agriculture news in marathi agrowon agralekh on effect of flood and drought on sugar industry | Agrowon

..तरच टिकेल साखर उद्योग
विजय सुकळकर
सोमवार, 26 ऑगस्ट 2019

साखरेच्या कमी दराने कारखाने अत्यंत अडचणीत आहेत. त्यात पूर आणि दुष्काळाने आगामी गळीतही धोक्यात आला आहे. अशावेळी प्रतिटन उसाला ५०० रुपयांचे अनुदान कारखान्यांना मिळायला हवे, अशी उद्योगाची मागणी आहे.

उसाचे आगार दक्षिण महाराष्ट्र पुराच्या फटक्याने उध्वस्त झाले आहे. तर नगर, सोलापूरसह मराठवाड्यातील ऊस दुष्काळाने प्रभावित झाला आहे. राज्यात मागील दहा महिन्यांपासून सुरु असलेल्या दुष्काळात चारा म्हणून सर्रासपणे ऊसच वापरला जातोय. त्यामुळे आगामी गळीत हंगामावर टांगती तलवार स्पष्ट दिसत आहे. राज्यातील एकूण १९५ कारखान्यांपैकी ५० कारखाने बंद राहतील. केवळ १०० कारखानेच चालू राहण्याएवढा ऊस उपलब्ध होणार असल्याने गळीत हंगाम घेणारे बहुतांश कारखाने पूर्ण क्षमतेने गाळप करु शकणार नाहीत, हेही स्पष्ट आहे. विशेष म्हणजे यंदाच्या गाळप हंगामाच्या परवानगीसाठी ऑगस्ट अखेर अर्ज करण्याच्या सूचना देण्यात आल्या असताना अजून एकाही कारखान्याने अर्ज केलेला नाही. यातून आगामी गळीत हंगामाबाबतचा संभ्रम आपल्या लक्षात यायला हवा.

कोल्हापूर आणि सांगली हे दोन्ही ऊस उत्पादनातील राज्यातील अग्रेसर जिल्हे आहेत. या दोन जिल्ह्यात दरवर्षी २२५ ते २३० लाख टन उसाचे गाळप होते. यातील ५० लाख टन ऊस पुराने पूर्णपणे उध्वस्त केला आहे. त्यामुळे या दोन जिल्ह्यांतील ऊस उत्पादकांचे १३०० कोटी रुपयांचे थेट नुकसान झाले आहे. या दोन जिल्ह्यांसह इतरही भागातील पूर आणि काही भागातील दुष्काळ यामुळे ऊस उत्पादकांचे जवळपास २५०० ते २६०० कोटींचे नुकसान झाले आहे. सध्याच्या अत्यंत कठीण आर्थिक परिस्थितीत ऊस उत्पादकांचे झालेले हे नुकसान खूपच मोठे आहे. पुरात वाहून गेलेला अथवा दुष्काळाने वाळलेल्या उसापासून शेतकऱ्यांना काहीही उत्पन्न मिळणार नाही. अधिक गंभीर बाब म्हणजे या शेतकऱ्यांनी भिषण आर्थिक परिस्थितीमध्ये एकरी ४० ते ४५ हजार रुपये उसावर खर्च केले आहेत. हा खर्च बहुतांश ऊस उत्पादकांनी कर्ज काढून केलेला आहे. अशावेळी एकरी ४० ते ४५ हजार रुपयांची थेट मदत ऊस उत्पादकांना व्हायला पाहिजे.

पुरामुळे उसाचे उत्पादन आणि उताराही घटणार असल्याने याचा फटका साखर कारखान्यांनाही बसणार आहे. मुळात साखरेला मागणीच नाही. मागील वर्षभरापासून साखरेला दर कमी मिळतोय. उसासाठीची एफआरपी, साखरेचा उत्पादन खर्च हे सर्व पाहता मिळणाऱ्या कमी दरामुळे बहुतांश कारखाने आर्थिक अडचणीत आहेत. एफआरपी देण्यासाठी त्यांना कर्ज काढावे लागत आहे. गेल्या सहा वर्षांत तीन वेळा बॅंकाना कर्ज काढून एफआरपी द्यावी लागली आहे. तीनपैकी दोन कर्जांची परतफेड अजूनही चालू आहे. टनाला जवळपास २५० रुपयांचा बॅंक हप्ता जातोय. अधिक दुर्दैवी बाब म्हणजे आत्ताच्या साखरेच्या दरातही एफआरपी बसत नाही. आर्थिक डबघाईला आलेल्या कारखान्यांचे ऊस तोडणी तसेच कर्मचाऱ्यांचे पगार थकलेले आहेत. त्यात आता पूर आणि दुष्काळाने आगामी गळीतही धोक्यात असल्याने गेल्या हंगामातील गाळप हा बेस धरुन प्रतिटन उसाला ५०० रुपयांचे अनुदान म्हणा, आर्थिक साह्य म्हणा की मदत म्हणा ही कारखान्यांना मिळायला हवी, अशी उद्योगाची मागणी आहे. महत्वाचे म्हणजे सध्याच्या एफआरपीनुसार साखरेचा दर हा ३५ रुपये केला तरच कारखान्यांना गाळप परवडणार आहे. उद्या एफआरपीमध्ये वाढ केल्यास त्या प्रमाणात साखरेचा दरही वाढवायला हवा. अशी पावले शासनाने उचलल्यास राज्यातील साखर उद्योग टिकेल.

टॅग्स

इतर अॅग्रो विशेष
विघ्नकर्ता नव्हे, विघ्नहर्ता बना! स ध्या देशापुढे गंभीर असे आर्थिक संकट उभे आहे....
‘लष्करी’ हल्लाचालू खरीप हंगामात अमेरिकी लष्करी अळी (फॉल आर्मी...
जमिनीच्या सुपीकता वाढीतून साधली चौफेर...शेती अधिक उत्पादनक्षम करण्यासाठी धामणा (जि....
मत्स्योत्पादनात ठाणे जिल्हा अव्वलरत्नागिरी ः सागरी मत्स्योत्पादनात महाराष्ट्र...
दिवाळीनंतरच गाळप हंगाम सुरू होण्याची...कोल्हापूर : पूर परिस्थितीमुळे उसाचे मोठे नुकसान...
निवडणुकीत प्रभावी प्रचाराला मिळणार दहाच...बारामती, जि. पुणे : विधानसभा निवडणुकीत सर्वच...
मराठवाड्यातही कपाशीवर लष्करी अळीचा आढळपरभणी : जिल्ह्यात मका पिकापाठोपाठ कपाशीवर काही...
पावसाची उघडीप; उन्हाचा चटका वाढलापुणे : अरबी समुद्रातील परिसरात असलेले कमी दाबाचे...
द्राक्षावर तंबाखूची पाने खाणारी अळीभवानीनगर, जि. पुणे : द्राक्षावर यंदाही...
सरकी ढेपेचे दर कडाडल्याने दूध उत्पादक...अकोला : दुधाळ जनावरांना पोषक खाद्य म्हणून खाऊ...
लष्करी अळीपासून कपाशीला धोका नाहीः कृषी...पुणे: राज्याच्या कापूस पिकाला अमेरिकन लष्करी...
खानदेशातही कापसावर लष्करी अळीजळगाव  : खान्देशात जळगाव, धुळे जिल्ह्यांतील...
विधानसभेचा बिगुल वाजलामुंबई: चौदाव्या महाराष्ट्र विधानसभा निवडणुकीचे...
कांदा दरस्थिती आढाव्यासाठी केंद्राचे...नाशिक : कांदा दर, आवक स्थितीचा आढावा...
पापड उद्योगातून मिळाले शेतीला आर्थिक बळकहाटूळ (ता. शहादा, जि. नंदुरबार) येथील आशा व...
बाजारपेठेनुसारच पीक लागवडीचे नियोजनआष्टा (ता. वाळवा, जि. सांगली) येथील सौ. मृदुला...
अमेरिकन लष्करी अळीची कपाशीवरही चाल ! (...नगर : अमेरिकन लष्करी अळीने (स्पोडोप्टेरा...
महाराष्ट्रात २१ ऑक्टोबरला मतदान, २४ ला...नवी दिल्ली : महाराष्ट्रासह हरियाना राज्य...
नावीन्यपूर्ण संकल्पना रुजवीत यशस्वी...लासलगाव (जि. नाशिक) येथील शंतनू नानासाहेब पाटील...
औरंगाबाद रेशीम उपसंचालक कार्यालयाला...औरंगाबाद : मराठवाड्याची राजधानी औरंगाबाद येथे...