‘महावितरण’कडून शेतकऱ्यांना अंदाजपंचे कृषिपंपाचे बिल

नाशिक : अंबड परिसरात महावितरणकडून कृषी पंपाचे मीटर रीडिंग न घेता ऐन पावसाळ्यात वापर नसताना अंदाजपंचे २५००० ते ५०००० रुपयांचे बिलांची मनाप्रमाणे आकारणी करून बिले पाठविण्यात आल्याच्या तक्रारी संतप्त शेतकऱ्यांनी केल्या आहे. 

याप्रश्‍नी शेतकऱ्यांनी तीव्र नाराजी व्यक्त करत महावितरणला निवेदन दिले आहे. महावितरणचे कामटवाडा विभागाचे कार्यकारी अभियंता संतोष जगताप हे उपस्थित नसल्यामुळे त्यांचे असिस्टंट मोहन महाले यांच्याकडे निवेदन दिले. शेतकऱ्यांना कृषिपंपाचे वीजबिल मीटर रीडिंग प्रमाणेच आकारणी करून पाठवावे, ज्या पंपांचे मीटर खराब झालेले असतील ते मीटर बदलून द्यावे, जोपर्यंत शेतकऱ्यांच्या कृषिपंपाचे वीजबिल मीटर रीडिंग प्रमाणे आकारणी करून देण्यात येईल, तेव्हाच वीज बिल भरण्यात येईल. अन्यथा बिल भरणार नाही व शेतकऱ्यांची पिळवणूक थांबवावी, अशी अंबड परिसरातील शेतकऱ्यांनी या निवेदना केली आहे. 

याप्रसंगी शिवसेना महिला आघाडीच्या जिल्हाप्रमुख मंदाताई दातीर, शरद दातीर, सीताराम दातीर, सुवर्णाताई मटाले, रंजनाताई सायखिंडीकर, अनिता पाटील, भरत दातीर, गोपाळा शिरसाठ, धनंजय दातीर, नामदेव शिरसाठ, रामचंद्र दातीर, वाळु दातीर, अनिल शिरसाठ, शिवाजी दातीर, गोरख दातीर, ओमकार दातीर, विष्णू दातीर, बाळासाहेब दातीर, नवनाथ दातीर, भाऊसाहेब दातीर, सोमनाथ दातीर, उत्तम दातीर, पोपट दातीर, काशीनाथ दातीर, बनाजी दातीर, उत्तम फडोळ व मोठ्या प्रमाणावर शेतकरी उपस्थित होते.