agriculture news in Marathi agriculture commissioner visited to farm Maharashtra | Agrowon

कृषी आयुक्‍त थेट बांधावर 

टीम अॅग्रोवन
सोमवार, 18 जानेवारी 2021

कृषी आयुक्‍तांनी शनिवारी (ता.१६) व रविवारी (ता. १७) आढावा बैठकीआधी व नंतर थेट औरंगाबाद व जालना जिल्ह्यातील शेतकऱ्यांच्या बांधावर जाणे पसंत केले.

औरंगाबाद : कृषी विभागाच्या क्षेत्रीय भेट व आढावा बैठकीसाठी औरंगाबादला आलेल्या कृषी आयुक्‍तांनी शनिवारी (ता.१६) व रविवारी (ता. १७) आढावा बैठकीआधी व नंतर थेट औरंगाबाद व जालना जिल्ह्यातील शेतकऱ्यांच्या बांधावर जाणे पसंत केले. या वेळी प्रत्यक्ष योजनांची अंमलबजावणीची स्थिती, शेतकऱ्यांच्या प्रक्रिया, पूरक उद्योगाच्या अपेक्षा याबाबत याची माहिती घेण्यासह आयुक्‍तांनी यंत्रणेला, उत्पादक ते ग्राहक थेट साखळी, ‘विकेल ते पिकेल’सह योजनांच्या अंमलबजावणीच्या सूचना केल्या. 

औरंगाबाद कृषी विभागाचा आढावा घेण्यासाठी राज्याचे कृषी आयुक्‍त धीरजकुमार शनिवारी (ता. १६) दुपारी औरंगाबादेत आले. त्यानंतर विभागीय कृषी सहसंचालकांसह त्यांनी थेट जालना जिल्ह्यातील वरुडी, राजेवाडी, हडप सावरगाव आदी ठिकाणी प्रत्यक्ष भेटी दिल्या. ‘विकेल ते पिकेल’ अंतर्गत स्टॉल शुभारंभ, मोतीपालन, पोकरा योजनेअंतर्गत सामूहिक शेततळे, फळबाग, शेडनेट, उन्हाळी सोयाबीन लागवड शेतीला भेट, एकात्मिक पाणलोट कामाची पाहणी, शेतकरी उत्पादक कंपनीच्या माध्यमातून गटशेतीने केलेली कामे आदींची वस्तुस्थिती जाणून घेतली. वरुडी फाट्यावर विकेल ते पिकेल अंतर्गत शेतीमाल विक्री स्टॉलचा प्रारंभ कृषी आयुक्‍तांच्या हस्ते करण्यात आला. या वेळी कृषी आयुक्‍तांनी जयकिसान शेतकरी गटाचे जयकिसन शिंदे यांच्याशी संवाद साधला. 

राजेवाडी येथील मोसंबी उत्पादक शेतकऱ्यांनी मोसंबीवर प्रक्रिया उद्योगाची, शीतगृहाची वाणवा त्यामुळे उत्पादन दर्जेदार असूनही मिळत नसलेले दर आदी प्रश्‍न मांडले. हडप सावरगाव येथील आयडियल शेतकरी उत्पादक कंपनीच्या भेटीप्रसंगी कंपनीचे प्रमुख भगवानराव डोंगरे यांनी शेतकरी उत्पादक कंपनीच्या अडचणी आयुक्‍तांसमोर मांडल्या. सर्व प्रश्‍नांना समजून घेत त्यावर सकारात्मक प्रतिसाद आयुक्‍त धीरजकुमार यांनी दिला. 

रविवारीही केली पाहणी 
रविवारी औरंगाबाद तालुक्‍यातील पूरक व प्रक्रिया उद्योगासह उभ्या असलेल्या व्यावसायिक प्रक्रिया उद्योगांची नेमकी गरज काय हे जाणून घेण्यासाठी आयुक्‍तांनी शेंद्रा एमआयडीसीमधील भात व औषधी वनस्पती प्रक्रिया उद्योगांना भेटी दिल्या. औरंगाबाद शहरातील संत शिरोमणी सावता माळी शेतकरी आठवडे बाजाराला भेट देऊन सहभागी शेतकरी व ग्राहकांशी संवाद साधला. टोणगाव येथील शेतकऱ्यांशी संवाद साधून फळपीक, संरक्षित शेती, बायोगॅस, स्लरी वापर, शेततळे, दुग्ध व्यवसाय स्थिती जाणून घेतली. त्यानंतर खुलताबाद तालुक्‍यातील अब्दीमंडी येथील देवगिरी तेलघाणा उद्योग, वेरूळ परिसरातील शेतकरी उत्पादक कंपनीची वाटचाल, गंगापूर तालुक्‍यातील गावांना भेटी दिली. 
 


इतर अॅग्रो विशेष
दावा अन् वास्तवशेतकरी सन्मान निधी योजनेच्या दोन वर्षपूर्तीच्या...
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
स्वच्छता, पायाभूत सुविधांमध्ये...पिण्याचे पाणी, वीज, रस्ते यांसारख्या पायाभूत...
एकत्र या अन् ठरवा भावसातारा जिल्ह्यातील एका शेतकऱ्याला कोबीला...
अद्ययावत ‘मंडी’चे स्वप्न!दिल्लीच्या सीमारेषेवर पाच ठिकाणी गेले ९२ दिवस...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
‘लम्पी स्कीन’मुळे दूध उत्पादनाला...नगर ः ‘लम्पी स्कीन’ आजाराचा प्रादुर्भाव झालेल्या...
राज्यात चार नवे कृषी संशोधन प्रकल्पपुणे : राज्यातील कृषी शिक्षण व संशोधनाला चालना...
वंचित शेतकऱ्यांसाठी राज्यांनी पुढाकार...पुणे : ‘‘आधुनिक तंत्रज्ञानाचा वापर करून देशातील...
राज्यात थंडीत किंचित वाढपुणे ः कोकण व मध्य महाराष्ट्रात आकाश निरभ्र...
रत्नागिरी हापूस पोहोचला लंडनलारत्नागिरी ः लंडनस्थित भोसले एंटरप्रायझेस यूके आणि...
रब्बी ज्वारीचा हुरडा वाण विकसितपरभणी ः वसंतराव नाईक मराठवाडा कृषी विद्यापीठातील...
डोंगरगावात फळपीक केंद्रित प्रयोगशील...नगर जिल्ह्यात अकोले तालुक्यातील डोंगरगाव येथील...
आगाप नियोजनातून आंब्याला उच्चांकी दरकोकणातील काही आंबा बागायतदार आगाप (हंगामपूर्व)...
५० वर्षांच्या वृक्षाचे पर्यावरणीय मूल्य...साधारणतः आपण कुठल्याही वस्तूचे मूल्यमापन विविध...
कोकणात ढगाळ वातावरण पुणे ः अरबी समुद्राच्या आग्नेय भागात चक्रिय...
उन्हाळ कांद्याची बाजारात ‘एन्ट्री’ नाशिक : जिल्ह्यात रब्बी हंगामातील आगाप उन्हाळ...
‘पीएम-किसान’मध्ये महाराष्ट्राचा डंका पुणे : पंतप्रधान किसान सन्मान निधी योजनेत (पीएम-...