agriculture news in marathi, agri expo starts, nagar, maharashtra | Agrowon

शेतकरी विकासासाठी कृषी महोत्सव फायदेशीर ः प्रा. शिंदे
टीम अॅग्रोवन
शनिवार, 31 मार्च 2018
नगर  ः तीन वर्षांत केंद्र व राज्य सरकारने शेतकरी विकासासाठी काम केले आहे. सरकारचे अनेक महत्त्वपूर्ण निर्णय शेतकऱ्यांना दिलासा देणारे आहोत. शेतकरी ते ग्राहक चळवळीला प्राधान्य दिले जात आहे. मध्यस्थी बंद करण्यासाठी कायदा केला आहे. कृषी महोत्सव शेती आणि शेतकरी विकासासाठी फायदेशीर ठरत आहे, असे मत पालकमंत्री प्रा. राम शिंदे यांनी व्यक्त केले. 
 
नगर  ः तीन वर्षांत केंद्र व राज्य सरकारने शेतकरी विकासासाठी काम केले आहे. सरकारचे अनेक महत्त्वपूर्ण निर्णय शेतकऱ्यांना दिलासा देणारे आहोत. शेतकरी ते ग्राहक चळवळीला प्राधान्य दिले जात आहे. मध्यस्थी बंद करण्यासाठी कायदा केला आहे. कृषी महोत्सव शेती आणि शेतकरी विकासासाठी फायदेशीर ठरत आहे, असे मत पालकमंत्री प्रा. राम शिंदे यांनी व्यक्त केले. 
 
नगर येथे शुक्रवारपासून (ता. ३०) कृषी विभाग व आत्मा यांच्यातर्फे सुरू झालेल्या कृषी महोत्सवाचे प्रा. शिंदे यांच्या हस्ते उद्‌घाटन झाले. खासदार दिलीप गांधी, जिल्हाधिकारी अभय महाजन, जिल्हा परिषदेचे मुख्य कार्यकारी अधिकारी विश्‍वजित माने, विभागीय कृषी संचालक विजयकुमार इंगळे, महापौर सुरेखा कदम, कृषी व पशुसंवर्धन समितीचे सभापती अजय फटांगरे, डॉ. किरण कोकाटे, जिल्हा अधीक्षक कृषी अधिकारी पंडित लोणारे, आत्माचे प्रकल्प संचालक भाऊसाहेब बऱ्हाटे, युवराज शेळके, कृषी विकास अधिकारी सुनील राठी या वेळी उपस्थित होते.
 
प्रा. शिंदे म्हणाले, की शेतकरी आता नवीन तंत्रज्ञानाचा आधार घेऊन शेती करीत आहेत. त्यांना केंद्र व राज्य सरकारच्या विविध योजनांचे प्रोत्साहन मिळत असून, तीन वर्षांत सरकारने शेतकऱ्यांसाठी मोठे योगदान दिले आहे. वेगवेगळ्या योजनांचा लाभ देत कोट्यवधी रुपयांचे अनुदान दिले आहे. अधिकाऱ्यांनी मनावर घेतले, तर चांगला विकास साधता येतो, हे सातत्याने सिद्ध झाले आहे. सेंद्रिय शेतीला प्राधान्य दिले जात आहे. त्यातून शेतीमालाचा चांगला दर्जा सांभाळण्याची गरज आहे. मध्यस्थांची साखळी संपवण्यासाठी सरकारने कायदा केला असून, शेतकरी ते ग्राहक मोहिमेला प्राधान्य दिले जात आहे. जमीन आरोग्य पत्रिकाबाबत मात्र नाराजी व्यक्त करताना कृषी अधिकाऱ्यांनी जमीन आरोग्य पत्रिकेनुसार शेतकऱ्यांना मार्गदर्शन मिळत नाही. ते करावे, असे पालकमंत्री प्रा. शिंदे म्हणाले. 
 
कृषी विभाग व आत्मा यांच्यातर्फे सुरू झालेल्या कृषी महोत्सवात प्रा. शिंदे यांच्यासह अन्य लोकांनी जलयुक्त शिवार अभियानाच्या कामाचे कौतुक केले. जिल्ह्यामध्ये पूर्वी हजारावर टॅंकरद्वारे पाणीपुरवठा करावा लागत होता. आता मात्र अजूनही टॅंकर लागले नाही. ही किमया केवळ जलयुक्त शिवार अभियानामुळे झाली. अजूनही सुरू असलेल्या कामात लोकांनी योगदान देण्याचे प्रा. राम शिंदे यांनी आवाहन केले. 
 
या वेळी राहिबाई सोमा पोपरे (कोंभाळणे, ता. अकोले), दिलीप दत्तात्रेय शिंदे (जेऊर कुंभारी, ता. कोपरगाव), मदन भाऊसाहेब चौधरी (खंडाळा, श्रीरामपूर), तुकाराम काशीनाथ गुंजाळ (निमगावजाळी, ता. संगमनेर), भैरवनाथ सेंद्रिय शेती गट (भैरवनाथ नगर, श्रीरामपूर), ओम साईनाथ पशुपालन व दुग्ध उत्पादन गट (मु. कोल्हेवाडी, ता. संगमनेर), बळिराजा शेतकरी गट (पळवे, ता. पारनेर) आणि जय श्रीराम शेतकरी गट (राघोहिवरे, ता. पाथर्डी) यांचा कृषी विभागातर्फे गौरव करण्यात आला. भाऊसाहेब बऱ्हाटे यांनी प्रस्ताविक केले. रियाज पठाण यांनी सूत्रसंचालन केले. 
 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...