agriculture news in marathi, agrowon, employees of solapur agriculture market comittee salary on hold | Agrowon

सोलापूर बाजार समितीतील सव्वाशे कर्मचाऱ्यांचा पगार रखडवला

सुदर्शन सुतार
शनिवार, 16 सप्टेंबर 2017
आम्ही कायदेशीर निर्णय घेतला आहे. मी स्वतः काहीच करू शकत नाही. त्यामुळे याबाबत काय बोलणार, पण येत्या दोन दिवसांत या प्रश्‍नावर काही तरी तोडगा निघेल, हा प्रश्‍न सुटेल. 
- कुंदन भोळे, शहर उपनिबंधक तथा प्रशासक, कृषी उत्पन्न बाजार समिती, सोलापूर.
सोलापूर ः सोलापूर कृषी उत्पन्न बाजार समितीमध्ये सुमारे १५ वर्षांहून अधिक काळ हंगामी कर्मचारी म्हणून काम करणाऱ्या सुमारे सव्वाशे कर्मचाऱ्यांना बाजार समितीच्या प्रशासकांनी अचानकपणे त्यांच्या पदांना खात्याची मंजुरी नाही, असे सांगत आपल्याला पगारासह अन्य सुविधा का द्याव्यात, अशा नोटिसा बजावल्या आहेत. पण, पदांना मंजुरी नव्हती, तर इतकी वर्षे कर्मचाऱ्यांचा पगार काढलाच कसा, हा कळीचा मुद्दा उपस्थित झाला आहे.
 
प्रशासकांच्या या निर्णयाने कर्मचारी मात्र चांगलेच धास्तावले आहेत. काही कर्मचारी तणावाखाली आहेत, तर काहींनी थेट न्यायालयीन लढाई लढण्याचे ठरवले आहे. 
 
दरम्यान, राज्याचे सहकार व पणनमंत्री सुभाष देशमुख यांच्याच मतदारसंघात बाजार समितीचे कर्मचारी असे वाऱ्यावर सोडल्याने हा चर्चेचा विषय झाला आहे. 
सोलापूर बाजार समितीमध्ये ७३ कायम आणि हंगामी १२६ कर्मचारी आहेत. सुमारे पंधरा वर्षांपासून हंगामी कर्मचारी कामावर आहेत. त्यामध्ये कनिष्ठ लिपिकापासून बिगारी, शिपाई, वॉचमन यांचा समावेश आहे.
 
गेल्यावर्षी बाजार समितीच्या संचालक मंडळाची मुदत संपली. पण नव्या संचालक मंडळाची निवडणूक होईपर्यंत बाजार समितीवर शहर उपनिबंधक कुंदन भोळे यांची प्रशासक म्हणून नियुक्ती झाली. आता त्यांना दुसऱ्यांदा मुदतवाढ मिळाली आहे. पण प्रशासकांनी अचानकपणे घेतलेल्या काही निर्णयामुळे बाजार समितीच्या प्रशासनामध्ये खदखद निर्माण झाली आहे. 
 
दोन महिन्यांपूर्वी जुलैमध्ये त्यांनी हंगामी कर्मचाऱ्यांचे सह्याचे मस्टर बदलले. तसेच तेव्हापासून दोन महिन्यांचा पगारही रखडवला आहे. आता अलीकडे १ सप्टेंबरला सर्व १२६ हंगामी कर्मचाऱ्यांना नोटिसा बजावल्या आहेत. त्यात आपल्या पदांना खात्याची मंजुरीच नाही, तर आपल्याला कामावर का ठेवावे आणि पगारीसह अन्य सुविधाही का द्याव्यात, अशी थेट विचारणा केली आहे.
 
विशेष म्हणजे ते प्रशासक असताना आठ-नऊ महिने या कर्मचाऱ्यांचा पगार त्यांनीच काढला. शिवाय सुमारे पंधरा वर्षांपासून हे कर्मचारी कार्यरत आहेत. पण इतकी वर्षे ही पदे बेकायदेशीर होती, तर पगार कसा निघत होता, असा प्रश्‍न उपस्थित झाला आहे.
 
बाजार समितीचे सचिव निवृत्त झाल्यानंतर एका वरिष्ठ अधिकाऱ्याकडे पदभार देण्यात आला होता. पण प्रशासकांनी त्यांच्याकडील पदभार अचानकपणे काढून नव्या अधिकाऱ्याकडे सोपवला. त्यामागेही विशिष्ठ कारण असल्याचे सांगितले जाते. पण त्यामध्ये कारणापेक्षा प्रमोशन, डिमोशनचे राजकारण अधिक असल्याचे बोलले जाते. 
 
प्रशासकांनी दिलेल्या या नोटिशीने कर्मचारी धास्तावल्याने प्रचंड तणावाखाली आले आहेत. त्यामुळे ते फारसे कोणाशी बोलायलाही तयार नाहीत. पुढे येऊन काय, असेही ते खासगीत सांगतात. तर याच कर्मचाऱ्यांपैकी सुमारे ५५ जणांनी प्रशासकाच्या या कारवाईला कायदेशीररीत्या सामोरे जाण्यासाठी न्यायालयात धाव घेतली आहे. 

इतर ताज्या घडामोडी
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
औरंगाबाद जिल्ह्यात खतांचा पुरवठा सुरळीत...औरंगाबाद : जिल्ह्यात ‘कोरोना’च्या पार्श्वभूमीवर...
अकोल्यात तूर सरासरी ५८०० रुपये क्विंटलअकोला  ः  येथील कृषी उत्पन्न बाजार...
सांगली जिल्ह्यातील तीन केंद्रांवर २०२३...सांगली  ः जिल्ह्यात हमीभावाने मका खरेदीसाठी...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...
आरोग्यदायी दालचिनीमसाल्यांच्या पदार्थांत, घरात मसाला करताना...
कोकण, कोल्हापूर पट्ट्यात मुसळधार...कोकण व कोल्हापूर भागावर १००२ तर महाराष्ट्रावर...
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...