agriculture news in marathi, agriculture departments Counseling transfers suspended | Agrowon

कृषी विभागातील समुपदेशन बदल्या स्थगित; घोडेबाजार पुन्हा सुरू होण्याची भीती
टीम अॅग्रोवन
सोमवार, 21 मे 2018

पुणे : राज्याच्या कृषी विभागात समुपदेशनाने बदल्या करण्याची कृषी आयुक्तांनी सुरू केलेली प्रक्रिया अचानक स्थगित करण्यात आली आहे. राज्य कृषी सेवा गट ‘ब’मधील जवळपास १८५ बदल्या संशयास्पदरित्या थांबविण्यात आल्याने घोडेबाजार पुन्हा सुरू होण्याची शक्यता आहे. 

मंत्रालयीन संवर्ग तसेच राज्य शासकीय गट ‘अ’मधील अधिकारी वगळून आता गट ‘ब’मधील अधिकारी आणि गट ‘क’ व ‘ड’ मधील कर्मचाऱ्यांना समुपदेश बदलीचे धोरण लागू करण्यात आलेले आहे. यामुळे कृषी आयुक्तांनी समुपदेशाने पारदर्शकरीत्या बदल्यांची प्रक्रिया सुरू केली होती. 

पुणे : राज्याच्या कृषी विभागात समुपदेशनाने बदल्या करण्याची कृषी आयुक्तांनी सुरू केलेली प्रक्रिया अचानक स्थगित करण्यात आली आहे. राज्य कृषी सेवा गट ‘ब’मधील जवळपास १८५ बदल्या संशयास्पदरित्या थांबविण्यात आल्याने घोडेबाजार पुन्हा सुरू होण्याची शक्यता आहे. 

मंत्रालयीन संवर्ग तसेच राज्य शासकीय गट ‘अ’मधील अधिकारी वगळून आता गट ‘ब’मधील अधिकारी आणि गट ‘क’ व ‘ड’ मधील कर्मचाऱ्यांना समुपदेश बदलीचे धोरण लागू करण्यात आलेले आहे. यामुळे कृषी आयुक्तांनी समुपदेशाने पारदर्शकरीत्या बदल्यांची प्रक्रिया सुरू केली होती. 

‘‘समुपदेशन बदल्यांमुळे आयुक्तांच्या कामकाजाबाबत कर्मचाऱ्यांनी समाधान व्यक्त केले होते. आयुक्तांनी वर्ग दोन कनिष्ठ गटातील जवळपास २२५ अधिकाऱ्यांच्या बदल्या घोडेबाजाराला थारा न देता केल्या होत्या. मात्र वरिष्ट गटाच्या बदल्यांमध्ये कोलदांडा आणला गेला आहे. या गटात तालुका कृषी अधिकारी, तंत्र अधिकारी, जिल्हा परिषदेमधील कृषी अधिकारी, मोहीम अधिकारी आणि विभागीय गुणनियंत्रण अधिकाऱ्यांची पदे आहेत. ही मलईदार पदे असून त्यासाठी अनेक अधिकाऱ्यांनी ‘टेंडर’ भरलेली आहेत. आयुक्तालयातील एक आणि मंत्रालयातील एक अधिकारी टेंडर पद्धतीत पुढाकार घेतो आहे. समुपदेशामुळे मलईदार पदे मिळत नसल्याचे पाहून टेंडरफेम अधिकाऱ्यांनी समुपदेशन प्रक्रियाच हाणून पाडली,’’ अशी माहिती सूत्रांनी दिली. 

आस्थापना सहसंचालक सुधीर ननावरे यांनी समुपदेशन प्रक्रिया स्थगित करणारा आदेश शनिवारी जारी केला आहे. आदेशात स्थगितीचे कोणतेही कारण दाखविण्यात आलेले नाही. कृषी आयुक्तालयापासून ते तालुका कार्यालयात फक्त समन्वयाने बदल्या करून घेण्यात काही अधिकारी पटाईत झालेले आहेत. काही अधिकारी मलईदार जागा हेरून जिल्हा किंवा मुख्यालयाच्या ठिकाणीच बदली मागतात. यात प्रामाणिक कर्मचाऱ्याची कोंडी केली जाते, असे सूत्रांचे म्हणणे आहे.

समुपदेशाने बदल्या करताना प्रामाणिक कर्मचाऱ्याला घोडेबाजारापासून सुटका मिळणार होती. मात्र आस्थापना विभागात कोणतेही चांगले काम करण्याचा प्रयत्न केला, की मंत्रालयातून ‘धपाटा’ बसतो, अशी तक्रार कर्मचाऱ्यांनी केली आहे. कृषी विभागातील वर्ग एकच्या जागादेखील समुपदेशाने भराव्यात. यामुळे बदल्यांमधील भ्रष्टाचार संपुष्टात येईल व त्यातून खात्यांतर्गत योजनांमधील गैरव्यवहार देखील काही प्रमाणात कमी होईल, असेही काही वरिष्ठ अधिकाऱ्यांचे म्हणणे आहे.

इतर अॅग्रो विशेष
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...
‘पक्षाघाता’च्या साथीत कायदा बासनात"व्हेन मेन आर प्युअर लॉज आर युजलेस. व्हेन मेन आर...
चिंता वाढविणारी उघडीपराज्यात मॉन्सूनच्या पावसाचा काहीसा जोर कमी झाला...
ऊन-सावल्यांच्या खेळात पावसाची दडी;...पुणे : मॉन्सून सक्रिय नसल्याने राज्याच्या बहुतांश...
पीकविम्यासाठी आतापर्यंत साडेतीन लाख...पुणे  : पंतप्रधान पीकविमा योजनेसाठी चालू...
कमी खर्चात वाइननिर्मितीचे तंत्र विकसित...पुणे : महाराष्ट्र विज्ञान वर्धिनीच्या आघारकर...
शेंगासोबतच शेवग्याची पावडर ठरतेय...संपूर्ण २० एकर क्षेत्रांमध्ये शेवगा लागवडीचा...
मराठवाड्यात दुष्काळाची धग कायमऔरंगाबाद : पावसाळा सुरू होऊन महिना उलटला,...
मराठा उमेदवारांच्या खुल्या प्रवर्गातील...मुंबईः मराठा आरक्षणाला स्थगिती असताना खुल्या...
मराठवाड्यात ४८ टक्‍के पेरणी; पिके...औरंगाबाद : मराठवाड्यातील खरिपाच्या ४९ लाख ९६...
बिस्किटउद्योगातून आर्थिक प्रगतीमौजे सांगाव (ता. कागल, जि. कोल्हापूर) येथील...
शेती, शिक्षण अन् ग्रामविकासात ‘वसुधा’...धुळे येथील वन्य सुस्थापन धारा (वसुधा) ही...
।। जातो माघारी पंढरीनाथा । तुझे दर्शन...पंढरपूर, जि. सोलापूर सावळ्या विठुरायाचे दर्शन आणि...