Agriculture news in marathi, Of agricultural pumps in Sangli Power outage begins | Page 2 ||| Agrowon

सांगलीत कृषिपंपांची वीजजोड तोडणी सुरु

टीम अॅग्रोवन
रविवार, 28 नोव्हेंबर 2021

सांगली ः कृषिपंपांच्या वीज बिल वसुलीसाठी महावितरणने अचानक आक्रमक मोहीम सुरू केली आहे. बिलाची वसुली व्हावी, यासाठी थेट वीजजोडला पक्कड लावून ती तोडली जात आहेत.

सांगली ः कृषिपंपांच्या वीज बिल वसुलीसाठी महावितरणने अचानक आक्रमक मोहीम सुरू केली आहे. बिलाची वसुली व्हावी, यासाठी थेट वीजजोडला पक्कड लावून ती तोडली जात आहेत. आमचे नेमके बिल किती आहे, हे सांगा मग वसुलीला या, अशी भूमिका शेतकऱ्यांनी घेतली आहे. त्यातून रोज वाद सुरू झाले आहेत. शेतकरी आक्रमक आहेत. महावितरणने चालू बिल तरी भरा, अशी विनंती करत महावितरणच्या संकटाची आकडेवारीच समोर ठेवली आहे.

गेल्या कित्येक वर्षांपासून कृषिपंपांच्या वीज बिलाबाबतची स्थिती अतिशय गोंधळाची आहे. शेतकऱ्यांना बिल मागितले नाही आणि त्यांनी भरले नाही, असे झाले आहे. आता अचानक वसुली मोहीम सुरु झाल्याने शेतकरी गोंधळले आहेत. नेमके बिल किती, ते योग्य आहे का, ते अति होते आहे का, असा प्रश्‍न सामान्य शेतकऱ्यांना पडणे सहाजिक होते. या परिस्थितीत महावितरणने शेतकऱ्यांची कोंडी करू नये, अशी मागणी होत आहे. 

वीजबिलाच्या थकबाकी मुक्ती योजनेत सहभाग नाही व चालू वीज बिलांचा देखील भरणा नाही, अशा शेतकऱ्यांचा वीजपुरवठा खंडित करू, असा इशारा आधी दिला होता. जिल्ह्यात कृषी धोरणानुसार ६० हजार ७९२ कृषिपंप ग्राहकांनी ११६ कोटी ५६ लाख रुपये चालू व थकीत वीजबिल भरणा केला आहे. भरणा झालेल्या रकमेच्या ३३ टक्के रक्कम ग्रामपंचायत व जिल्हास्तरावर कृषी आकस्मिक निधीत जमा केली जाणार आहे. अद्यापही जिल्ह्यातील २ लाक ३९ हजार कृषी ग्राहक थकबाकीत आहेत.

वीज बिलाच्या थकबाकीतून मुक्त करण्यासाठी राज्य शासनाने कृषी धोरण राबवले आहे. थकीत बिलाच्या ५० टक्के रक्कम भरून ५० टक्के वीज बिल माफीचा लाभ मिळू शकतो. सध्या चालू वीज बिल भरावे. त्यांची वीज तोडली जाणार नाही. चुकीची बिले असतील तर दुरुस्त करून दिली जातील.

- धर्मराज पेठकर, अधीक्षक अभियंता.

ऐन द्राक्ष हंगामात शेतकऱ्यांना खिंडीत गाठले जात आहे. शेतकऱ्यांवर अन्याय करणारे हे धोरण आहे. सरकारने शेतकऱ्यांची परीक्षा पाहू नये.

- रविकांत साळुंखे, शेतकरी, मल्लेवाडी.


इतर बातम्या
खते मुबलक; पण किंमत जादा पुणे : राज्यात रब्बी हंगामात रासायनिक खतांची...
ज्येष्ठ विचारवंत डॉ. एन. डी. पाटील...कोल्हापूर ः ज्येष्ठ पुरोगामी विचारवंत, माजी...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
कांदाच बनला टुमदार बंगल्याची ओळख नाशिक ः  या नभाने या भुईला दान...
ईश्‍वेद समूहाच्या टिश्‍युकल्चर ...अकोला : सिंदखेडराजा येथील ईश्‍वेद बायोटेक टिश्‍...
कापूस आयात शुल्क  रद्दच्या विषयावरील...जळगाव ः कापसावरील आयात शुल्क रद्द करण्यासह वायदा...
नाशिकच्या स्टार्टअपचा राष्ट्रीय पातळीवर...नाशिक : केंद्रीय वाणिज्य आणि उद्योगमंत्री पीयूष...
तूर विक्रीसाठी शेतकऱ्यांची  खुल्या...अमरावती : सोयाबीन व कापसानंतर खरीप हंगामातील...
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
पुणे विभागात रब्बीतील कांदा लागवडीत वाढपुणे : आगामी काळात कांद्याला चांगले दर...
‘अशोक’च्या निवडणुकीत ‘लोकसेवा’ची सत्ता...नगर ः श्रीरामपूर तालुक्यातील अशोक सहकारी साखर...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
नगरमध्ये सहाशे शेतकऱ्यांना मिळणार... नगर ः शेतकऱ्यांना शेळीपालन, कुक्कुटपालन...
नांदेड जिल्ह्यात रब्बीत विक्रमी पेरणीनांदेड : पावसाळ्यात झालेल्या विक्रमी पावसामुळे...
शेतीमाल तारण योजनेत सात बाजार समित्याऔरंगाबाद : पणन मंडळाच्या औरंगाबाद विभागातील...
‘स्वाभिमानी’चे पीकविम्यासाठीचे ठिय्या...बुलडाणा : पीकविम्याच्या मुद्यावर चिखलीमध्ये...
उस्मानाबाद जिल्हा बँकेच्या संचालक...उस्मानाबाद : उस्मानाबाद जिल्हा बँकेच्या संचालक...
नगरच्या सहकारावर नागवडे, मुरकुटेंची पकडउस्मानाबाद : नगर ः जिल्ह्यात श्रीगोंदा...
तुरीच्या दरात काहीशी सुधारणाआठवडाभरात तुरीची आवक काहीशी मंदावली होती तसेच...