agriculture news in marathi agrowon agralekh on second wave of corona and care should be taken in india | Agrowon

शिस्त पाळा लॉकडाउन टाळा

विजय सुकळकर
बुधवार, 24 फेब्रुवारी 2021

मागील लॉकडाउनच्या धक्क्यातून आता कुठे आपण सर्वजाण सावरत असताना पुन्हा तेच लॉकडाउनचे संकट दाराशी येऊन ठेपले आहे.
 

राज्यात मागील तीन महिन्यांपासून कोरोना रुग्णसंख्या घटत असताना आठ-पंधरा दिवसांपासून रुग्णसंख्येत मोठ्या प्रमाणात वाढ आढळून येत आहे. राज्यातील रुग्णवाढ ही कोरोनाची दुसरी लाट नसल्याचे आरोग्य विभागाचे सचिव प्रदीप व्यास यांनी स्पष्ट केले असले तरी वाढता संसर्ग हा लाटेप्रमाणेच आहे. राज्यात कोरोना विषाणूचा आढळलेला हा नवा प्रकार अधिक संसर्गजन्य आणि धोकादायक ठरण्याची शक्यता असल्याचा इशारा ‘एम्स’ रुग्णालयाचे प्रमुख डॉ. रणदिप गुलेरिया यांनी दिला आहे.

खरे तर कोरोनाचे दुसऱ्या लाटेचे हे संकट आपणच आपल्या बेजबाबदार वर्तनातून ओढवून घेतले आहे. इटली, स्पेन, इंग्लंड , नेदरलॅंड या युरोपियन देशांसह अमेरिकेत मागील नोव्हेंबरमध्येच दुसरी लाट आली होती. या सर्वच देशांत दुसऱ्या लाटेतील विषाणूचा संसर्ग अधिक घातक ठरला. यातून आपण काही तरी धडा घेणे गरजेचे होते. परंतु ऑक्टोबरपासून आपल्याकडे कोरोनाचा संसर्ग कमी होत असताना बहुतांश जण देशात कोरोना कधी आलाच नाही, असेच वागू लागले आहेत. ग्रामीण भागातून मास्क तर जूननंतरच हद्दपार झाले आहेत. शहरांतही मास्क केवळ देखावा म्हणून वापरला जात आहे. बहुतांश लोकांचा मास्क हा गळ्यात लटकत नाही तर हनुवटीवर असतो. शहरी आणि ग्रामीण भागातही कोणी सामाजिक अंतर पाळताना दिसत नाही. कोरोना प्रतिबंधात्मक कोणतेही नियम न पाळता लग्न समारंभासह इतरही उत्सव धूमधडाक्यात साजरे होत आहेत. याचे परिणाम आता सर्वांना पुन्हा भोगावे लागतात की काय अशी भीती वाटू लागली आहे. 

राज्यात कोरोनाचा संसर्ग पुन्हा वाढत असताना स्थानिक पातळीवर शासन-प्रशासनाने दक्षता वाढविली आहे. प्रतिबंधात्मक उपाय म्हणून जिल्हा पातळीवर विविध ठिकाणी उपाययोजना आखल्या जात आहेत. मोठ्या शहरांमध्ये रात्रीची संचारबंदी लागू करण्यात आली आहे. नुकत्याच सुरू होत असलेल्या शाळा-महाविद्यालये पुन्हा बंद कराव्या लागत आहेत. कोरोनाबाधित ग्रामीण भागात गुरांचे बाजार बंद ठेवण्यात आलेले आहेत. काही ठिकाणी बाजार समित्यांना तालुक्यातीलच शेतीमाल घेण्याची मुभा दिलेली असल्याने ऐन हंगामात शेतकऱ्यांसमोर शेतीमाल विक्रीचे संकट उभे राहिले आहे. मुख्यमंत्री उद्धव ठाकरे यांनी जनतेला आठ दिवसांची मुदत दिली असून या काळात मास्क घालणे, वारंवार हात धुणे, सॅनिटायझरचा वापर करणे. सामाजिक अंतर पाळणे अशा साध्या नियमांचे पालन न झाल्यास पुनश्च एकवार लॉकडाउन (ठाणबंदी) लागू करणे भाग पडेल, असा निर्वाणीचा इशारा दिला आहे.

मागील लॉकडाउनची नुसती आठवण अंगावर काटा आणते. या काळात उद्योग-सेवा क्षेत्र बंद असल्याने अनेकांचे रोजगार गेले. असंघटित क्षेत्रातील हातावर पोट असणाऱ्यांवर तर उपासमारीचीच वेळ आली. शैक्षणिक वर्ष अभ्यासाविना बुडाले, देशाची अर्थव्यवस्था कोलमडून पडली. लॉकडाउन काळात शेतीव्यवसाय चालू असला तरी शेतकऱ्यांच्या झालेल्या हालअपेष्टांना पारावार नव्हता. त्यांना अधिक पैसे मोजून वेळेवर कुठल्या निविष्ठा उपलब्ध झाल्या नाही की घरातील शेतीमाल विकता आला नाही. आता कुठे आधीच्या लॉकडाउनच्या धक्क्यातून आपण सर्वजण सावरत असताना पुन्हा तेच लॉकडाउनचे संकट दाराशी येऊन ठेपले आहे. कोरोनावर प्रतिबंधात्मक लस आल्यापासून काहीजण बेशिस्तीत वागू लागले आहेत. मागील महिनाभरात १३५ कोटी लोकसंख्येच्या देशात केवळ पाच ते सहा कोटींपर्यंत लस पोचली आहे. सर्वसामान्य नागरिकांपर्यंत लस पोचायला खूप वेळ लागणार आहे. त्यामुळे कोरोनाला रोखण्याबरोबरच लॉकडाउन टाळण्यासाठी शिस्त आणि नियमांचे सर्वांनीच काटेकोरपणे पालन करायला हवे.


इतर संपादकीय
जैवइंधन निर्मिती-वापरासाठी  हवेत...देशाच्या आर्थिक प्रगतीचा वेग वाढविण्यासाठी इंधन...
जैव उत्तेजक समिती हवी व्यापक शेतीसाठी वापरल्या जाणाऱ्या जैव उत्तेजकांना (...
बाबासाहेबांच्या सत्याग्रहाचे शास्त्रडॉ. बाबासाहेब आंबेडकरांनी दिलेला प्रत्येक लढा...
‘गोल्डनबीन’ला झळाळीविदर्भातील अकोला, वाशीमसह मराठवाड्यातील लातूर...
सहकार्य अन् समन्वयातून सुरू ठेवा बाजार...कोरोनाच्या दुसऱ्या लाटेत राज्यात या विषाणूचा...
कांद्याचा रास्त भाव काय?केंद्र शासनाने नवीन कृषी कायदे लागू केले...
श्रीलंकेचा आदर्श आपण कधी घेणार?श्रीलंका सरकारने पाम तेलाच्या आयातीवर बंदी घातली...
महाराष्ट्रातील मधुक्रांतीची दिशामार्च महिन्यामध्ये ‘मन की बात’मध्ये...
बाजारपेठेचा सन्मान करूयागोरगरिबांना स्वस्तात धान्य उपलब्ध करून...
सालगडी पाहिजेत!काही दिवसांपूर्वी सोशल मीडियावर एक जाहिरात फिरत...
आर्थिक प्रश्नचिन्हे कायमचआर्थिक वर्ष २०२१-२२ सुरू झाले आहे. २०२०-२१ हे...
हंगाम गोड, पण साखर कडूचखरे तर २०२०-२१ च्या गळीत हंगामापुढे अनेक आव्हाने...
पुन्हा कोरोना, पुन्हा लॉकडाउनकोरोना संकटाशी दोन हात करण्यासाठी महाराष्ट्रासह...
अस्तित्व टिकविण्यासाठीचा जागतिक संघर्षभारतातच नाही तर इतर अनेक देशांतही शेतकरी आपल्या...
आता पाया करा मजबूतराज्य-राष्ट्राचा कारभार असो की एखाद्या संस्थेचा,...
तंत्र शून्य मशागतीचे, अनंत फायद्याचेसन २०१० च्या दशकातील शेती व्यवसायात जमिनीतील...
दूरचे महासागर आणि आपले हवामानभारतीय शेती मोठ्या प्रमाणात हवामानावर अवलंबून आहे...
कारभारवाडीचा आदर्शलहानमोठ्या धरण लाभक्षेत्रातील तसेच नदी काठच्या...
मूळ प्रश्‍नाला सोईस्कर बगल !जागतिक भूक निर्देशांकातील आकडेवारीनुसार १०७...
संकट अस्मानी आणि सुलतानीहीयावर्षाच्या खरीप, रब्बी आणि उन्हाळी या तिन्ही...