agriculture news in marathi agrowon agralekh on increasing rate of sugar beneficial to sugar industry | Page 2 ||| Agrowon

दिलासादायक दरवाढ 

विजय सुकळकर
बुधवार, 25 ऑगस्ट 2021

साखरेचे दर वाढत असताना आम्हाला आता इथेनॉल करून परवडणार नाही, अशी भूमिका कोणत्याही कारखान्यांनी घेऊ नये. 

खरे तर यंदाच्या साखर हंगामात साखरेच्या किमान विक्री दरात वाढ करावी, अशी मागणी उद्योगाकडून होत होती, लॉकडाउनमुळे स्थानिक तसेच जागतिक बाजारातून साखरेला घटती मागणी, मिळणारा कमी दर हे किमान विक्री दरात वाढ करण्याच्या मागची कारणे होती. परंतु आता लॉकडाउन बऱ्यापैकी उठले आहे. त्यातच सणावारांचा हंगाम सुरू झाल्यामुळे साखरेला बऱ्यापैकी मागणी आणि उठाव देखील आहे. त्यातच ब्राझीलमध्ये साखरेचे उत्पादन कमी होण्याचे संकेत मिळताहेत. आंतरराष्ट्रीय बाजारातूनही मागणी आणि दर वाढले आहेत. त्यामुळे अनुदानाशिवाय साखरेची निर्यात आपण करू शकू, असे दर सध्या मिळत आहेत. भविष्यातील कच्च्या साखरेचे सौदे ३२५० रुपये प्रतिक्विंटलपर्यंत होत आहेत. अर्थात, हा पक्क्या साखरेला ३३५० रुपये प्रतिक्विंटल दर मिळाल्यासारखेच आहे. अशा दरामुळे कारखानदार निर्यातीचे करार करताहेत. भविष्यात असे करार वाढण्याची शक्यताही आहे. महत्त्वाचे म्हणजे व्यापारी सध्या जोखीम घ्यायला तयार झालेले आहेत. पुढे अजून दर वाढून आपला फायदा होईल, असे व्यापाऱ्यांना वाटत आहे. या सर्वांचा सकारात्मक परिणाम साखर बाजारावर होऊन दर वधारत आहेत.

दुसऱ्या बाजूला इथेनॉलकडेही सुमारे ३५ लाख टन साखर वळेल, असा अंदाज आहे. जवळपास ७० लाख टन साखरनिर्यातही होईल. अर्थात, उत्पादित साखरेपैकी १०५ लाख टन साखर कमी होणार आहे. ३२० लाख टन साखर उत्पादनाचा अंदाज आहे. त्यातून इथेनॉलनिर्मितीला जाणारी आणि निर्यात होणारी साखर कमी केली, तर २१५ लाख टन साखर हाती असेल. शिल्लक साठा ९० लाख टनांचा आहे. अर्थात, ३०५ लाख टन उपलब्ध साखरेपैकी २६० लाख टन देशांतर्गत खप होऊन जवळपास ६० ते ६५ लाख टन शिल्लक साठा पुढच्या ऑक्टोबरमध्ये राहील. हा साठा फारसा म्हणता येणार नाही. त्यातच या वर्षीच्या मॉन्सूनमुळे पुढील वर्षी उसाचे पीक कसे असेल साखर उत्पादन किती होईल, याचा अंदाज सध्यातरी देता येत नाही. एवढेच उत्पादन पुढील वर्षी देखील झाले तर इथेनॉलचे उत्पादन आपण वाढवू शकतो. 

कारखानदारांना आता साखरेचा ३३०० ते ३४०० रुपये प्रतिक्विंटल दर मिळत असला तरी त्यांनी २९०० रुपयांप्रमाणे (प्रतिक्विंटल) उचल घेतली आहे. ही उचल त्यांना व्याजासह बॅंकेला भरावी लागणार असल्याने त्यांच्या हाती प्रतिक्विंटल १०० ते २०० रुपयेच शिल्लक राहतील. त्यामुळे पूर्वी हंगामात उचलच फिटेल की नाही, ही जी भीती राहत होती, ती मात्र आता राहणार नाही, उलट कर्जाचा बोजा कमी होईल. महत्त्वाचे म्हणजे ठरावीक कोट्यानुसार साखरेची विक्री होईल. साखरेचे दर अजून वाढत गेले तर हाती येणारा पैसा कारखान्यांना चालू खर्चासाठी वापरता येईल. थकीत एफआरपीही देता येईल. त्यामुळे सध्या वाढीव दराने साखर विकली जात असली तरी सारेच आलबेल झाले असे नाही. बहुतांश कारखान्यांकडे थकीत देणी बरीच आहेत. यात दिलासादायक बाब म्हणजे पुढील चित्र आशादायक दिसत असल्यामुळे साखर दरात पुढे देखील वाढ संभवते. साखरेचे दर वाढत असताना आम्हाला आता इथेनॉल करून परवडणार नाही, अशी भूमिका कोणत्याही कारखान्यांनी घेऊ नये. हे सर्व साखरेच्या दराचे गणित इथेनालकडे जाणारी साखर आणि होणारी निर्यात यावर आधारित आहे, हेही लक्षात घेतले पाहिजे. 
 


इतर संपादकीय
‘कृषी’चे धडे घेऊनच करावी लागेल शेतीदेशात तथा महाराष्ट्रात आजही सुमारे ६० ते ६५...
हतबलतेचा अंत नका पाहूसोलापूर जिल्ह्यातील मोहोळ तालुक्यातील शिरापूर...
दूध आणि ऊस उत्पादकांच्या लुटीचे रहस्यसाखर उद्योग व दुग्ध व्यवसायामध्ये कमालीचे...
शर्यतीतील बैलांवरील ताणतणाव नियोजनबैलगाडा शर्यतीसाठी अत्यंत पद्धतशीरपणे ...
रीतसर नफ्याचा घोटाळाशेती हा असा व्यवसाय आहे, की ज्यामध्ये शेतकरी...
व्रतस्थ कर्मयोगीप्रसिद्ध ऊसतज्ज्ञ डॉ. ज्ञानदेव गंगाराम हापसे...
शुभस्य शीघ्रम्शालेय अभ्यासक्रमात कृषीचा समावेश करण्याच्या...
वाढत्या नैसर्गिक आपत्ती गांभीर्याने...पर्यावरणाच्या कडेलोटाच्या कुंठितावस्थेचं ...
शुद्ध खाद्यतेलासाठी हेतूही हवा शुद्धपामची लागवड आणि तेलनिर्मिती वाढविण्यास केंद्र...
कात टाकून कामाला लागानागपूर येथील `केंद्रीय लिंबूवर्गीय फळ संशोधन...
घातक पायंडाजनुकीय बदल केलेल्या (जीएम) सोयापेंड आयातीला...
ऊस रसापासून थेट इथेनॉल निर्मितीचे हवे...जागतिक पातळीवर उसाच्या थेट रसापासून ३२ टक्के व...
‘गोल्डनबीन’ची झळाळी टिकवून ठेवा मागील दशकभरापासून राज्यात सोयाबीन (गोल्डनबीन)...
दिलासादायक दरवाढ खरे तर यंदाच्या साखर हंगामात साखरेच्या किमान...
अन्नप्रक्रिया योजना ठरताहेत मृगजळ भारतात उत्पादित शेतीमालापैकी ४० टक्के माल सडून...
शेतकऱ्यांच्या जिवांशी खेळ थांबवा सुमारे चार वर्षांपूर्वी २०१७ च्या खरीप हंगामात...
इथेनॉलयुक्त भारतातूनच साधेल इंधन...भारत हा ब्राझीलनंतर जगातील दुसऱ्या क्रमांकाचा ऊस...
डीबीटी’ लाभदायकच!  कृषी विभागांतर्गतच्या विविध योजनांचा एक हजार...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
दिलासादायक दरवाढखरे तर यंदाच्या साखर हंगामात साखरेच्या किमान...