agriculture news in marathi agrowon agralekh on indo-chaina relationship | Agrowon

ड्रॅगनचा विस्तारवाद

विजय सुकळकर
सोमवार, 6 जुलै 2020

खरे तर चीनचे धोरण अगदी सुरुवातीपासूनच विस्तारवादाचे राहिले आहे. हे जागतिक पातळीवरील अभ्यासपूर्ण सर्वेक्षण आणि चीनच्या वारंवार कृतीतून सिद्ध झाले आहे. 

सी मावादावरून भारत आणि चीनचे लष्कर आमने सामने आले आहेत. 
अशा वातावरणातच भारताचे पंतप्रधान नरेंद्र मोदी यांनी लेह-लडाखला नुकतीच भेट दिली. या भेटीदरम्यान त्यांनी विस्तारवादाचे युग संपुष्टात आले असून हे विकासाचे युग आहे, विस्तारवादी एक तर पराभूत होतात नाही तर नष्ट होतात, अशा शब्दात चीनला खडसावले आहे. त्यावर चीनने नेहमीप्रमाणेच हा आरोप निराधार आणि खोडसाळ असल्याचे स्पष्ट केले आहे. खरे तर चीनचे धोरण अगदी सुरुवातीपासूनच विस्तारवादाचे राहिले आहे. हे जागतिक पातळीवरील अभ्यासपूर्ण सर्वेक्षण आणि चीनच्या वारंवार कृतीतून सिद्ध झाले आहे. पहिले-दुसरे महायुद्ध हे वसाहतवाद आणि विस्तारवादातूनच झाले आहेत. आणि त्याचे परिणामही संपूर्ण जगाने पाहिले, भोगले आहेत. खरे तर युद्धात कोणीच जिंकत नाही, तर सर्वत्र विनाशच पाहावयास मिळतो, हे महाभारतातील युद्धानंतरच्या प्रत्येकच युद्धात स्पष्ट झाले आहे. असे असले तरी काही देशांच्या विस्तारवादी कुरापती ह्या सातत्याने चालूच असतात. व्यापारवृद्धी करून जागतिक महासत्ता होणे ही चीनची सुरुवातीपासूनच महत्त्वाकांक्षा राहिली आहे. परंतु त्यासाठी शेजारील राष्ट्रांत, सागरांमध्ये घुसखोरी करीत तेथे लष्करी तळ स्थापन करून जागतिक व्यापाराचा मार्ग सुलभ करण्याचे चीनचे धोरण चुकीचे आहे. अन् अशाच चुकीच्या धोरणांतर्गत चिनी ड्रॅगन भारतासह त्याच्या सीमेला लागून असलेल्या सर्वच राष्ट्रांत घुसखोरीच्या कुरापती करीत असतो.

चार वर्षांपूर्वीच आंतरराष्ट्रीय लवादाने दक्षिण चीन समुद्रावर नऊ देशांच्या समूहांनी सीमांकित केलेल्या भागावरील चीनचा दावा फेटाळला होता. यामुळे फिलिपिन्ससह या समुद्रातील बेटावर आणि सागरी भागावर हक्क सांगणाऱ्या तैवान, व्हिएतनाम, मलेशिया, इंडोनेशिया यांच्यासह जपानला दिलासा मिळाला होता. परंतु आंतरराष्ट्रीय लवादाने दिलेला निकाल अमान्य करण्यापर्यंत चीनची मजल गेली होती. आपल्या देशांतसुद्धा अरुणाचल प्रदेश असो त्रिपुरा असो की लेह-लडाख या भागात चीन सातत्याने घुसखोरी करीत आला असला तरी तो कधी असे मान्यच करीत नाही. मागील दोन वर्षांत तर भारत-चीनमधील तणाव प्रचंड वाढला असून युद्धजन्य परिस्थिती निर्माण झाली आहे. भारत हा विस्तारवादी आकांक्षा असलेला देश नाही. तर भारत आपल्या शेजारील देशांशी विशेषतः चीन आणि पाकिस्तानशी चांगले संबंध ठेवू इच्छितो. दहशतवाद आणि सीमाप्रश्नांवर चर्चेतून तोडगा काढता येऊ शकतो, ही भारताची भूमिका राहिलेली आहे. पण या भूमिकेला चीन आणि पाकिस्तान हे दोन्ही देश सातत्याने तडा देत असतात. 

कोरोना महामारीने संपूर्ण जगाचेच चित्र बदलून टाकले आहे. एका अदृश्य विषाणूने जगभरातील लोकांना जवळपास तीन महिने घराच्या बाहेर पडू दिले नाही. या विषाणूशी कसे लढायचे, हा प्रश्‍न जगभरातील नागरीकांपुढे आहे, तर कोरोना लॉकडानने उद्‌ध्वस्त केलेल्या अर्थव्यवस्थेचा गाडा रुळावर कसा आणायचा या चिंतेत प्रत्येक देश आहे. मुळातच चीन असो की इतर कोणताही देश तेथील नागरीक भीती, अशांततेला कंटाळलेले आहेत. लॉकडाउनमुळे बंद पडलेल्या उद्योग-व्यवसायात अनेकांचा रोजगार गेला आहे. घरोघरी काही ना काही उद्योग असलेल्या चीनला तर बेरोजगारीची झळ अधिकच बसली आहे. जगभरातील प्रत्येक नागरिकाला शांतता, सुरक्षितता अन् शाश्वत विकास हवा आहे. कोरोनाने आयात-निर्यातीवर आणलेल्या मर्यादा पाहता आता भारतासह जगातील संपूर्ण देश आत्मनिर्भर बनण्याचा विचार करताहेत. अशा परिस्थितीमध्ये शेजारील राष्ट्रांत फार झाले, तर आपल्या उपखंडात व्यापारवृद्धीस बळ देण्याचा सर्वच देशांचा प्रयत्न असेल. भारत आणि चीन हे आशिया खंडातील दोन मोठे देश. मागील काही वर्षांत या दोन्ही देशांचे एकमेकांवरील व्यापार अवलंबित्व वाढले आहे. हे लक्षात घेऊन चीनने भारताशी शत्रुत्व न वाढवता मैत्री वाढवावी, यातच त्यांचे हित आहे.     


इतर अॅग्रो विशेष
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
काळ्या भाताच्या लागवडी तथ्य तपासूनच...नाशिक : सध्या राज्याच्या विविध भागांत अनेक शेतकरी...
‘एक राज्य एक ब्रँड’ धोरण स्वीकारा;...औरंगाबाद : अनिष्ट ब्रँड वार रोखण्यासाठी एक राज्य...
बहुमजली, शाश्‍वत, नैसर्गिक शेती पद्धती...मध्य प्रदेशातील तिली (जि. सागर) येथील आकाश...
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
खानदेशातील आवार प्रगतीवर स्वारआवार (ता.जि. जळगाव) हे कापूस, दादर ज्वारीसाठी...