agriculture news in Marathi agriculture produce export cost became doubled Maharashtra | Agrowon

शेतमाल निर्यात खर्च झाला दुप्पट 

मुकुंद पिंगळे
शनिवार, 23 जानेवारी 2021

लंडनमध्ये डिसेंबरअखेर कोरोनाचा नव्या स्ट्रेन आढळून आल्याने हवाई वाहतूक सेवा प्रभावित झाली. हवाई वाहतूक फेऱ्या कमी झाल्याने निर्यात करण्यासाठी येणारा वाहतूक खर्च दुपटीने वाढला आहे.

नाशिक : लंडनमध्ये डिसेंबरअखेर कोरोनाचा नव्या स्ट्रेन आढळून आल्याने हवाई वाहतूक सेवा प्रभावित झाली. हवाई वाहतूक फेऱ्या कमी झाल्याने निर्यात करण्यासाठी येणारा वाहतूक खर्च दुपटीने वाढला आहे. परिणामी, नाशिकमधून होणारी शेतीमाल निर्यात ७० टक्क्यांनी घटली आहे. तर त्याचा मोठा परिणाम कामकाजावर झाल्याने निर्यातदार व शेतकरी अडचणीत सापडले आहेत. 

लंडनमध्ये कोरोनाचा नवीन स्ट्रेन आढळून आल्याने हवाई वाहतूक फेऱ्यांची संख्या कमी झाली. त्यामुळे सुरू असलेल्या काही विमानांसाठी हवाई वाहतुकीचे दर निर्यातदारांना परवडणारे नाहीत. परिणामी, निर्यातदारांनी कामकाज कमी केल्याने सरासरी होणारी निर्यात अवघी ३० टक्क्यांवर आली आहे. त्यामुळे माल निर्यात होत नसल्याने पिकविलेला निर्यातक्षम शेतमाल स्थानिक बाजारात विकण्याची वेळ शेतकऱ्यांवर आली आहे. 

युरोपियन देशांच्या मानकाप्रमाणे रासायनिक अवशेषमुक्त शेतीमाल जिल्ह्यातील शेतकरी पिकवीत आहेत. या अनुषंगाने शेतकऱ्यांशी निर्यातदारांना करारही केले आहेत. काढणीपश्‍चात शेतीमालाची हाताळणी प्रतवारी व पॅकिंग ही कामे भारत सरकारच्या ओझर मिग (ता. निफाड) येथील हॉलकॉन सुविधा केंद्रावरून होते. नंतर मुंबईवरून हवाईमार्गे शेतीमाल लंडन बाजारात जातो. या सुविधा केंद्रावरून दररोज ९० टक्के नाशवंत शेतीमाल निर्यात होतो; मात्र हवाई वाहतूक सेवा बंद झाल्याचा हा मोठा परिणाम आहे. 

काही महिन्यांपूर्वी कामकाज सुरळीत झाल्यानंतर आता पुन्हा नव्या स्ट्रेनमुळे सर्वच कामकाज विस्कळीत झाल्याचे चित्र आहे. त्यामुळे आता प्रवासी वाहतूक विमानांमधून शेतीमाल पाठविण्याची वेळ आली आहे. मात्र दर अधिक असल्याने निर्यातीचे कामकाज कोलमडल्याचे चित्र आहे. 

वाहतूक दराची स्थिती 
टाळेबंदीपूर्वी प्रतिकिलोला ११० ते १२५ रुपये वाहतुकीचा दर होता. मात्र त्यानंतर हवाई वाहतूक मंदावल्याने सुरू असलेल्या काही विमानांमधून २५० ते ३०० रुपये प्रतिकिलो दरम्यान दर द्यावा लागत आहे. त्यामुळे दैनंदिन सरासरी १२ टनांपर्यंत होणारी निर्यात अवघ्या २ टनांवर आल्याची माहिती सुविधा केंद्रातील सूत्रांनी दिली. परिणामी चालू महिन्यात २५० टनांवर निर्यात घटली आहे. 

या शेतीमालाला फटका 
भेंडी, दुधी भोपळा, हिरवी मिरची, वालपापडी, ढेमसे, सुरण, चिकू, शेवगा 
 
गत चार वर्षांतील निर्यातीची स्थिती : 
वर्ष :
निर्यात(टन) 
२०१७ : ४००० 
२०१८ : ३,८०० 
२०१९ : २००० 
२०२० : १००० 

प्रतिक्रिया 
कोरोनाच्या पार्श्‍वभूमीवर हवाई फेऱ्यांची संख्या घटली. परिणामी, काही विमान कंपन्यांनी माल वाहतूक सुरू ठेवली. मात्र त्यांचे दर वाढल्याने निर्यात खर्च परवडणारे नाही. निर्यातक्षम भाजीपाला या ठिकाणी येतो. मात्र हवाई वाहतूक महागल्याने कामकाज अडचणीत आले आहे. पर्यायी जहाज वाहतूक अधिक काळ घेत असल्याने नाशवंत मालासाठी ती सुलभ नाही. त्यामुळे फटका मोठा आहे. 
- सुधाकर सेन, मुख्य कार्यकारी अधिकारी-हॉलकॉन, ओझर मिग, नाशिक  

 
 


इतर अॅग्रो विशेष
मध्य प्रदेशात जैविक नियंत्रकाद्वारे जल...पाण्याचे स्रोत आणि जलाशयांमध्ये वेगाने वाढणाऱ्या...
उत्तर महाराष्ट्राला थंडीचा विळखा पुणे : उत्तर भारतातील गोठविणाऱ्या शीत वाऱ्यांमुळे...
राज्यातील ५१ अधिकारी, कर्मचाऱ्यांना...मुंबई : केंद्रीय गृहमंत्रालयाने प्रजासत्ताक...
‘सीडी रेशो’ घसरलेल्या  जिल्ह्यांमध्ये...पुणे ः कर्जवाटप व ठेवीचे गुणोत्तर (सीडी रेशो)...
खराब झालेल्या सोलर  पॅनेलची नुकसान...गडचिरोली : धानोरा तालुक्यातील गिरोला येथील सुरेश...
रब्बी हंगामात ज्वारी घटली; हरभऱ्याची...पुणे : राज्यात रब्बीच्या ९८ टक्के पेरा पूर्ण झाला...
डिजिटल सात-बारा प्रकल्पातून जगताप यांची...पुणेः देशात चर्चित ठरलेल्या डिजिटल सात-बारा...
बाजारपेठेत नव्या बेदाण्याची प्रतीक्षा सांगली ः गेल्या दोन महिन्यांपासून बेदाण्याला...
ऊसतोडणी रखडल्याने वैभववाडी, उंबर्डेत...सिंधुदुर्गनगरी ः वैभववाडी तालुक्यातील नादुरूस्त...
साताऱ्यात कृषिपंपांची वीज तोडणीचा धडाकासातारा : गेल्या १५ दिवसांपासून ग्रामीण भागात...
विविध वाण, तंत्रवापरातून दर्जेदार...वढोदा (ता.चोपडा, जि.जळगाव) येथील संदीप पाटील...
राज्यात थंडीची लाट पसरणार :...पुणे : पाकिस्तान मार्गे देशाच्या पश्चिम...
गरीब कुटुंबांच्या उत्पन्नात ५३...आर्थिक उदारीकरणानंतर (Economic liberalization)...
आंबा, काजू हंगाम उशिरा सुरू होण्याचा...  वृत्तसेवा - गेल्या आठवड्याच्या शेवटी...
खाद्यतेलातील तेजीचा  सोयाबीनला लाभ...पुणेः देशात पामतेलाची उपलब्धता कमी असल्याने...
तापमानात घट; द्राक्ष मण्यांना तडे नाशिक : रविवारी (ता.२३) रोजी सकाळपासूनच धुके आणि...
उत्तर महाराष्ट्रात थंडीच्या लाटेचा...पुणे : आखाती देशातून आलेल्या धूळ वादळामुळे...
जास्त उत्पादकतेच्या कापूस  बियाण्याला...पुणेः पाकिस्तानमध्ये कापसाची उत्पादकता दिवसेंदिवस...
गुहागरमध्ये दीडशे एकरातील  आंबा, काजू...गुहागर, जि. रत्नागिरी : तालुक्यातील गिमवी देवघर...
गावरान लाल मिरचीचा यंदा ठसकानांदेड : नायगाव तालुक्यातील बरबडा येथील गावरान...