Agriculture news in marathi Agriculture department should plan kharif carefully: Jayant Patil | Agrowon

कृषी विभागाने खरिपाचे काटेकोर नियोजन करावे ः जयंत पाटील

टीम अॅग्रोवन
शुक्रवार, 1 मे 2020

सांगली ः खरीप हंगामासाठी आवश्यक असणारी खते, बियाणे, कीटकनाशके शेतकर्‍यांना मागणी प्रमाणे पुरेशा प्रमाणात उपलब्ध करून द्या. तसेच शेतकर्‍यांची फसवणूक होणार नाही यासाठी खबरदारी घ्या. कृषी विभागाने हंगामाचे काटेकोर नियोजन करावे, असा सूचना पालकमंत्री जयंत पाटील यांनी दिल्या. 

सांगली ः खरीप हंगामासाठी आवश्यक असणारी खते, बियाणे, कीटकनाशके शेतकर्‍यांना मागणी प्रमाणे पुरेशा प्रमाणात उपलब्ध करून द्या. तसेच शेतकर्‍यांची फसवणूक होणार नाही यासाठी खबरदारी घ्या. कृषी विभागाने हंगामाचे काटेकोर नियोजन करावे, असा सूचना पालकमंत्री जयंत पाटील यांनी दिल्या. 

पालकमंत्री पाटील यांनी खरीप हंगामाची बुधवारी (ता. २९) ऑनलाइन आढावा बैठक घेतली. या बैठकीत कृषी राज्यमंत्री डॉ. विश्वजित कदम, खासदार धैर्यशील माने, जिल्हा परिषद अध्यक्षा प्राजक्ता कोरे, आमदार अनिल बाबर, आमदार मानसिंगराव नाईक, आमदार विक्रम सावंत, जिल्हाधिकारी डॉ. अभिजित चौधरी, जिल्हा परिषदेचे मुख्य कार्यकारी अधिकारी अभिजित राऊत, पाटबंधारे विभागाचे अधीक्षक अभियंता हणमंत गुणाले, जिल्हा अधीक्षक कृषी अधिकारी बसवराज मास्तोळी यांच्यासह विविध विभागांचे अधिकारी सहभागी झाले होते. 

मागील वर्षामध्ये अतिवृष्टी, महापूर व अवकाळी पाऊस यामुळे शेतकर्‍यांकडील सोयाबीन बाधित झाल्याने बियाणे म्हणून वापरण्यासाठी योग्य नाही. त्यामुळे महाबीजकडे ७ हजार ५८४ क्विंटलची वाढीव मागणी करण्यात आली आहे. ज्या शेतकर्‍यांना स्वत:कडील सोयाबीन बियाणे वापरावयाचे आहे, त्यांच्यासाठी गावस्तरावर उगवण क्षमता प्रात्यक्षिके घेण्याची मोहीम सुरू आहे. त्यामुळे शेतकर्‍यांनी उगवण चाचणी घेतल्याशिवाय पेरणी करू नये, असे आवाहन मंत्री पाटील यांनी केले. 

कृषी विभाग आणि जिल्हा परिषद कृषी विभाग असे एकूण ३२ गुणनियंत्रक निरीक्षकांची नियुक्ती करण्यात आली आहे. खरीप हंगाम २०२०-२१ साठी गुणनियंत्रण नियोजन करण्यात आले आहे. जिल्ह्यात ११ भरारी पथके स्थापन केली आहेत. यांच्यामार्फत सर्व विक्री केंद्रांची तपासणी केली जाणार आहे. 

स्वर्गीय गोपीनाथ मुंडे शेतकरी अपघात विमा योजनेचे दावे दोन-तीन वर्षे प्रलंबित राहिल्याचे दिसून येत आहे. ही बाब अत्यंत चुकीची आहे. त्यामुळे एखाद्या शेतकर्‍याचा अपघाती मृत्यू झाल्यास ग्रामसेवक व कृषी पर्यवेक्षकांनी कागदपत्रांची पूर्तता करून विमा कंपन्यांकडून मुदतीत संबंधित कुटुंबाला मदत मिळवून द्यावी. यामध्ये कोणतीही हयगय सहन केली जाणार नाही, अशा कडक सूचना मंत्री पाटील यांनी दिल्या. 

जिल्ह्यात ३ लाख हेक्टरवर खरिपाचे नियोजन 
जिल्ह्यात खरीपासाठी ३ लाख ६६ हजार हेक्टर क्षेत्राचे नियोजन करण्यात आले आहे. यामध्ये भात, खरीप ज्वारी, मका, इतर तृणधान्ये असे १ लाख ६१ हजार ३०० आणि तूर, मूग, उडीद व अन्य कडधान्याचे ४१ हजार ५०० असे अन्नधान्याच्या पिकाखाली २ लाख २ हजार ८०० हेक्टर क्षेत्राचे नियोजन आहे. भुईमूग, कारळा, सूर्यफूल, सोयाबीन व अन्य तेलबिया अशा ९३ हजार १०० हेक्टर क्षेत्राचा समावेश आहे. यासाठी ५२ हजार ८५३ क्विंटल बियाणांची मागणी आहे. त्याचे नियोजन केले आहे. 

कोरोनाचा बाऊ न करता विद्युत यंत्रणा सुरळीत ठेवा 
जिल्ह्यात अनेक ठिकाणी दुरूस्ती अभावी ट्रान्सफॉर्मर बंद असल्याने लोकांची गैरसोय होत आहे, अशी तक्रार अनेक लोकप्रतिनिधींनी केली. पालकमंत्री पाटील म्हणाले की, वीज वितरण कंपनीने कोरोनामुळे उद्भवलेल्या परिस्थितीचा बाऊ न करता नादुरूस्त ट्रान्सफॉर्मरची तत्काळ दुरूस्त करा. जिल्ह्यात विद्युत यंत्रणा सुरळीत ठेवा. कृषी पंपांच्या प्रलंबित जोडण्या तत्काळ द्याव्यात.  


इतर ताज्या घडामोडी
सोलापूर जिल्ह्यात दमदार पाऊस सोलापूर : जिल्ह्यात गेल्या दोन दिवसांपासून...
नगर जिह्यात पावसाने पिकांचे अतोनात...नगर  : जिल्ह्याच्या बहुतांश भागात...
सोनी गावामध्ये आहेत २८८ शेततळीसोनी (ता. मिरज,जि.सांगली) या गावात  कृषी...
कर्नाळा बँकेत ३६ ग्रामपंचायतींचे पैसे...मुंबई : ‘शेकाप’चे माजी आमदार विवेक पाटील यांच्या...
मराठवाड्याच्या विकासासाठी शासन कटीबध्द...औरंगाबाद : मराठवाड्याच्या सर्वांगिण विकासासाठी...
केंद्राच्या कांदा निर्यातबंदी विरोधात...नाशिक : केंद्र सरकारने कुणाचीही ओरड नसताना, अन्न...
औरंगाबादमधील नुकसानग्रस्त पिकांचे...औरंगाबाद : ‘‘जिल्ह्यात अतिवृष्टीमुळे नुकसान...
खानदेशातील पपई पिकाला अतिपावसाचा फटकाजळगाव : खानदेशात पपई पिकाला अतिपावसाचा फटका बसला...
नांदेडमध्ये ३८ हजार हेक्टर पिकांचे...नांदेड : अतिवृष्टी व पूरामुळे जिल्ह्यातील ३८१...
‘म्हैसाळ’मधून पावणेदोन टीएमसी पाणी उचललेसांगली  ः कृष्णा नदीला आलेल्या पूराचे पाणी...
कांदा निर्यातबंदीविरूध्द कॉंग्रेसचे...रत्नागिरी : कांदा निर्यातीबाबतचा निर्णय...
मुसळधार पावसामुळे पिके भुईसपाटपुणे ः राज्यातील अनेक भागांत कमीअधिक स्वरूपात...
पानपिंपरी पिकाला विम्याचे कवच द्याअकोला ः जिल्ह्यात पानपिंपरी या वनौषधीवर्गीय...
सीमाभाग आणि बंदरातील कांदा सोडा; अन्यथा...नाशिक : टाळेबंदी शिथिल झाल्यानंतर शेजारील...
कोल्हापुरात ‘गोकूळ’चे दूध रोखण्याचा...कोल्हापूर : मराठा आरक्षणाला स्थगिती दिल्याच्या...
शरद पवार यांनी ऊसतोड कामगारांची कोंडी...नगर ः ऊसतोडणी कामगारांच्या तोडणी दरात वाढ करावी...
फळबाग लागवडीसाठी जमिनीची निवड महत्त्वाचीसामान्यपणे फळबागा अयशस्वी होण्यामध्ये किंवा...
बियाणासाठी घरचे सोयाबीन ठेवताना...बियाण्यासाठी निवड करण्यात आलेल्या प्लॉटमध्ये...
महिला बचत गटांच्या माध्यमातून हळद...सहकाराच्या धर्तीवर संघटित झालेल्या राजापूर...
पुणे जिल्ह्यात दोन लाखावर शेतकऱ्यांना...पुणे : जिल्हा बॅंकेकडून खरीप हंगामासाठी गेल्या...