agriculture news in marathi agrowon agralekh on sugar export | Page 2 ||| Agrowon

साखर निर्यातीची सुवर्णसंधी

विजय सुकळकर
शुक्रवार, 15 नोव्हेंबर 2019

चालू वर्षात ७२ लाख टन साखर निर्यातीस परवानगी देण्यात आली आहे. ही संपूर्ण अथवा याच्या जवळपास साखरेची निर्यात झाली, तरी हंगामअखेरच्या शिल्लक साठ्यात कपात होऊन त्याचा अनुकूल परिणाम स्थानिक दर सुधारण्यात होईल.
 

पावसाळी स्थितीमुळे निर्यात न होऊ शकलेल्या साखर कारखान्यांना केंद्र सरकारने दोन महिने मुदतवाढ दिली आहे. गेल्या वर्षी देशात साखरेचे विक्रमी उत्पादन झाले. याचा फटका यंदाच्या हंगामात कारखान्यांना बसू नये, यासाठी केंद्र सरकारने निर्यातीसाठी अनुदान जाहीर केले होते. त्याची मुदत सप्टेंबरअखेरपर्यंतच होती. परंतु, आता त्यास डिसेंबरअखेरपर्यंत मुदतवाढ मिळाली आहे.

साखर निर्यातीच्या अनुषंगाने दुसरा महत्त्वाचा मुद्दा, निर्णय म्हणजे, गेल्या हंगामातील कोटा चालू हंगामाच्या कोट्यात एकत्र केला जाणार नसल्याचा खुलासाही करण्यात आला आहे. अशा परिस्थितीत साखर कारखान्यांनी निर्यातीचे योग्य नियोजन केले, तर ७२ लाख टन साखर (१२ लाख टन शिल्लक कोटा + ६० लाख टन या वर्षीचे निर्यात उद्दिष्ट) यंदा निर्यात होऊ शकते. आपल्या देशाने २०१७-१८ मध्ये ३२३ लाख टन, तर २०१८-१९ मध्ये ३३१ लाख टन, अशा विक्रमी साखर उत्पादनाच्या बळावर जगातील सर्वाधिक साखर उत्पादक देश म्हणून लौकिक मिळविला आहे. भारत हा जगातील सर्वाधिक साखर खप असणारा देशसुद्धा आहे. मात्र, वार्षिक साधारणत: २६० लाख टनांच्या खपात वाढ होताना दिसत नाही. यामुळेच, १ ऑक्टोबर २०१९ ला सुरू झालेल्या नव्या साखर वर्षाची सुरुवातीची शिल्लक विक्रमी अशी १४५ लाख टनांची आहे. त्यात नवीन २६५ लाख टन साखरेची भर पडल्यावर एकूण उपलब्धता ४१० लाख टन होणार आहे. त्यातून २६० लाख टन स्थानिक खप व ६० लाख टनांची निर्यात वजा जाता हंगामाच्या अखेरीस सुमारे ९० लाख टन साखर शिल्लक राहण्याची शक्यता आहे. या सर्व आकडेवारीचा थेट परिणाम हा साखरेच्या स्थानिक विक्रीदरावर दबाव राहण्यात होणार आहे. त्याचा कारखान्यांच्या एकूण अर्थकारणावरच प्रतिकूल परिणाम लक्षात घेता जास्तीत जास्त साखर निर्यात होणेच सर्वांच्या हिताचे असेल.

केंद्र सरकारने वेळीच ६० लाख टन निर्यातीची योजना कार्यान्वित केली असून, त्यासाठी सहा हजार २६८ कोटी अनुदानही मंजूर केले आहे. तसेच, हे अनुदान वेळेत व सुलभरीतीने प्राप्त होण्यासाठी कमीत कमी कागदपत्रांची पद्धती अंगीकारली आहे. त्यातच चालू वर्षात ७२ लाख टन साखर निर्यातीस परवानगी देण्यात आली आहे. ही संपूर्ण अथवा याच्या जवळपास साखरेची निर्यात झाली तरी हंगामअखेरच्या शिल्लक साठ्यात कपात होऊन त्याचा अनुकूल परिणाम स्थानिक दर सुधारण्यात होईल. अनेक वर्षांपासून आर्थिक अडचणीतील साखर उद्योगाला स्थैर्यही प्राप्त होईल. जागतिक पातळीवर दरवर्षी सुमारे ५०० लाख टन साखरेचा व्यापार होत असतो. २०१९-२० या वर्षात जागतिक साखर उत्पादन १७६० लाख टन इतकेच मर्यादित होणार असून, अपेक्षित खप १८५० लाख टन आहे. अर्थात, जागतिक व्यापारात ९० लाख टनांची तूट संभवते. ब्राझील, भारत, थायलंड, युरोपियन समूह, चीन, पाकिस्तान, ऑस्ट्रेलिया या देशांतील साखर उत्पादन घटण्याचा अंदाज आहे.

या पार्श्वभूमीवर यंदाच्या वर्षी जागतिक व्यापार ७३० लाख टन होईल, असे यातील तज्ज्ञ सांगतात. यात ३८० लाख टन कच्च्या, तर ३५० लाख टन पांढऱ्या साखरेचा अंतर्भाव असेल. या अनुकूल परिस्थितीचा जास्तीत जास्त फायदा उठविण्याची सुवर्णसंधी आपल्या देशाला लाभली आहे. जगातील पहिल्या दोन क्रमांकाचे आयातदार देश चीन, इंडोनेशिया तसेच बांगलादेश, श्रीलंका, कोरिया, मलेशिया या बाजारपेठा आशिया खंडात असून, भौगोलिकदृष्ट्या भारताला जवळ आहेत. त्यातच बंदराच्या सुविधा असलेल्या महाराष्ट्र, गुजरात, कर्नाटक या राज्यांनी यंदाच्या वर्षी विक्रमी साखर निर्यात करायला हवी. निर्यात अनुदानातील ३४२८ रुपये प्रतिटन वाहतूक अनुदान असून, ते सरसकट मिळणार आहे. बंदरापासून दूर असणाऱ्या राज्यांतील कारखान्यांपेक्षा बंदरे जवळ असणाऱ्या राज्यांतील कारखान्यांना याचा निश्चितच लाभ होईल. मालतारण खात्यात अडकून पडलेली साखर निर्यातीसाठी उपलब्ध करून देण्यासाठी बॅंकांनीदेखील पुढे येणे गरजेचे आहे. 


इतर अॅग्रो विशेष
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...
मांसाहारामुळे ‘कोरोना’ अशी अफवा...नागपूर: मांसाहार कोरोना व्हायरसला कारणीभूत...
शेतकऱ्यांचे ‘नाइट लाइफ’ कधी संपेल रे भौ...पुसद, जि. यवतमाळ : ग्रामीण भागात शेतीचे प्रश्‍न...
उन्हाचा चटका कायम राहणारपुणे : निरभ्र आकाशामुळे उन्हाचा ताप वाढून...
संशोधन शेतात पोचले तरच शेतकऱ्यांचा...दापोली, जि. रत्नागिरी ः विद्यापीठांमध्ये चांगल्या...
तुरीच्या नोंदणीकडे शेतकऱ्यांची पाठनागपूर ः खरेदीनंतर चुकाऱ्यास होणारा विलंब आणि...
‘ठिबक’च्या प्रस्तावासाठी २०...सोलापूर : या वर्षी ठिबक सिंचन केलेल्या...
जोतिबाच्या खेट्यास प्रारंभ, हजारो भाविक...जोतिबा डोंगर, जि. कोल्हापूर: जोतिबाच्या खेट्यास...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
नियमित कर्जदारांच्या पदरी निराशाचसांगली ः शासनाच्या कर्जमाफीच्या आदेशात अल्प...
शेतकरीच सरकारचा केंद्रबिंदूः उद्धव ठाकरेजळगाव : कर्जमाफी देणे, हा शेतकऱ्यांच्या...
सिंधुदुर्ग जिल्हा कृषी विभागात १०७ पदे...सिंधुदुर्ग: जिल्हा कृषी विभागातील ३६५ पदांपैकी...
अतिवृष्टी, पूरग्रस्तांच्या कर्जमाफीसाठी...मुंबई ः राज्यात जुलै ते ऑगस्ट २०१९ या काळात...
बॅंकांच्या कृषी पतपुरवठ्यावर सरकारचे...नवी दिल्लीः बॅंकांकडून ग्रामीण भागात होणाऱ्या...
चंदनाची सात-बारा उताऱ्यावर नोंद घ्या:...नगर ः शेतकऱ्यांना शेतात चंदन लागवड करण्यास...
खानदेशात कोरड्या चाऱ्याची टंचाईजळगाव  ः खानदेशात चाऱ्याची मोठी टंचाई दिसत...
तंत्रज्ञान, सहकार, बॅंकिंग क्षेत्रात...जर्मनी हा युरोपातील प्रगत देश. तंत्रज्ञान आणि...
जमिनीची सुपीकता जपत पीक उत्पादनात...नाशिक जिल्ह्यातील कारसूळ (ता. निफाड) येथील संकिता...
उन्हाचा चटका, उकाडाही वाढलापुणे : राज्याच्या किमान तापमानात वाढ झाल्याने...