agriculture news in Marathi agri students help friends family after his death Maharashtra | Agrowon

मित्राच्या मृत्यूनंतर कुटुंबाला मदतीचा हात 

राजकुमार चौगुले
शनिवार, 15 मे 2021

हसता खेळता चेहरा अचानक निघून गेल्याने सगळे मित्रमंडळ स्तब्ध होते. आता झाले ते झाले, पण त्याच्या कुटुंबाचे काय, असा प्रश्‍न निर्माण होतो, आणि अचानक ३७ वर्षांपूर्वी सुरू झालेला मैत्रीचा झरा वाहू लागतो. अवघ्या चोवीस तासांत तब्बल सव्वापाच लाख रुपये जमतात.

कोल्हापूर : एकेकाळी महाविद्यालयात एकत्र धमाल केलेल्या मित्राचा मृत्यू कोरोनाच्या लाटेत होतो. हसता खेळता चेहरा अचानक निघून गेल्याने सगळे मित्रमंडळ स्तब्ध होते. आता झाले ते झाले, पण त्याच्या कुटुंबाचे काय, असा प्रश्‍न निर्माण होतो, आणि अचानक ३७ वर्षांपूर्वी सुरू झालेला मैत्रीचा झरा वाहू लागतो. अवघ्या चोवीस तासांत तब्बल सव्वापाच लाख रुपये जमतात. ती मदत त्या मित्राच्या कुटुंबाला दिली जाते. 

कोरोनाने माणुसकी दुरावत असली, तरी कोल्हापूर कृषी महाविद्यालयाच्या १९८४-८५ च्या बॅचने मात्र मैत्री जिवंत ठेवली आहे. राहुरी (जि. नगर) शुगर फॅक्टरी येथे शेती अधिकारी म्हणून काम करणारे रोहिदास घागरे (वय ५५) यांना कोरानाने हिरावून नेले. परंतु त्याच्या मित्रांनी आपले कर्तव्य निभावत त्यांचे कुटुंब उघड्यावर पडू नये याची काळजी घेतली. परिस्थिती सर्वसाधारण असणाऱ्या कै. घागरे यांच्या कुटुंबीयांना ही मदत लाख मोलाची ठरली. 

घागरे यांना काही दिवसांपूर्वी कोरोनीची लागण झाली. त्यांच्याबरोबर पत्नी व मुलगा दोघांनाही कोरोनाने गाठले. पत्नी व मुलाने कोरोनावर यशस्वी मात केली. पण घागरे यांची कोरोनाबरोबर चाललेली झुंज अपयशी ठरली. 

घागरे हे कोल्हापूर कृषी महाविद्यालयाचे १९८४-८५ चे विद्यार्थी. परिस्थिती बेताचीच. सुरुवातीला शेती केल्यानंतर त्यांना कारखान्यात नोकरी लागली. काही दिवसांपूर्वी त्यांच्याबरोबरच त्यांनी पत्नी व मुलालाही कोरोनाची लागण झाल्याने संपूर्ण कुटुंब संकटात सापडले. आप्तेष्टांनी शक्य तितके प्रयत्न केले. परंतु रोहिदास घागरे वाचू शकले नाहीत. कुटुंबीयांसाठी हा मोठा धक्का होता. 

कोरोनामुळे मानवजीवन हादरून गेले आहे. सर्वच जण संकटात असल्याने कोण कोणाला मदत करणार अशी परिस्थिती निर्माण झाली आहे. या परिस्थितीत मदतीचे असे उदाहरण मनोबल मजबूत करणारे ठरत आहे. 

कोरोना संकटात आदर्श 
सोशल मीडियाच्या माध्यमातून नेहमी संपर्कात असणाऱ्या त्यांच्या मित्रांमध्ये आपला खंदा मित्र गेल्याचे कळताच हळहळ व्यक्त झाली. चोवीस तासांतच मदतीचा ओघ सुरू झाला. १ हजारापासून ५० हजार रुपयांपर्यंत प्रत्येकाने मदत केली. सुमारे शंभरहून अधिक वर्गमित्रांनी दिवंगत मित्राच्या कुटुंबाला यथाशक्ती मदत करून मैत्रीचा एका आदर्श नमुना घालून दिला. या मदतीचा कुटुंबाला मोठा आधार झाला. कर्ता पुरुष गेल्याने घागरे कुटुंबीयांवरचे संकट अधिक गडद झाले होते. परंतु जवळ जवळ सदतीस वर्षांपूर्वी एकत्र शिकणाऱ्या मित्रांनी मात्र या दु:खाच्या क्षणी आर्थिक आधाराचा दिलासा या कुटुंबीयांना दिला. संबंधित कारखान्यानेही त्यांना मदत केली. 
 


इतर अॅग्रो विशेष
कोकण, विदर्भात मुसळधारेचा अंदाज पुणे : दक्षिण कोकणची किनारपट्टी ते उत्तर...
राज्यात ठिकठिकाणी मुसळधारपुणे : कोकणातील रायगड, रत्नागिरी, सिंधुदुर्ग...
उत्तरेत मॉन्सूनचा वेगाने प्रवास पुणे : गेल्या दोन दिवसांपासून उत्तर भारतात पुन्हा...
तुम्हीच अभ्यास करा, अन् विम्याचे ठरवा...सोलापूर ः पुनर्रचित हवामान आधारित फळपीक...
चिकू विमा हप्त्यात सहा पटीने वाढ पालघर ः कोरोनाच्या संकटात चहूबाजूंनी शेतकरी...
फळपीक विमा योजनेत हवामान धोके कायम, ...सोलापूर ः पुनर्रचित हवामान आधारित फळपीक विमा...
चार पिकांमध्ये पूर्ण बियाणे बदल नगर ः चांगले उत्पादन घ्यायचे तर नवी सुधारित...
द्राक्ष उत्पादकांची फसवणूक, ५...नाशिक : दिंडोरी तालुक्यातील वळखेड, निगडोळ, नळवाडी...
राज्यात ३.१४ लाखांवर नवीन वीजजोडण्या सांगली ः कोरोना विषाणूच्या दुसऱ्या लाटेत मार्च...
पदवीधर महिलेची मशरूम निर्मिती ठरतेय...पुणे येथील तृप्ती धकाते यांनी मशरूम (अळिंबी)...
मानवलोक... ग्रामीण पुनर्रचनेसाठी...शेतकरी, शेतमजूर, ग्रामीण स्त्रियांसाठी कल्याणकारी...
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
काळ्या भाताच्या लागवडी तथ्य तपासूनच...नाशिक : सध्या राज्याच्या विविध भागांत अनेक शेतकरी...