agriculture news in Marathi, agrowon, Do water works; Otherwise leave a job | Agrowon

जलयुक्तची कामे करा; अन्यथा नोकरी सोडा
टीम अॅग्रोवन
रविवार, 25 मार्च 2018

सांगली  ः जिल्ह्यातील पाणीटंचाई मिटविण्यासाठी जलयुक्त शिवार योजना उपयुक्त ठरणार आहे. तरीही अनेक अधिकारी जलयुक्तची कामे गांभीर्याने घेत नसल्याने गेल्या वर्षीची कामे अजून सुरू आहेत. ही गंभीर बाब असून, पाणी प्रश्‍न मिटविण्यासाठी अधिकाऱ्यांनी योगदान द्यावे. जे अधिकारी काम करणार नाहीत, त्या अधिकाऱ्यांनी नोकरी सोडून घरी जावे, अन्यथा संबंधितांवर कडक कारवाई करण्याचा इशारा जिल्हाधिकारी विजयकुमार काळम-पाटील यांनी दिला.

सांगली  ः जिल्ह्यातील पाणीटंचाई मिटविण्यासाठी जलयुक्त शिवार योजना उपयुक्त ठरणार आहे. तरीही अनेक अधिकारी जलयुक्तची कामे गांभीर्याने घेत नसल्याने गेल्या वर्षीची कामे अजून सुरू आहेत. ही गंभीर बाब असून, पाणी प्रश्‍न मिटविण्यासाठी अधिकाऱ्यांनी योगदान द्यावे. जे अधिकारी काम करणार नाहीत, त्या अधिकाऱ्यांनी नोकरी सोडून घरी जावे, अन्यथा संबंधितांवर कडक कारवाई करण्याचा इशारा जिल्हाधिकारी विजयकुमार काळम-पाटील यांनी दिला.

जिल्हाधिकारी कार्यालयात शुक्रवारी (ता. २३) दोन वर्षांतील कामांचा आढावा घेण्यासाठी आयोजित बैठकीत ते बोलत होते. २०१५-१६ या वर्षातील तब्बल २५७ कामे अपूर्ण असून, त्यात कृषी विभागाची जबाबदारी १७९ कामांची आहे. छोटे पाटबंधारे विभागाची १६, तर लघू पाटबंधारेची १५ कामे अपूर्ण आहेत. सातत्याने सूचना देऊनही कामे का होत नाहीत ज्या दहा ठिकाणी पाणीसाठे आहेत, ती वगळून २४७ कामे मार्चअखेर मार्गी लागलीच पाहिजेत, असा इशारा जिल्हाधिकाऱ्यांनी दिला. 

काम करणे जमत नसेल तर नोकरी सोडा आणि तेही जमत नसेल तर मला सांगा, मी बंदोबस्त करतो, अशा शब्दांत त्यांनी कानउघाडणी केली. या दिरंगाईमुळे एका वरिष्ठ अधिकाऱ्याला थेट बदलीला सामोरे जावे लागले होते. त्यानंतरही यंत्रणा सुस्त असल्याचे आढावा बैठकीत स्पष्ट झाले. 

२०१७-१८ या वर्षात तब्बल सात हजार ९५१ कामे नियोजित आहेत. त्यावर एकूण ९९ कोटी रुपये खर्च होणार आहेत. त्यातून सात हजार ३४८ कामांना प्रशासकीय मान्यता देण्यात आली आहे. ही संख्या राज्यात सर्वाधिक असल्याचा दावा जिल्हाधिकाऱ्यांनी केला. केवळ ५९१ कामांना मान्यता बाकी असून, तीही एप्रिलपर्यंत दिली जाईल, असे त्यांनी सांगितले. त्यात ग्रामपंचायत विभागाकडे ३६१, महसूलकडे २००, कृषीकडे २७, वन विभागाकडे दोन कामांची मंजुरी आहे. एकूण कामांपैकी दोन हजार ६७८ कामे सुरू आहेत. एक हजार ४९१ पूर्ण झाली आहेत. एक हजार २७२ प्रगतिपथावर आहेत. एकूण चार कोटी ६९ लाखांचा खर्च झाला आहे. ही कामे मे महिनाअखेरीस पूर्ण झाली पाहिजेत, अशा सूचना जिल्हाधिकाऱ्यांनी दिल्या. 

टंचाईमुक्तीचा बोऱ्या 
२०१७-१८ या वर्षात १४० गावे टंचाईमुक्त करण्याचे उद्दिष्ट ठेवण्यात आले होते. त्यापैकी केवळ चार गावे टंचाईमुक्त झाली आहेत. नऊ गावांत ८० टक्‍क्‍यांवर काम झाले आहे. २४ गावांत ५० टक्के, तर तीन गावांत ३० टक्के कामे झाली आहेत. १०० गावांमध्ये कामे प्राथमिक अवस्थेत आहेत. त्याला जबाबदार यंत्रणांना धारेवर धरण्यात आले.

`रोहयो'चा निधी तुंबतोच कसा? 
रोजगार हमी योजनेचा निधी तुंबतोच कसा, असा जाब विचारत जिल्हाधिकाऱ्यांनी तत्काळ निधी मंजूर करण्याच्या सूचना दिल्या. त्याला विलंब झाला तर पगारातून दंड कापला जाईल, असा इशाराही देण्यात आला. या वेळी जिल्हा परिषदेचे मुख्य कार्यकारी अधिकारी अभिजित राऊत, अपर जिल्हाधिकारी अण्णासाहेब चव्हाण, कृषी अधिकारी राजेंद्र साबळे, `रोहयो' उपजिल्हाधिकारी किरण कुलकर्णी आदी उपस्थित होते.

इतर ताज्या घडामोडी
जालना जिल्ह्यात दुधाचे पैसे दोन...जालना : जिल्ह्यातील जामवाडी, गणेशपूर, नळणी, येवता...
औरंगाबाद, जालना, परभणी, हिंगोली...औरंगाबाद  : मराठवाड्यातील शेतकऱ्यांवर...
सांगली जिल्ह्यात पावसाची उघडीपसांगली ः जिल्ह्यात जून आणि जुलैमध्ये झालेल्या...
कंडारी पाणी योजनेतील गैरव्यवहारप्रकरणी...जळगाव ः कंडारी (ता. भुसावळ) येथील ग्राम...
शेततळ्यासाठी शेतकऱ्यांना प्रोत्साहित...नागपूर ः विकासाच्या संकल्पनांमध्ये रस्ते, नाले व...
सातारा जिल्ह्याच्या पूर्व भागातील शेती...सातारा : जिल्ह्यात पश्चिमेकडे दमदार पाऊस, तर...
कापसाच्या हमीभावात ५०० रुपयांनी वाढ...अमरावती   ः राज्याची कमी असलेली कापूस...
दमदार पावसाअभावी पुणे जिल्ह्यातील पूर्व...पुणे  ः जिल्ह्याच्या पूर्व भागातील शिरूर,...
नगर जिल्ह्यात ऐन पावसाळ्यातही...नगर  ः दुष्काळाने होरपळ झालेल्या नगर...
पावसाअभावी धुळे, जळगाव जिल्ह्यांत...जळगाव  ः खानदेशात सुरवातीला पावसाने जोरदार...
नागपूर विभागात पावसाअभावी पिकांची वाढ...नागपूर  ः निम्मा जुलै महिना संपत आला असतानाच...
सांगलीत हळद प्रतिक्विंटल ६००० ते ८९००...सांगली ः येथील बाजार समितीत हळदीची आवक कमी झाली...
भाजपच्या प्रदेशाध्यक्षपदी चंद्रकांत...मुंबई  : भाजपचे ज्येष्ठ नेते, मंत्री...
सुधारित सोयाबीन आंतरपीक पद्धती राज्यामध्ये सोयाबीनच्या क्षेत्रात झपाट्याने वाढ...
नत्र स्थिरीकरणावर परिणाम करणारे घटक गेल्या भागापासून आपण मार्टीन ॲलेक्झांडर यांच्या...
पशुपालनातील मिथेन उत्सर्जन कमी करणे...मिथेनचे कमी उत्सर्जन करणाऱ्या गायींची पैदास करणे...
गिरणा नदीवरील बलून बंधाऱ्यांसाठी आर्थिक...जळगाव ः जिल्ह्यातील सतत दुष्काळाशी झगडणाऱ्या...
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...