एक ते दहा जून या कालावधीत देशव्यापी शेतकरी संप

एक ते दहा जून या कालावधीत देशव्यापी शेतकरी संप
एक ते दहा जून या कालावधीत देशव्यापी शेतकरी संप

नाशिक  : सरसकट कर्जमाफी व शेतीलमालाला दीडपट हमीभाव या मागण्यांसाठी राष्ट्रीय किसान महासंघ व किसान एकता या राष्ट्रीय संघटनांसह देशभरातील १७० संघटनांनी १ ते १० जून या कालावधीत देशव्यापी शेतकरी संप पुकारला असून, या संपाच्या शेवटच्या दिवशी १० जून रोजी संपात सहभागी संघटनांनी भारत बंदचे आवाहन केले आहे. 

या संपात नाशिक जिल्ह्यातूनही मोठ्या प्रमाणात शेतकरी सहभागी होणार असल्याचा विश्वास संपाच्या राष्ट्रीय कोअर कमिटीचे सदस्य संदीप गिड्डे यांनी व्यक्त केला आहे. नाशिकमधील हुतात्मा स्मारक येथे सोमवारी (ता. २८) पत्रकार परिषदेच्या माध्यमातून गिड्डे यांनी नाशिक जिल्ह्यातील शेतकऱ्यांना संपात सहभागी होण्याचे आवाहन करताना या वेळी होणारा देशव्यापी संप पूर्णपणे गनिमी कावा पद्धतीने केला जाणार असल्याचे सांगितले. 

या संपादरम्यान १ जूनपासून शहरातील दूध व भाजीपाला पुरवठा रोखला जाणार असून, संपकाळात शहरातूनही काही खरेदी केली जाणार नाही. शेतकरी भाजीपाला बाजार समित्यांमध्ये न नेता थेट ग्राहकांना ६० रुपये प्रतिकिलो दराने तसेच दूध डेअरीमध्ये न नेता तालुक्याच्या ठिकाणी ५० रुपये लिटरप्रमाणे विकू शकतात, असेही त्यांनी सांगितले.  जम्मू काश्मीर ते केरळपर्यंत शेतकऱ्यांनी केलेले हे पहिलेच आंदोलन असून, राष्ट्रीय किसान महासंघाच्या १३० व किसान एकता मंचच्या ६० अशा १७० संघटना या देशव्यापी लढ्यात उतरणार असल्याचे गिड्डे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com