agriculture news in marathi, AgriClinics in Jalgaon in trouble, Maharashtra | Agrowon

जळगावमधील कृषी चिकित्सालये समस्यांच्या गर्तेत

चंद्रकांत जाधव
मंगळवार, 19 सप्टेंबर 2017

जळगाव : जिल्ह्यातील ११ कृषी चिकित्सालयांना यंदा हव्या त्या वेळी मजुरी आणि सामग्रीसाठी निधी न मिळाल्याने बीजोत्पादन कार्यक्रमासंबंधी मजूर उपलब्ध झाले नाहीत. पेरणी व आंतरमशागतीच्या काळातही पुरेसे मजूर नव्हते. यातच रावेर येथील चिकित्सालयात पेरणीच झाली नसून, चिकित्सालयांमध्ये पाणीटंचाई आहे. या संदर्भात निधीची मागणी करूनही लक्ष दिले जात नसल्याने जिल्ह्यातील कृषी चिकित्सालये समस्यांच्या गर्तेत सापडली आहेत.

जिल्ह्यात ममुराबाद (ता. जळगाव), भुसावळ, रावेर, पातोंडा (ता. अमळनेर), चोपडा, पारोळा, बांभोरी (धरणगाव), पाचोरा, भडगाव व चाळीसगाव येथे कृषी चिकित्सालये आहेत.

जळगाव : जिल्ह्यातील ११ कृषी चिकित्सालयांना यंदा हव्या त्या वेळी मजुरी आणि सामग्रीसाठी निधी न मिळाल्याने बीजोत्पादन कार्यक्रमासंबंधी मजूर उपलब्ध झाले नाहीत. पेरणी व आंतरमशागतीच्या काळातही पुरेसे मजूर नव्हते. यातच रावेर येथील चिकित्सालयात पेरणीच झाली नसून, चिकित्सालयांमध्ये पाणीटंचाई आहे. या संदर्भात निधीची मागणी करूनही लक्ष दिले जात नसल्याने जिल्ह्यातील कृषी चिकित्सालये समस्यांच्या गर्तेत सापडली आहेत.

जिल्ह्यात ममुराबाद (ता. जळगाव), भुसावळ, रावेर, पातोंडा (ता. अमळनेर), चोपडा, पारोळा, बांभोरी (धरणगाव), पाचोरा, भडगाव व चाळीसगाव येथे कृषी चिकित्सालये आहेत.

यातील प्रत्येक केंद्राला मार्च किंवा एप्रिलमध्ये बीजोत्पादन व इतर कार्यक्रमासंबंधीच्या मजुरीसाठी पाच लाख रुपये, सामग्रीसाठी तीन लाख आणि वीजबिल आणि इतर कार्यक्रमांसाठी दोन लाख रुपयांची दरवर्षी गरज असते. त्यासंबंधी जिल्हा अधीक्षक कृषी विभागाने यंदाही हंगामापूर्वीच कृषी आयुक्तालयाकडे निधीची मागणी केली. परंतु हा निधी अजूनही मिळालेला नाही. या केंद्रांवर सोयाबीन, उडीद, मूग, सुधारित कापूस, बाजरी, ज्यूट यांचे बीजोत्पादन घेतले जाते.

ममुराबाद चिकित्सालयात वांग्याची सहा हजार रोपे लागवड आहे. पण त्यांची अवस्था तण नियंत्रण व आंतरमशागतीअभावी बिकट बनली आहे. वेळेत मजूर मिळाले नाहीत. ठेकेदारांची नियुक्ती कृषी विभागाने मजुरांसंबंधी केली, पण नंतर ठेकेदाराने आपले पैसे वेळेत न मिळाल्याने मजूर पाठविणे बंद केले.

ममुराबाद येथे विविध पिकांचे १२.७५ हेक्‍टरवर, भुसावळ येथे सात हेक्‍टर, अमळनेर येथे १७ हेक्‍टर, चोपडा येथे ११ हेक्‍टर, पारोळा येथे १२.३० हेक्‍टर, धरणगाव येथे १२.५० हेक्‍टर, पाचोरा येथे २० हेक्‍टर, भडगाव येथे १५.५० हेक्‍टर तर चाळीसगाव येथे पाच हेक्‍टरवर बीजोत्पादनासंबंधी विविध पिकांची पेरणी केली आहे, अशी माहिती जिल्हा अधीक्षक कृषी अधिकारी कार्यालयातून मिळाली.

दरम्यान ममुराबाद येथील चिकित्सालयातील प्रशिक्षण सभागृह, गोदाम, विक्री केंद्राची दैनावस्था झाली असून, त्यांना कुलूप ठोकण्यात आले आहे. पारोळा, बांभोरी व पातोंडा येथील चिकित्सालयांमध्ये पाणीटंचाई आहे. कूपनलिकेसाठी निधी नाही, अशी माहिती मिळाली.

दरम्यान रावेर येथील चिकित्सालयात बीजोत्पादनासंबंधी पेरणीच झाली नाही. हव्या त्या वेळी पाऊस नव्हता. नंतर पाऊस सुरू झाला तर वाफसा नव्हती, त्यामुळे पेरणीची वेळ निघून गेल्याचे चिकित्सालयाने आपल्या अहवालात नमूद केले आहे.

कृषी चिकित्सालयांमध्ये दरवर्षीप्रमाणे यंदाही बीजोत्पादन कार्यक्रम राबविला आहे. मजुरी व इतर सामग्रीसाठी निधीची मागणी केली आहे. त्याती बिले सादर केल्यानंतर सप्टेंबर-ऑक्‍टोबरमध्ये निधी मिळतो.
- अनिल भोकरे, कृषी उपसंचालक.

 


इतर अॅग्रो विशेष
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...
मांसाहारामुळे ‘कोरोना’ अशी अफवा...नागपूर: मांसाहार कोरोना व्हायरसला कारणीभूत...
शेतकऱ्यांचे ‘नाइट लाइफ’ कधी संपेल रे भौ...पुसद, जि. यवतमाळ : ग्रामीण भागात शेतीचे प्रश्‍न...
उन्हाचा चटका कायम राहणारपुणे : निरभ्र आकाशामुळे उन्हाचा ताप वाढून...
संशोधन शेतात पोचले तरच शेतकऱ्यांचा...दापोली, जि. रत्नागिरी ः विद्यापीठांमध्ये चांगल्या...
तुरीच्या नोंदणीकडे शेतकऱ्यांची पाठनागपूर ः खरेदीनंतर चुकाऱ्यास होणारा विलंब आणि...
‘ठिबक’च्या प्रस्तावासाठी २०...सोलापूर : या वर्षी ठिबक सिंचन केलेल्या...
जोतिबाच्या खेट्यास प्रारंभ, हजारो भाविक...जोतिबा डोंगर, जि. कोल्हापूर: जोतिबाच्या खेट्यास...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
नियमित कर्जदारांच्या पदरी निराशाचसांगली ः शासनाच्या कर्जमाफीच्या आदेशात अल्प...
शेतकरीच सरकारचा केंद्रबिंदूः उद्धव ठाकरेजळगाव : कर्जमाफी देणे, हा शेतकऱ्यांच्या...
सिंधुदुर्ग जिल्हा कृषी विभागात १०७ पदे...सिंधुदुर्ग: जिल्हा कृषी विभागातील ३६५ पदांपैकी...
अतिवृष्टी, पूरग्रस्तांच्या कर्जमाफीसाठी...मुंबई ः राज्यात जुलै ते ऑगस्ट २०१९ या काळात...
बॅंकांच्या कृषी पतपुरवठ्यावर सरकारचे...नवी दिल्लीः बॅंकांकडून ग्रामीण भागात होणाऱ्या...
चंदनाची सात-बारा उताऱ्यावर नोंद घ्या:...नगर ः शेतकऱ्यांना शेतात चंदन लागवड करण्यास...
खानदेशात कोरड्या चाऱ्याची टंचाईजळगाव  ः खानदेशात चाऱ्याची मोठी टंचाई दिसत...
तंत्रज्ञान, सहकार, बॅंकिंग क्षेत्रात...जर्मनी हा युरोपातील प्रगत देश. तंत्रज्ञान आणि...
जमिनीची सुपीकता जपत पीक उत्पादनात...नाशिक जिल्ह्यातील कारसूळ (ता. निफाड) येथील संकिता...