चार वर्षे गाळप नसल्यास कारखान्याचा परवाना रद्द

संग्रहित छायाचित्र
संग्रहित छायाचित्र

पुणे : सतत चार वर्षे उसाचे गाळप न करणाऱ्या साखर कारखान्यांचा परवाना रद्द होण्याची शक्यता आहे. त्यानुसार राज्यातील एका साखर कारखान्याच्या आयईएम प्रमाणपत्राला मुदतवाढ न देण्याची शिफारस करण्यात आलेली आहे, अशी माहिती साखर आयुक्तालयाच्या सूत्रांनी दिली. 

राज्यात साखर कारखाना सुरू करण्यासाठी दिल्लीतील मुख्य साखर संचालकांचा आयईएम नंबर मिळवावा लागतो. औरंगाबाद जिल्ह्यातील एका साखर कारखान्याने आयईएम मिळवलेला नाही. त्यामुळे साखर आयुक्तालयाने या कारखान्याचे गाळप सुरू झाले असले तरी गाळप परवाना दिलेला नाही. 

‘‘परळी वैजनाथ भागातील जगमित्रा खासगी साखर कारखान्यालादेखील २०११ मध्ये आयईएम प्रमाणपत्र मिळाले होते. तथापि, साखर नियंत्रण कायदा १९६६ मधील तरतुदीनुसार चार वर्षांत गाळप सुरू करावे लागते. जगमित्राने गाळप सुरू न केल्यामुळे आयईएम प्रमाणपत्राला मुदतवाढ न देण्याची शिफारस साखर आयुक्तांनी आधीच केलेली आहे,’’ अशी माहिती सूत्रांनी दिली. 

महाराष्ट्र ग्रामीण बॅंकेचे संचालक वसंतराव मुंडे यांनी अलिकडेच साखर आयुक्त संभाजी कडूपाटील यांच्याकडे या कारखान्याची परवागी कायमस्वरूपी रद्द करण्याची मागणी केली आहे. ‘‘साखर कारखाने काढण्याची परवानगी घेण्यापूर्वी पुढाऱ्यांकडून शेतकऱ्यांच्या जमिनी ताब्यात घेतल्या जातात. शेअर्सपोटी कोट्यवधी रुपये जमा केले जातात. त्यामुळे आयईएम नंबर रद्द करून शेतकऱ्यांना त्यांच्या जमिनी व रकमा परत करणेच योग्य आहे, असे श्री. मुंडे यांचे म्हणणे आहे.   

गळ्यात घंटा कोणी बांधायची  साखर कारखानदारीत मातब्बर पुढारी असल्यामुळे सहकार विभागाची कोंडी होत असते. नियमांचा भंग झाला तरी राजकीय मांजराच्या गळ्यात कारवाईची घंटा कोणी बांधायची, असा प्रश्न साखर आयुक्तालयातील अधिकाऱ्यांनाही सतावत असतो. बीड जिल्ह्यातील साखर कारखान्यांबाबत सहकार विभागाने साखर आयुक्तांना केवळ पत्र पाठविले आहे. आयुक्तालयाने हे पत्र साखर सहसंचालकांना पाठवून कार्यवाहीचे आदेश दिले आहेत. मात्र, अंतिम निर्यण अजूनही घेतला आलेला नाही, असे सूत्रांचे म्हणणे आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com