कृषी आयुक्तांच्या हस्ते भाळवणी येथे तूर पेरणीचा प्रारंभ

कृषी आयुक्तांच्या हस्ते तूर पेरणीला प्रारंभ
कृषी आयुक्तांच्या हस्ते तूर पेरणीला प्रारंभ

नगर : शेतकऱ्यांना एकत्र यावे लागणार आहे. एकटा शेतकरी उत्पादन घेतो, त्यामुळे त्याला बाजारभाव मिळत नाही. शेतकऱ्यांनी नियोजन करायला हवे. ‘व्हिजन’ डोळ्यासमोर ठेवूनच शेती करावी. गटशेती ही काळाची गरज आहे. त्यातून शेतकऱ्यांचा फायदा आहे, असे मत कृषी आयुक्त सचिंद्र प्रतापसिंह यांनी व्यक्त केले.

भाळवणी (ता. पारनेर) येथे उन्नती शेती-समृद्ध शेतकरी योजनेंतर्गत शेतकरी रघुनाथ लोंढे यांच्या शेतीवर तूर पेरणीचा प्रारंभ नुकताच (ता. २९) सचिंद्र प्रतापसिंह यांच्या हस्ते झाला. आदर्श गाव समितीचे कार्याध्यक्ष पोपटराव पवार यांच्यासह शेतकरी, अधिकारी यावेळी उपस्थित होते.

सचिंद्र प्रतापसिंह म्हणाले, की शेतकरी उत्पादक कंपन्यांच्या माध्यमातून शेतकऱ्यांनी फायदा करून घ्यावा. ही महाराष्ट्र शासनाची अभिनव योजना आहे. शेतकरी केवळ एकत्र येऊन उपयोग नाही तर त्यांनी कामाच्या माध्यमातून व कृषी सहायकांच्या ज्ञानाचा वापर करून आपल्या उत्पन्नात वाढ करून घ्यावी. पुढील काळात गटामार्फत शेती करणाऱ्यांनाच शासनाच्या योजनांचा लाभ मिळणार आहे. प्रत्येक शेतकऱ्याने वेगवेगळ्या पिकांचे उत्पादन घेऊन आपले उत्पन्न वाढवावे.

शेतीमाल निर्यात झाला तर आपोआप शेतकऱ्यांना चांगला आर्थिक फायदा होईल. आयात निर्यातीच्या धोरणावर शासनाने लक्ष वेधले आहे. प्रत्येक कृषी सहायकाने प्रात्यक्षिक प्लॉटवर जाऊन शेतकऱ्यांना पेरणीचे तंत्रज्ञान सांगावे. त्यांना कृषी योजनांची माहिती द्यावी. शेतकरी हा आपल्या कुटुंबातील घटक आहे. त्यांच्यासाठी चांगले काम केले, तर निश्‍चितच समाधान मिळणार आहे. अल्पभूधारक शेतकऱ्यांना शासकीय योजनांचा फायदा करून द्यावा, असे त्यांनी सांगितले.

यावेळी भाळवणी येथील जलयुक्त शिवार अभियान, शेतकरी उत्पादक कंपनी, विविध कामांची पाहणी त्यांनी केली. शाळेतील विद्यार्थ्यांशीही संवाद साधला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com