Agriculture news in marathi Of agricultural inputs sellers Vaccinate preferably | Agrowon

कृषी निविष्ठा विक्रेत्यांचे  प्राधान्याने लसीकरण करा 

टीम अॅग्रोवन
सोमवार, 17 मे 2021

कृषी बियाणे रासायनिक खते, कीटकनाशके खरेदी-विक्रीसाठी गर्दी होणार आहे. त्या पार्श्वभूमीवर बियाणे विक्रेत्यांना फ्रंटलाइन वर्कर म्हणून त्वरित कोविड प्रतिबंधात्मक लस देण्यात यावी, अशी मागणी येथील विक्रेत्यांनी केली आहे. 

येवला, जि. नाशिक : कृषी बियाणे रासायनिक खते, कीटकनाशके खरेदी-विक्रीसाठी गर्दी होणार आहे. त्या पार्श्वभूमीवर बियाणे विक्रेत्यांना फ्रंटलाइन वर्कर म्हणून त्वरित कोविड प्रतिबंधात्मक लस देण्यात यावी, अशी मागणी येथील विक्रेत्यांनी केली आहे. 
तालुका ॲग्रो डीलर असोसिएशन व तालुका ॲग्रो मार्केटिंग मेम्बर्स असोसिएशनच्या वतीने पालकमंत्री छगन भुजबळ यांची भेट घेऊन या मागणीचे निवेदन देण्यात आले.

पुढील पंधरा दिवसांतच खरिपाचा हंगाम सुरू होत आहे. सध्या शेतकरी खरीप पूर्वमशागतीत व्यस्त असून, अल्पावधीतच खते, बियाणे खरेदीसाठी गर्दी होणार आहे. विशेषतः पाऊस पडला की शेतकरी मोठ्या प्रमाणात एकाच वेळेस गर्दी करतात. त्यामुळे विक्रेत्यांचा व त्यांचा संपर्क येणारच असून, यातून कोविड होण्याचीही भीती आहे. विक्रेत्यांना बियाणे व खते थेट दुकानातूनच विक्री करावी लागणार असल्याने त्यांना फ्रंटलाइन वर्कर म्हणून तातडीने प्राधान्याने लस दिली जावी, असे यावेळी भुजबळ यांच्या निदर्शनास आणून देण्यात आले. 

शहरासह तालुक्यातही अनेक कृषी विक्रेते असून, ही संख्या शंभराच्यावर आहे. त्यामुळे एक दिवस स्वतंत्रपणे कॅम्प घेऊन हे लसीकरण होऊ शकते, असे विक्रेत्यांनी म्हटले आहे. या वेळी निवेदन देताना जिल्हा परिषद सदस्य महेंद्र काले, असोसिएशनचे प्रदीप मुंदडा, आनंद मुंदडा, सुधाकर आहेर आदी उपस्थित होते. तसेच येवला व्यापारी महासंघातर्फे अत्यावश्यक सेवेतील ज्येष्ठ व्यापाऱ्यांना लसीकरणामध्ये प्राधान्य द्यावे, अशी मागणी असोसिएशनचे अध्यक्ष योगेश सोनवणे यांनी पालकमंत्री भुजबळ यांच्याकडे केली आहे.

गर्दीचा सामना करावा लागत असल्याने भाजीपाला, फळे, किराणा, मेडिकल, शेती औजारे, बी-बियाणे, दूध व इतर अत्यावश्यक सेवेतील दुकानदारांना लसीकरणात प्राधान्य देण्यात यावे, असे निवेदन कोरोना आढावा बैठकीमध्ये देण्यात आले. यावर भुजबळ यांनी एक दिवस किंवा रोज थोडे थोडे, अशा पद्धतीमध्ये अत्यावश्यक सेवेतील व्यापाऱ्यांना लसीकरणास प्राधान्य द्यावे, अशा सूचना आरोग्य विभागाला दिल्याची माहिती सोनवणे यांनी दिली. 
 


इतर बातम्या
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
पूर्व विदर्भात मुसळधार शक्य पुणे : कोकण ते केरळ दरम्यान असलेले कमी दाबाचे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
उसासाठी यंदाची ‘एफआरपी’ जाहीर कराकोल्हापूर : यंदाच्या गळीत हंगामातील उसाची एफआरपी...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
शेतीला आधुनिक तंत्रज्ञानाची जोड  ...नाशिक : राज्यात खरीप हंगामास सुरुवात झाली असून,...
अमरावती जिल्हा परिषदेची सभा...अमरावती : पीकविमा भरपाई, समृद्धी महामार्गाच्या...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
दूधदरप्रश्‍नी वैजापूर बाजार समितीच्या...औरंगाबाद : दूध उत्पादकांच्या मागण्याच्या...
खेडमध्ये बटाटा लागवडीस वेगचास, जि. पुणे : खेड तालुक्यात बटाटा लागवडीस...
स्थानिक काजूची आवक आजरा तालुक्यात...आजरा, जि. कोल्हापूर : आजरा बाजारपेठेत स्थानिक...
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
पुणे बाजार समितीची ‘प्रादेशिक’ अधिसूचना...पुणे : पुणे बाजार समितीची निवडणूक टाळून सत्ता एका...
कांद्याची २५ दिवसांत विक्रमी अकरा लाख...नाशिक : जिल्ह्यातील कृषी उत्पन्न बाजार...
खानदेशात युरियाप्रश्नी प्रशासनाची धावपळजळगाव :  खानदेशात खरिपाला सुरवात होत असतानाच...
‘डीएससी’त अडथळे  आणल्यास कारवाई करापुणे ः राज्यातील सरपंच व ग्रामसेवकांचे संगणकीय...
खानदेशात बाजार समित्यांचे कामकाज पूर्ववतजळगाव :  खानदेशात बाजार समित्यांचे कामकाज...
विधिमंडळाचे पावसाळी अधिवेशन ५, ६ जुलै... मुंबई : कोरोना संकटाची सध्याची स्थिती पाहता आणि...