agriculture news in Marathi agricultural produce stuck in farm due to lockdown Maharashtra | Agrowon

गावागावांतील चेकपोस्टमुळे शेतातच अडकला शेतमाल 

टीम अॅग्रोवन
शनिवार, 2 मे 2020

लॉकडाऊन सुरू झाल्यावर सुरूवातीला शेतमाल विक्रीसाठी अडचणी येत नव्हत्या. मात्र, पुणे शहरातील काही पेठा कोरोनामुळे रेडझानमध्ये गेल्यामुळे जसजसा लॉकडाऊन वाढत गेला तसतसा पोलिसांकडून अडवणूक सुरू झाली. आता ग्रामीण भागातही कोरोना पोहचला आहे. आता गावेही सतर्क झाल्यामुळे अनेक ठिकाणी चेकपोस्ट सुरू झाले असून शेतमाल वाहतुकीच्या गाड्याची अडवणूक करण्यात येत आहे. त्यामुळे आम्ही दिवसाआड शेतमालाच्या गाड्या पाठवित आहोत. 
- संदीप सुक्रे, सचिव, केंद्राईमाता फार्मर प्रोड्युसर कंपनी, केंद्रूर, ता. शिरूर

पुणे ः कोरोनामुळे गावागावांत सुरू करण्यात आलेल्या चेकपोस्टच्या ठिकाणी पोलिसांकडून शेतमालाची वाहतूक करणाऱ्या व्यक्तींची कसून चौकशी करून अडवणूक करण्यात येत आहे. यामुळे गावातून दुसऱ्या गावात जाण्यास प्रतिबंध करण्यात येत आहे. याचा फटका शेतकऱ्यांच्या शेतमाल विक्रीलाही बसत आहे. त्यामुळे शेतमाल शेतातच अडकत असून शेतकऱ्यांचे मोठे नुकसान होत आहे. 

सद्यपरिस्थितीमध्ये लॉकडाऊनच्या पार्श्‍वभूमीवर कोरोना संक्रमण गावात होऊ नये, म्हणून ग्रामपंचायती व प्रशासनाने पुढाकार घेऊन चेकपोस्ट बसवत आहे. या चेकपोस्टमुळे गावागावांमधून शहरामध्ये जाणारा भाजीपाला, फळे, दूध नेण्यास प्रशासनाकडून रितसर परवानगी घ्यावी लागत आहे. त्यामुळे शेतकऱ्यांचा बराच वेळ जात असून परवानगी वेळेवर मिळत नसल्याचे चित्र आहे. तसेच भाजीपाला दुध घेऊन जाणाऱ्या शेतकऱ्यांना शहरातून आल्यावर क्वारंटाईन केले जात आहे. त्यामुळे शेतमाल विक्रीसाठी 
अडचणी येत आहे. 

सध्या प्रशासनाने शेतमाल, दूध घेऊन जाणाऱ्या गाड्यांना वाहतुकीची परवानगी देण्याची प्रक्रिया सुलक्ष व जलद केल्यास त्याचा निश्चितच फायदा होईल. साधारणपणे प्रत्येक गावातून पाच ते दहा क्विंटल शहरांकडे जाणारा शेतमाल सध्या गावातच अडकून पडल्यामुळे शेतकऱ्यांचे मोठे नुकसान होत आहे. यावर उपाय म्हणून प्रशासनाने चेकपोस्टवरून शेतमाल वाहतुकीसाठी लागणारी परवानगी कोणत्याही कागदपत्रामध्ये न अडकविता द्यावी. 

दुसरीकडे शहरातील नागरिकांमध्ये भितीचे वातावरण असले तरी भाजीपाला, फळे, दूध घेण्यासाठी बाहेर पडत आहे. त्यातच अनेक ठिकाणी भाजीपाल्याची टंचाई भासत असून भाजीपाला खरेदीसाठी गर्दी करताना दिसून येत आहे. त्यामुळे शेतकरी ते ग्राहक यांच्यामध्ये मोठी दरी तयार होत आहे. त्यामुळे चेकपोस्टच्या ठिकाणी वाहतुकीची होणारी अडवणूक ही शेतकऱ्यांना त्रासदायक ठरत आहे. यावर उपाय म्हणून पोलिस प्रशासनाने शेतमाल गाड्याची अडवणूक न करण्याच्या सुचना द्याव्यात अशी मागणी गावांगावातील शेतकरी करू लागले आहेत. 

याविषयी वेल्हे तालुक्यातील मार्गास्नी येथील शेतकरी नथु एकनाथ वालगुडे म्हणाले की,`` शेतामध्ये भाजीपाला, फळे विक्रीसाठी तयार झाली आहेत. ती शहरात घेऊन जाण्यासाठी तालुक्याच्या ठिकाणी जाऊन परवानगी घ्यावी लागत आहे. तसेच गावांगावात ठिकठिकाणी उभारलेल्या चेकपोस्टमुळे 
बराचसा कालावधी जात आहे. तरी प्रशासनाने शेतमाल वाहतुकीसाठी लागणारी परवानगी ग्रामस्तरावरून देण्यात यावी. 

प्रतिक्रिया 
आम्हाला रोज शिरूर येथे शेतमालाची विक्री करावी लागते. नगर आणि पुणे जिल्हयाच्या सिमेवर पोलिसांचा चेकपोस्ट असल्यामुळे पोलिसांकडून रोज अडवणूक केली जात आहे. त्यामुळे शेतमाल विक्री करताना खूप अडचणी येतात. 
- दिपक खंदारे, शेतकरी, वाडेगव्हाण, ता. पारनेर, जि. नगर 
 


इतर अॅग्रो विशेष
ऊस गाळप यंदा वाढणार कोल्हापूर: गेल्या वर्षी महापूर व अवर्षणामुळे...
चिकन, अंड्यांची मागणी वाढली, दरात...नगर ः कोरोना व्हायरस संसर्गाच्या पार्श्वभूमीवर...
ऊस तोडणी कामगारांच्या मागण्यांबाबत साखर...पुणे: राज्यातील ऊस तोडणी व वाहतूक कामगारांच्या...
शेतकऱ्यांच्या बांधापर्यंत जाणार लालपरी सोलापूर : एक लाखांहून अधिक कर्मचारी, साडेसतरा...
राज्यात सर्वदूर हलक्या पावासाची शक्यतापुणे ः राज्यातील अनेक भागांत कमी अधिक स्वरूपात...
मध्य महाराष्ट्र, मराठवाड्यात पाऊस पुणे ः उत्तर भारतात परतीच्या पावसासाठी पोषक...
सरकार शेतकऱ्यांच्या पाठीशी : कृषिमंत्री...कन्नड, जि. औरंगाबाद: अतिवृष्टीमुळे झालेल्या पीक...
तीनशे टन हळद बांगलादेशाला निर्यात नांदेड : शेतीमालास अधिकचा दर मिळावा, यासाठी...
मुहूर्ताचा कापूसच कवडीयुक्त अकोला: यंदा दसऱ्याआधीच कापूस वेचणीचा मुहूर्त अनेक...
कृषी उपसंचालकानेच घातली कृषी उपक्रमांना...यवतमाळ: आत्महत्याग्रस्त अशी जागतिक स्तरावर ओळख...
महिला गट बनवितो ३० प्रकारचे मसालेइटकरे (ता.वाळवा,जि.सांगली) येथील उपक्रमशील महिला...
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...