हरभऱ्याचे १४ कोटी रुपयांचे चुकारे अडकले

संग्रहित छायाचित्र
संग्रहित छायाचित्र

परभणी : आधारभूत किंमत खरेदी योजनेअंतर्गत नांदेड, परभणी, हिंगोली जिल्ह्यांत १ हजार ९९८ शेतकऱ्यांचा ३१ हजार ४७१ क्विंटल हरभरा खरेदी करण्यात आला आहे. परंतु साठविण्यासाठी गोदाम नसल्यामुळे हजारो क्विंटल हरभरा केंद्रांवर पडून आहे. काही केंद्रांवरील हरभरा वखार महामंडळाच्या गोदामात साठविण्यात आला आहे. परंतु शेतकऱ्यांना अद्याप चुकारे मिळालेले नाहीत. या तीन जिल्ह्यातील शेतकऱ्यांचे १३ कोटी ८४ लाख ७२ हजार ४०० रुपये एवढ्या रकमचे चुकारे अडकलेलेच आहेत. त्यामुळे शेतकऱ्यांची आर्थिक कोंडी झाली आहे.

दरम्यान, नांदेड, परभणी, हिंगोली या तीन जिल्ह्यांत शनिवार (ता. ५)पर्यंत २२ हजार ५०७ शेतकऱ्यांची २ लाख ५५ हजार ९२४ क्विंटल तूर खरेदी करण्यात आली असल्याची माहिती सूत्रांनी दिली. नांदेड, परभणी, हिंगोली जिल्ह्यातील २३ केंद्रांवर तूर आणि हरभरा खरेदी सुरू आहे. परंतु वखार महामंडळाकडे खरेदी केलेला शेतमाल साठविण्यासाठी गोदामे नाहीत. भाडेतत्त्वावर घेण्यात आलेली गोदामेदेखील कमी पडत आहेत. त्यामुळे हरभरा आणि तूर खरेदी केंद्रांवरच पडून आहे.

शनिवार (ता. ५)पर्यंत नांदेड जिल्ह्यात १,४५२ शेतकऱ्यांचा २३ हजार ३७४ .५० क्विंटल, परभणी जिल्ह्यांत ३९३ शेतकऱ्यांचा ५,९९१ क्विंटल, हिंगोली जिल्ह्यात १५३ शेतकऱ्यांचा २,१०६ क्विंटल असा तीन जिल्ह्यांत एकूण १,९९८ शेतकऱ्यांचा ३१ हजार ४७१ क्विंटल हरभरा खरेदी करण्यात आला.

नांदेड जिल्ह्यातील अनेक केंद्रावर हरभरा पडून आहे. परभणी, हिंगोली जिल्ह्यातील काही केंद्रांवरील हरभरा वखार महामंडळाच्या गोदामात जमा करण्यात आला आहे. परंतु अद्याप शेतकऱ्यांना चुकारे मिळालेले नाहीत. तीन जिल्ह्यातील शेतकऱ्यांचे १३ कोटी ७४ लाख ७२ हजार ४०० रुपयांचे चुकारे थकले आहेत. या तीन जिल्ह्यांत एकूण १३ हजार २५५ शेतकऱ्यांनी हरभऱ्यासाठी नोंदणी केली आहे. चाळण्या आणि वजनकाट्याची संख्या कमी असल्यामुळे तूर खरेदी संथगतीने सुरू आहे.

अडीच लाख क्विंटल तूर खरेदी शनिवार (ता. ५) पर्यंत या तीन जिल्ह्यांत २२ हजार ५०७ शेतकऱ्यांची २ लाख ५५ हजार ९२४ क्विंटल तूर खरेदी झाली आहे. तूर खरेदीसाठी १५ मे पर्यंतची मुदत आहे. अद्याप तीन तीन जिल्ह्यांत मिळून एकूण ४० हजार शेतकऱ्यांची तूर खरेदी शिल्लक आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com