Agriculture news in Marathi The agricultural admission process is close to CET | Page 4 ||| Agrowon

कृषी प्रवेशप्रक्रिया ‘सीईटी’कडेच 

टीम अॅग्रोवन
बुधवार, 13 ऑक्टोबर 2021

कृषी शिक्षणाच्या विविध अभ्यासक्रमांसाठी राबविली जाणारी प्रवेशप्रक्रिया सामाईक प्रवेश परीक्षा कक्षाकडूनच (सीईटी सेल) होईल, असा निर्वाळा शासकीय सूत्रांनी दिला. 

पुणे ः कृषी शिक्षणाच्या विविध अभ्यासक्रमांसाठी राबविली जाणारी प्रवेशप्रक्रिया सामाईक प्रवेश परीक्षा कक्षाकडूनच (सीईटी सेल) होईल, असा निर्वाळा शासकीय सूत्रांनी दिला. 

प्रवेशप्रक्रियेचे काम पूर्वीप्रमाणेच सीईटीऐवजी महाराष्ट्र कृषी शिक्षण व संशोधन परिषदेकडे (एमसीएईआर) सोपविण्याचे संकेत शासनाने यापूर्वी दिले होते. उपमुख्यमंत्र्यांच्या एका बैठकीत तशी चर्चादेखील झाली होती. मात्र ‘प्रवेशप्रक्रिया आमच्यामार्फतच व्हावी’, असा प्रस्ताव सीईटी प्रशासनाकडून आणण्याचे प्रयत्न सुरू होते.  त्यामुळे प्रवेशप्रक्रिया सीईटी कक्ष राबवितो, की ते काम कृषी परिषदेकडे सोपविले जाते, याबाबत कृषी शिक्षण क्षेत्रात चर्चा झडते आहे. 

कृषी पदवीला व्यावसायिक शैक्षणिक अभ्यासक्रमाचा दर्जा देण्यात आला आहे. व्यावसायिक दर्जा मिळताच परीक्षेसाठी सीईटी पद्धत लागू करावी लागते. एकदा परीक्षेचे काम सीईटीमार्फत केले गेल्यास पुढे प्रवेशदेखील सीईटीनेच घ्यावे, असे नियम सांगतो. 

‘‘कायद्यामध्ये व्यावसायिक अभ्यासक्रमाची प्रवेशप्रक्रिया सीईटी कक्षाकडे दिलेली आहे. यापूर्वी सोयीचा भाग म्हणून कृषी परिषदेकडे प्रवेशाचे काम दिले गेले होते. ही चूक होती. मात्र पुन्हा नियमाप्रमाणे सीईटीकडेच प्रक्रिया सोपवून झालेली चूक दुरुस्त करीत आहोत, असा मुद्दा सीईटी कक्षाने राज्य शासनासमोर मांडला. तसेच प्रवेशप्रक्रियेत अडचणी येणार नसल्याची हमीदेखील दिली आहे,’’ अशी माहिती कृषी परिषदेच्या सूत्रांनी दिली. 

कृषी पदवीची व्यावसायिक प्रवेशप्रक्रिया राबविणारा ‘सक्षम प्राधिकारी’ म्हणून कायद्यात कृषी परिषदेचा नव्हे; तर सीईटी कक्षाला उल्लेख आहे. त्यामुळे इच्छा असूनही प्रवेशाची कामे परिषदेकडे सोपविता येत नाहीत. असे असूनही कृषी विभागाने ही प्रक्रिया आमच्याकडे (परिषदेकडे) सोपविण्याची लेखी विनंती करून पाहिली. मात्र त्यास आता नकार मिळाला आहे.

‘‘प्रवेशप्रक्रिया पूर्णतः परिषदेला देता येत नसेल तर किमान परिषदेच्या समन्वयाने तरी राबवावी, अशीही विनंती करण्यात आली. मात्र काही चुका झाल्यास त्याला नेमके जबाबदार कोणाला ठरवायचे, असा मुद्दा उपस्थित झाला. त्यामुळे परिषदेचा समन्वयदेखील यात असू नये. संपूर्ण प्रक्रियेत सीईटी कक्षाशिवाय कोणत्याही यंत्रणेचा भाग असू नये, असे स्पष्ट केले गेले,’’ अशी माहिती सूत्रांनी दिली.

प्रवेशप्रक्रिया नोव्हेंबरपासून शक्य
परीक्षेची कामे संपुष्टात आल्यानंतर निकाल लागण्यासाठी दोन-तीन आठवडे जातील. त्यानंतर अंदाजे एक नोव्हेंबरपासून प्रवेशप्रक्रियेला सुरुवात होण्याची शक्यता आहे, असे कृषी विद्यापीठ सूत्रांचे म्हणणे आहे.


इतर अॅग्रो विशेष
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...
हापूस आंब्याचा हंगाम धोक्यातरत्नागिरी ः कोरोनातील बिकट परिस्थितीचा सामना करत...
अभ्यासपूर्ण व्यवस्थापनातून दर्जेदार...जळके (ता.जि. जळगाव) येथील राजेश पाटील यांनी केळी...
आदर्श असावा तर खडतरे कुटुंबासारखामुक्त गोठा पद्धत, नेटके व्यवस्थापन, कुटुंबाची एकी...
कोकण, मध्य महाराष्ट्र, मराठवाड्यात...पुणे : राज्याच्या किमान तापमानाचा पारा १५...
शेवगा २००० रुपये प्रतिदहा किलोपुणे ः पुणे बाजार समितीमध्ये रविवारी (ता.२८)...
धुळीमुळे शेतकऱ्यांचे ‘पांढरे सोने’...गुमगाव, जि. नागपूर : कोतेवाडा, सोंडेपार शिवारातील...
तांदूळ महागणार ; अवकाळी पावसामुळे...नागपूर : नवीन तांदळाच्या हंगामास सुरुवात झाली आहे...
कामे पूर्ण केलेल्या शेतकरी गटांचे ...पुणेः समूह शेती योजनेत भाग घेतलेल्या शेतकरी...