवीन तंत्रज्ञानाची माहिती, शेतीतील आधुनिक प्रवाह समजावेत, यासाठी तज्ज्ञ आणि संशोधकांची व्याख्याने आयोजित करण्याचे नियोजन आहे, असे जिल्हाधिकारी डॉ. राजेंद्र भोसले यांनी सांगितले.


इतर ताज्या घडामोडी
मधमाशीला हानिकारक कीटकनाशके टाळा : आर....‌अंबाजोगाई : ‘‘शेतकऱ्यांनी मधमाश्यांच्या जाती...
परभणी जिल्ह्यात साडेसहा हजारांवर...परभणी : जिल्ह्यात यंदाच्या रब्बी हंगामात...
सोलापूर : कांदा लिलाव बंद पाडण्याचा डाव...सोलापूर : सोलापूर बाजार समितीमध्ये गेल्या काही...
कोल्हापूर : शेती, घरांच्या नुकसानीसाठी...कोल्हापूर : जिल्ह्यातील अतिवृष्टी आणि...
विज्ञान, अध्यात्माच्या ताकदीने देश विश्...कुंडल, जि. सांगली :  ज्ञान, विज्ञान, संगणक व...
संत्र्याचे विपणनाचे जाळे विणण्याची गरज...अमरावती  ः सांघिक तत्त्वावर संत्रा...
फडणवीसांविरोधात पक्षांतर्गत नाराजांची...मुंबई ः भाजपवर विरोधी पक्षात बसण्याची नामुष्की...
कृषी पदवीधर तरूणांनी समाजासाठी काम...नगर : ‘‘देशात प्रामाणिकपणे काम केलेले अनेक शेतकरी...
फडणवीस सरकारची ३१० कोटींची हमी रद्द...मुंबई ः शिवसेना, काँग्रेस आणि राष्ट्रवादीने एकत्र...
आचारसंहितेपूर्वीच्या निर्णयांची...मुंबई ः विधानसभा निवडणुकीची आचारसंहिता लागू...
पुणे जिल्ह्यात भातकाढणी अंतिम टप्प्यातपुणे ः पावसाने उघडीप दिल्यानंतर शेतकऱ्यांनी...
पश्‍चिम महाराष्ट्रात...पुणे ः पश्‍चिम महाराष्ट्रातील अतिवृष्टी आणि...
सातारा जिल्ह्यातील सर्व शेतकरी संघटना...कऱ्हाड, जि. सातारा ः राजकीय पक्षांचा आदर्श घेऊन...
नगर जिल्ह्यात रोजगार हमीच्या कामावर सात...नगर ः नगर जिल्ह्यामध्ये आता रोजगार हमी योजनेच्या...
चंद्रशेखर भडसावळे यांना मार्टचा ‘फादर...खडकवासला, जि. पुणे : कृषी पर्यटन संकल्पनेचे...
देशी कापूस संशोधन केंद्राचा उद्या...परभणी: वसंतराव नाईक कृषी विद्यापीठाच्या...
गांडूळखत अर्क निर्मितीसेंद्रिय शेतीमध्ये गांडुळे व गाडूळखताचे मोठे...
राज्यात काकडीला ५०० ते २००० रुपये दरअकोला येथील बाजारात गुरुवारी (ता. ५) काकडीची...
मंत्रिमंडळाचा विस्तार २१ डिसेंबरनंतरचमुंबई : राज्य मंत्रिमंडळाचा विस्तार २१...
केंद्राने कांदा साठवणूक मर्यादा ५०...नाशिक : गेल्या सप्टेंबर महिन्याच्या अखेरीस...