agriculture news in marathi agrowon agralekh on unauthorized HTBT and dangerous seed import | Agrowon

बियाणे दहशतवाद गंभीरच!

विजय सुकळकर
मंगळवार, 11 ऑगस्ट 2020

अनधिकृत एचटीबीटी असो अथवा आता संशयास्पद बियाण्याचा देशातील शिरकाव होण्याची शक्यता असो शेतकऱ्यांनीच अशा प्रकाराला आळा घातला पाहिजे, असे केंद्र-राज्य शासनाला वाटत असून ही बाब गंभीर म्हणावी लागेल.
 

तणनाशक सहनशील अवैध एचटीबीटी कापूस बियाण्याच्या देशातील फैलावामुळे बियाणे उद्योगाला ३०० कोटी रुपयांचा फटका बसला असल्याचे ‘नॅशनल सीड असोसिएशन ऑफ इंडिया’ने नुकतेच स्पष्ट केले आहे. यावर्षी काळ्या बाजारात अनधिकृत एचटीबीटीची ५० लाख पाकिटे विकली गेली असल्यामुळे अधिकृत बियाणे उद्योगाचा मोठा हिस्सा एचटीबीटीने पळविला आहे. त्यामुळे बियाणे उद्योग क्षेत्रातून चिंता व्यक्त केली जात आहे. खरे तर एचटीबीटीचा चोरट्या मार्गे देशात प्रवेश पाच वर्षांपूर्वी झालेला आहे. या पाच वर्षांत हा काळा बाजार महराष्ट्रासह चार-पाच राज्यांत पसरला आहे. या सर्व बाबी उघड असताना याबाबत आपली भूमिका स्पष्ट करायला बियाणे उद्योगाला थोडा उशीरच झाला म्हणावे लागेल. आत्ताही बियाणे उद्योगाची भूमिका स्पष्ट नसून एक तर हे तंत्र खुले करा किंवा त्यावर बंदी आणा, अशी आहे. अर्थात काहीही निर्णय घेऊन एकदाचे मोकळे व्हा, असा संदेश यातून मिळतो. देशातील बियाणे उद्योगाने  याबाबत स्पष्ट भुमिकेद्वारे शासनाला मार्गदर्शनाचे काम करणे गरजेचे होते. परंतू तसे मात्र झाले नाही. 

देशात अनधिकृत एचटीबीटी बियाण्याचा शिरकाव, त्याची व्याप्ती हे कार्य शासनासह संस्थात्मक पाठबळाशिवाय शक्य नाही. हे बियाणे कोणत्या कंपनीचे आहे, ते देशात कसे आले, त्याचे बीजोत्पादन, पॅकींग, वाहतूक, विक्री कोण आणि कशी करते ह्या सर्व बाबी शासकीय यंत्रणेला माहित आहेत. त्यामुळे हे सर्व प्रकार थांबवायचे म्हटले तर यंत्रणेला ते अवघडही नाही. परंतू शासन, प्रशासनाची तशी इच्छाशक्तीच दिसत नाही. दुसरा मुद्दा म्हणजे शासनाला खरोखरच हे बियाणे शेतकऱ्यांसाठी फायदेशीर आहे, त्याचे कोणावर काहीही दुष्परिणाम होत नाहीत, असे वाटत असेल तर मग हे बियाणे शेतकऱ्यांसाठी खुले करावे. परंतू त्यासाठी एचटीबीटीच्या व्यापक चाचण्या घेऊन त्यातून हा विषय मार्गी लावायला हवा. तेही शासन करीत नाही, हे सर्व अनाकलनिय आहे.   

याला जोडूनच अजून एक मुद्दा बियाणे उद्योगाने पुढे आणला आहे. बियाणे दहशतवादाचा हा गंभीर विषय आहे. ऑनलाइन व्यापार करणाऱ्या कंपन्यांच्या माध्यमातून चीनकडून अमेरिकेमध्ये अनोळखी अन् संशयास्पद बियाणे पाकिटे पाठविण्यात आली आहेत. जागतिक बियाणे परिक्षण संघटना याबाबत सर्व देशांना जागरुक करीत असून या संकटापासून भारताने सावध राहावे, असा इशारा दिला आहे. त्यामुळे केंद्रीय कृषी मंत्रालयाने सर्व राज्यांना पत्र पाठवून अशा बियाण्यापासून सावध राहण्याचा सल्ला दिला आहे. आता राज्य शासन एक पत्रक काढून शेतकऱ्यांना सावध राहण्याचा इशारा देऊन यातून सुटकेचा सुस्कारा सोडेल. 

अनधिकृत एचटीबीटी असो अथवा आता संशयास्पद बियाण्याचा देशातील शिरकावाची शक्यता असो शेतकऱ्यांनीच अशा प्रकाराला आळा घातला पाहिजे, असे केंद्र-राज्य शासनाला वाटत असून ही बाब गंभीर म्हणावी लागेल. वास्तविक पाहता बाहेर देशातून बियाणे असो की इतर कोणतीही वस्तू याची देशात आयात होताना त्यातून काही घातक बियाणे अथवा जीवाणू-विषाणूचा देशात प्रवेश तर होत नाही ना, हे तपासण्याची केंद्र -राज्य शासन पातळीवर यंत्रणा आहे. या यंत्रणेने ठरविले, प्रत्येक टप्प्यावर सावधानता बाळगळी तर संशयास्पद बियाणे असो की घातक जंतू याचा देशात प्रवेश आणि प्रसार थांबविता येते. त्यामुळे शासकीय यंत्रणेने वरून खालपर्यंत नुसत्या सूचना देऊन चालणार नाही तर अधिक सतर्क राहावे लागेल. कोरोनापासून आपण काही धडा घेणार आहोत की नाही?  


इतर अॅग्रो विशेष
पावसाचा जोर ओसरणार पुणे ः गेले काही दिवस मराठवाडा, मध्य महाराष्ट्र,...
मोडून पडली काढणीला आलेली केळी औरंगाबाद: काही दिवसांत जवळपास दोन वर्ष...
निर्यातबंदीनंतरही कांदा खाणार भाव पुणे: निसर्ग चक्रीवादळात कांदा रोपवाटिकांचे...
पावसाचे धुमशान सुरुच पुणे   ः राज्यातील काही भागांत...
जळगाव जिल्ह्यात केळीचे १०० कोटींवर...जळगावः केळीसाठी प्रसिद्ध असलेल्या जळगाव...
यांत्रिकीकरण योजना सुरु, पोर्टल मात्र...नगर ः शेती अवजारांसह अन्य वैयक्तिक लाभाच्या...
निम्मे कांदा कंटेनर अद्यापही बंदरावरच नाशिक: कांदा निर्यातबंदीच्या निर्णयाअगोदर मुंबई...
कृषी विभागाच्या विविध पुरस्कारांसाठी...बुलडाणा : कृषी विभागाच्यावतीने देण्यात येणाऱ्या...
कृषी विधेयकांमध्ये मोठा विरोधाभास ः शरद...मुंबई : कृषी विधेयकांवर राज्यसभेत दोन ते तीन दिवस...
तुरीचे दर प्रतिक्विंटल सहा हजारांवरनागपूर : स्थानिक प्रक्रिया उद्योजकांकडून मागणी...
सूक्ष्मदर्शक, स्वयंचलित हवामान केंद्र...तंत्रज्ञान समजून वापर केला तर शेती सुलभ होऊ शकते...
तिढा सुटावा लवकर!मागील गळीत हंगाम अंतिम टप्प्यात असताना राज्यात...
कांदा निर्यातबंदी आवडे सरकारलाकेंद्र सरकारने अचानक कांद्यावर निर्यातबंदी लादली...
खानदेशातील सिंचन प्रकल्प भरलेजळगाव : खानदेशात या महिन्यातील जोरदार पावसाने...
मराठवाड्यात कपाशी काळवंडली, सोयाबीन...औरंगाबाद : सततच्या पावसाने औरंगाबाद, जालना, बीड...
खानदेशातील कांदेबाग केळी काढणीला वेगजळगाव : खानदेशात कांदेबाग केळी काढणी सुरू झाली...
शेती विधेयकांविरोधात शुक्रवारी बंदपुणे ः केंद्र सरकारने लोकसभेत पास केलेल्या...
राहुरी कृषी विद्यापीठासाठी नव्या...पुणे: महात्मा फुले राहुरी कृषी विद्यापीठाच्या...
कांदा बियाण्याची टंचाईनगरः गेल्यावर्षी पाऊस व बदलत्या वातावरणामुळे...
‘कृषी’तील ‘वतनदारी’ निवृत्तीनंतरही कायमपुणे: कृषी आयुक्तालयात वर्षानुवर्षे राखलेली ‘...