अचूक पीक पेरणी अहवाल देणे शक्य नाही ः कृषी सहायकांचे निवेदन

बुलडाणा  ः जिल्ह्यातील पीक पेरणीचा शेतकरीनिहाय व सर्व्हे नंबरनिहाय पीक पेरणीचा अचूक अहवाल देणे शक्य नसल्याने हे काम कृषी सहायक संघटना करणार नाही, अशा आशयाचे निवेदन कृषी सहायक संघटनेने जिल्हा अधीक्षक कृषी अधिकारी नरेंद्र नाईक यांना दिले आहे.

अचूक पीक पेरणी अहवालाबाबत २० जून २०१९ रोजी जिल्हाधिकाऱ्यांनी काढलेले पत्र जिल्हा अधीक्षक कार्यालयाने कृषी सहायकांना बजाविले होते. त्यानुसार कृषी सहायक व तलाठी यांच्या संयुक्त स्वाक्षरीने अचूक पीक पेरणी अहवाल दर सोमवारी सादर करण्याचे कळविण्यात आले होते. शेतकरीनिहाय, सर्व्हे नंबरनिहाय हा अहवाल देण्याबाबत सांगण्यात आले होते. मात्र, हे काम शक्य नसल्याने याला संघटनेने नकार दिला आहे.

संघटनेने जिल्हा अधीक्षक कृषी अधिकाऱ्यांना दिलेल्या निवेदनात कृषी सहायकांना प्रक्षेत्रावर काम करीत असताना येणाऱ्या अडचणी सोडविण्याचीही मागणी केली आहे. संघटनेचे जिल्हाध्यक्ष विलास रिंढे, कार्याध्यक्ष दीपक बोरे, कोशाध्यक्ष काकासाहेब दळवी, सचिव रवी गवई, राज्य कार्यकारिणी सदस्य धनंजय सोनुने, चंदा नवले आदींच्या नावे हे निवेदन देण्यात आले आहे.

या आहेत प्रमुख मागण्या