agriculture news in marathi, agriculture commissioner gives order to inquiry in bogus pesticide case, nagpur, maharashtra | Agrowon

बनावट कीटकनाशकप्रकरणी कृषी आयुक्तांचे चौकशीचे आदेश

टीम अॅग्रोवन
सोमवार, 27 ऑगस्ट 2018

नागपूर   ः बनावट कीटकनाशक प्रकरणात समाधानकारक कारवाई झाली नसल्याबाबत कृषी आयुक्‍त सचिंद्र प्रतापसिंह यांनी तीव्र नाराजी व्यक्‍त केली आहे. अमरावती व नागपूर विभागीय कृषी सहसंचालकांना या संदर्भात नोटीस बजावून खुलासा करण्याचे आदेश त्यांनी दिले आहेत. तसेच, या प्रकरणात हलगर्जीपणा करणाऱ्या अधिकाऱ्यांवर कारवाई करण्याच्या सूचनाही त्यांनी दिल्या आहेत.

नागपूर   ः बनावट कीटकनाशक प्रकरणात समाधानकारक कारवाई झाली नसल्याबाबत कृषी आयुक्‍त सचिंद्र प्रतापसिंह यांनी तीव्र नाराजी व्यक्‍त केली आहे. अमरावती व नागपूर विभागीय कृषी सहसंचालकांना या संदर्भात नोटीस बजावून खुलासा करण्याचे आदेश त्यांनी दिले आहेत. तसेच, या प्रकरणात हलगर्जीपणा करणाऱ्या अधिकाऱ्यांवर कारवाई करण्याच्या सूचनाही त्यांनी दिल्या आहेत.

एका कंपनीचे बनावट कीटकनाशक बाजारात आल्याचा सशंय थेट त्या कंपनीनेच व्यक्त केला. त्या कंपनीने राज्यभरातील आपल्या वितरकांकडून माल परत मागवून घेतला. नागपूर येथील एका विक्रेत्याकडे सद्य:स्थितीत त्या कीटकनाशकाच्या विक्रीचा परवाना नाही. परंतु, त्याच्याकडे असलेल्या जुन्या साठ्याची मात्र त्याने कमी दरात अकोल्यातील एका वितरकाला विक्री केली. त्यापोटी जीएसटी बिलही नागपुरातील त्या मुख्य वितरकाने दिले.

अकोल्यातील वितरकाने त्याचे कार्यक्षेत्र असलेल्या अमरावती, अकोला, वाशीम, बुलडाणा, यवतमाळ जिल्ह्यातील किरकोळ विक्रेत्यांना हे कीटकनाशक पुरविले. हा साठादेखील कंपनीने परत मागवून घेतला. त्यापूर्वी कृषी विभागाकडे कंपनीने बनावट कीटकनाशके बाजारात दाखल झाल्याने कारवाईची मागणी केली होती. त्याची दखल घेत वरिष्ठ स्तरावरून कारवाई सुरू झाली. अकोल्यात कीटकनाशकाचे नमुने घेण्यात आले. त्याचा अहवाल नुकताच मिळाला असून, हे कीटकनाशक यामध्ये पास झाले आहे.

यवतमाळ जिल्ह्यात अधीक्षक कृषी अधिकाऱ्यांनी या प्रकरणात १६ कृषी सेवा केंद्रांचे परवाने निलंबित केले. नागपुरातून या कथित बोगस कीटकनाशकाचा पुरवठा झाला असला, तरी त्या ठिकाणी कोणतीच कारवाई कृषी विभागस्तरावरून केली गेली नाही. कृषी आयुक्तांनी याची गंभीर दखल घेतली. आयुक्तांनी अमरावती व नागपूर विभागीय कृषी सहसंचालकांना नोटीस बजावून खुलासा करण्याचे आदेश दिले आहेत.

या प्रकरणात कारवाई समाधानकारक नसल्याचे सांगत या प्रकरणी गुणवत्ता निरीक्षक किंवा कोणीही दोषी असतील त्यांच्यावर कारवाई करण्यात यावी, अशा सूचना त्यांनी दिल्या आहेत. तसेच कंपनीचा दावा खोटा निघाल्यास कंपनीविरोधात देखील कारवाईच्या सूचना देण्यात आल्या आहेत.

अकोल्यात कारवाईसाठी धावाधाव
कृषी आयुक्‍तांच्या आदेशानंतर धाबे दणाणलेल्या अकोला कृषी विभागाने अकोल्यातील वितरक महेश बजाज यांचा परवाना सहा महिन्यांसाठी निलंबित केला. त्यांच्याकडील कीटकनाशकाच्या विक्रीबंदचे आदेश देण्यात आले आहेत. न्यायालयात याचिका दाखल करण्यात आली असून, पोलिस तक्रारीसाठी पाठपुरावा केला जात आहे. गुणवत्ता निरीक्षक मिलिंद जवंजाळ यांनी त्याला दुजोरा दिला.


इतर अॅग्रो विशेष
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...
राज्यात तुरळक ठिकाणी पावसाचा दणका पुणे ः राज्यात गेल्या दोन दिवसांपासून कोकणातही...
‘जीआय’प्राप्त शेतकरी ‘वापरकर्ते’ करणारपुणे: राज्यातील पिकांना भौगोलिक निर्देशांक मिळाले...
तीन दिवसांत मदतीबाबत निर्णय: मुख्यमंत्रीसोलापूर ः हवामान विभागाने आणखी दोन-तीन दिवस...
राज्यात पावसासाठी पोषक स्थिती पुणे ः बंगालचा उपसागर व दक्षिण आंध्रप्रदेश...
शेतकऱ्यांना मदतीसाठी कर्जाशिवाय गत्यंतर...तुळजापूर, जि. उस्मानाबाद: स्थानिक लोकांशी...
कोरोनामुळे वाढल्या कृषी व्यापार संधीचीनच्या तुलनेत आपली अर्थव्यवस्था मजबूत करायची...
कृषी ‘समृद्धी’चा मार्गबाळासाहेब ठाकरे मुंबई-नागपूर समृद्धी महामार्गालगत...