कापसाच्या हमीभावात ५०० रुपयांनी वाढ करावी : कृषीमंत्री डॉ. अनिल बोंडे

देशातील इतर कापूस उत्पादक राज्यांच्या तुलनेत महाराष्ट्रात सिंचनसोयी कमी आहेत. सिंचन क्षेत्रातील कापूस पाच टक्‍केच आहे. त्यामध्ये शेतकऱ्यांचा नाही तर सरकारचा दोष आहे. त्याचा फटका कापूस उत्पादनाला बसत आहे. परिणामी, हमीभावासाठी महाराष्ट्राकरिता वेगळा निकष लावावा किंवा बोनस तरी द्यावा. - गोविंद वैराळे, ज्येष्ठ कापूस तज्ज्ञ, नागपूर.
कृषीमंत्री डॉ. अनिल बोंडे
कृषीमंत्री डॉ. अनिल बोंडे

अमरावती   ः राज्याची कमी असलेली कापूस उत्पादकता आणि वाढता उत्पादन खर्च यामुळे हमीभावात किमान ५०० रुपयांनी वाढ करावी, अशी मागणी कृषिमंत्री डॉ. अनिल बोंडे यांनी केंद्रीय कृषिमंत्री नरेंद्रसिंह तोमर यांच्याकडे सोमवारी (ता. १५) एका पत्राव्दारे केली. 

कापूस क्षेत्रातील जाणकारांच्या माहितीनुसार, देशातील इतर भागांत ५५ ते ६० टक्‍के सिंचनसोयी आहेत. परिणामी, देशातील नऊ कापूस उत्पादक राज्यांची उत्पादकता साडेनऊ ते दहा क्‍विंटल प्रती एकर आहे. परंतु, महाराष्ट्र याला अपवाद असून या ठिकाणी कापसासाठीचे सिंचन केवळ पाच टक्‍के असल्याने प्रती एकर उत्पादकता चार क्‍विंटल आहे. कापसाचा हमीभाव ठरविताना सिंचनसोयी असलेल्या भागातील कापसाची उत्पादकता विचारात घेतली जाते. यामध्ये महाराष्ट्राचा विचार केला जात नाही. त्यामुळे कापसाचा हमीभाव ठरविताना महाराष्ट्रासाठी वेगळा निकष लावावा किंवा बोनस तरी दिला जावा, अशी मागणी गेल्या अनेक वर्षांपासून आहे. परंतु, केंद्र व राज्य सरकारकडून ही बाब गंभीरपणे घेतली गेली नाही.

यावर्षी कापसाच्या हमीभावात १०० रुपयांची वाढ करण्यात आल्याने दर ५४५० रुपये क्‍विंटलवरुन ५५५० रुपयांवर पोचले आहेत. महाराष्ट्रातील शेतकऱ्यांना याचा फायदा होणार नाही. त्यामुळे हमीभावात किमान ५०० रुपयांची व्हावी, अशी मागणी होती. त्याची दखल घेत कृषिमंत्री डॉ. अनिल बोंडे यांनी केंद्रीय कृषिमंत्री नरेंद्रसिंह तोमर यांच्याकडे हमीभावात किमान ५०० रुपयांची वाढ करावी, अशी मागणी केली आहे. त्यासाठी वाढता उत्पादन खर्च विचारात घ्यावा, अशी अपेक्षा आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com