Agriculture news in marathi Agricultural service centers closed in Pune district | Agrowon

पुणे जिल्ह्यात कृषी सेवा केंद्रे बंद

टीम अॅग्रोवन
शनिवार, 11 जुलै 2020

पुणे : महाराष्ट्र फर्टिलायझर्स, पेस्टीसाईड्स सीडस् डिलर्स असोसिएशनने विविध मागण्यासाठी जाहीर केलेल्या तीन दिवसाच्या बंदला जिल्ह्यातील कृषी सेवा केंद्र चालकांनी प्रतिसाद देत केंद्रे बंद ठेवली आहेत. त्यामुळे अनेक ठिकाणी दुकांनामध्ये शुकशुकाट पाहायला मिळाला.

पुणे : महाराष्ट्र फर्टिलायझर्स, पेस्टीसाईड्स सीडस् डिलर्स असोसिएशनने विविध मागण्यासाठी जाहीर केलेल्या तीन दिवसाच्या बंदला जिल्ह्यातील कृषी सेवा केंद्र चालकांनी प्रतिसाद देत केंद्रे बंद ठेवली आहेत. त्यामुळे अनेक ठिकाणी दुकांनामध्ये शुकशुकाट पाहायला मिळाला. सरकारने तातडीने मागण्यांची दखल घेण्याची मागणी कृषी सेवा केंद्र चालकांकडून होत आहे.

कृषी विभागाने मान्यता दिलेल्या कंपन्यांकडून बियाणे सीलबंद स्थितीमध्ये खरेदी करून तसेच शेतकऱ्यांना विक्री करत आहेत. खरीपात सोयाबीन व इतर बियाणे पेरणीनंतर उगवत नसल्याच्या कारणास्तव विक्रेत्यास जबाबदार धरून त्याच्यावर गुन्हे दाखल करण्याबाबत कृषी आयुक्तालयाकडून अधिकाऱ्यांना सूचना देण्यात आल्या आहेत.

विक्रेता बियाणे उत्पादक, बियाणे प्रमाणीकरण करण्याचे काम करीत नसल्याने विक्रेत्यांवर या प्रकरणी गुन्हे नोंद करण्याची कार्यवाही रद्द करावी. सोयाबीन बियाणे उगवण न झाल्याने शेतकऱ्यांचे नुकसान झाले आहे. यापुढे शेतकऱ्यांना गुणवत्ता पूर्ण बियाणे मिळणे आवश्यक आहे. त्याचबरोबर विक्रेत्यांचा कोणताही दोष नसताना त्यांच्यावर अन्यायकारक कार्यवाही होत असल्याने तीन दिवस बंद पुकारण्यात आला आहे. त्यास पहिल्याच दिवशी पुणे जिल्ह्यातील जवळपास सात हजार कृषी सेवा केंद्रांनी प्रतिसाद देऊन दुकाने बंद ठेवली. सकाळपासून दुकाने बंद ठेवल्याने शेतकऱ्यांना खरीप हंगामात खते व किटकनाशके मिळण्यास काही प्रमाणात अडचणी आल्या.      

पुणे जिल्हा डिलर असोसिएशनचे अध्यक्ष महेश मोरे म्हणाले,`` जिल्हयात बंदला संपूर्ण जिल्ह्यातून उस्फुर्त प्रतिसाद मिळाला आहे. तीन दिवस बंद ठेवणार आहे. या काळात कोणतेही दुकानदार निविष्ठांची विक्री करणार नाहीत. सरकारने मागण्या मान्य न केल्यास राज्य संघटनेकडून पुढील आदेश मिळाल्यानंतर पुढील दिशा ठरविली जाईल. हा महाराष्ट्र राज्य असोसिएशनचा निर्णय आहे. त्यामुळे यामध्ये सहभागी झालो आहोत.’’
 


इतर ताज्या घडामोडी
कृषी कायदे शेतकऱ्यांना गुलाम करणारे :...नागपूर : केंद्रातील भाजप सरकारने लोकशाही आणि...
कोरोना लसीकरण क्रांतिकारक पाऊल : ...मुंबई : कोरोना लसीकरणाचा आजचा कार्यक्रम हे एक...
सातारा जिल्ह्यात रब्बीची ९५ टक्के...सातारा : जिल्ह्यातील रब्बी हंगामातील पेरणीची कामे...
औरंगाबाद, जालना, बीड जिल्ह्यांत गहू...औरंगाबाद : तीन जिल्ह्यात यंदा रब्बी हंगामात...
सांगलीत कारखानदारांनी एफआरपीचा केला...सांगली : कोल्हापूर जिल्ह्यातील बहुतांश साखर...
बँकांनी पीक कर्जवाटप वेळेत पूर्ण करावे...नगर:  ‘‘जिल्ह्यात रब्बी हंगामासाठी बँकांना...
सांगलीत ‘पीएम किसान’च्या अपात्र...सांगली : पंतप्रधान किसान योजनेतील जिल्ह्यातील ५...
सांगली जिल्हा बॅंकेसह १७३ संस्थांच्या ...सांगली : सहकारी संस्थांच्या निवडणुका घेण्याचे...
नाशिकला मका खरेदीसाठी ५६ हजार क्विंटलचे... येवला : केंद्र शासनाच्या परवानगीनंतर ही...
नांदेड जिल्ह्यात मतदानासाठी केंद्रांवर...नांदेड ः जिल्ह्यातील ९०७ ग्रामपंचायतींसाठी...
नाशिकमध्ये उत्साहात ग्रामपंचायतींचे...नाशिक : जिल्ह्यातील ६२१ पैकी ५६५...
गोसेखुर्द प्रकल्पासाठी भूसंपादनाचा तिढा...नागपूर : पूर्व विदर्भातील शेतकऱ्यांसाठी वरदान...
नव्या परवानगीमुळे मका उत्पादकांचा जीव...बुलडाणा : राज्यात सर्वाधिक मका खरेदी झालेल्या...
राज्यात कृषी पीएचडीची प्रवेश प्रक्रिया...पुणे ः राज्याच्या चारही कृषी विद्यापीठांमधील...
खानदेशात मका दरात सुधारणाजळगाव ः खानदेशातील प्रमुख बाजार समित्यांमध्ये...
सकाळी सौम्य थंडी; दुपारी उष्ण हवामानमहाराष्ट्रावर १०१० हेप्टापास्कल इतका कमी हवेचा...
डाळिंब बागांसाठी पाण्याचे व्यवस्थापनजानेवारी अखेरपासून पाण्याची उपलब्धता कमी होत जाते...
औरंगाबादमध्ये मोसंबीला सर्वसाधारण ३०००...औरंगाबाद : येथील कृषी उत्पन्न बाजार समितीमध्ये...
गहू संशोधनात सर्वांचाच वाटा ः डाॅ. ढवणनाशिक :  येथील गहू संशोधन केंद्रास डॉ....
कोल्हापुरात सकाळपासूनच मतदारांच्या...कोल्हापूर : जिल्ह्यात ग्रामपंचायतीसाठी चुरशीने...