agriculture news in Marathi, agrowon, Ingle is State Control Director | Agrowon

राज्याच्या गुण नियंत्रण संचालकपदी इंगळे
टीम अॅग्रोवन
बुधवार, 30 मे 2018

पुणे  : राज्याच्या कृषी खात्यातील प्रत्येकाचे लक्ष लागून असलेल्या गुण नियंत्रण संचालकपदी अखेर विजयकुमार इंगळे यांची नियुक्ती करण्यात आली आहे. आयुक्तांच्या खालोखाल सर्वांत महत्त्वाचे पद म्हणून गुण नियंत्रण संचालकांच्या खुर्चीकडे पाहिले जाते. 

पुणे  : राज्याच्या कृषी खात्यातील प्रत्येकाचे लक्ष लागून असलेल्या गुण नियंत्रण संचालकपदी अखेर विजयकुमार इंगळे यांची नियुक्ती करण्यात आली आहे. आयुक्तांच्या खालोखाल सर्वांत महत्त्वाचे पद म्हणून गुण नियंत्रण संचालकांच्या खुर्चीकडे पाहिले जाते. 

कृषी खात्याच्या निविष्ठा व गुण नियंत्रण विभागाचे प्रमुख म्हणून गुण नियंत्रण संचालक कामकाज बघतात. खते, बियाणे आणि कीडनाशकांचे उत्पादन, वितरण व विक्री करणाऱ्या कंपन्यांवर नजर ठेवणे तसेच फौजदारी कारवाईचे अधिकारदेखील संचालकांना असल्यामुळे इनपुट उद्योगाचेही लक्ष या नियुक्तीकडे लागून होते. 
संचालकपदावर गेल्या वर्षी अशोक लोखंडे यांची नियुक्ती झाली, पण सप्टेंबरला ते निवृत्त झाले होते. त्यामुळे संचालकपदाची तात्पुरती जबाबदारी आता पुणे विभागाचे कृषी सहसंचालक विजयकुमार इंगळे यांच्याकडे देण्यात आली होती. सदर पदावर कामाची संधी मिळण्यासाठी त्यांचेही प्रयत्न सुरू होते. 

मधल्या काळात मात्र राज्य शासनाने संचालकपदाच्या नियुक्त्या लांबविल्या. गुण नियंत्रण संचालकपदी कोणाचीही कायम नियुक्ती न करता सहसंचालक मच्छिंद्र घोलप यांच्याकडे गेल्या ९ महिन्यांपासून तात्पुरती सूत्रे देण्यात आली होती. त्यामुळे या पदावर श्री. इंगळे येतात की श्री. घोलप याविषयी राज्यभर चर्चा होती.  नवे संचालक श्री. इंगळे सोलापूरच्या माढा भागातील असून, अलाहाबाद बॅंकेत ते क्षेत्रीय अधिकारी होते. शेतीशी सुरवातीपासून जवळचा संबंध असलेल्या श्री. इंगळे यांनी स्पर्धा परीक्षेच्या माध्यमातून विभागीय मृदसंधारण अधिकारी म्हणून उस्मानाबादला पाच वर्षे सुरवातीला काम केले. त्यानंतर लातूरला मृदसंधारण उपसंचालक, साखर सहसंचालक आणि रामेतीचे प्राचार्य म्हणून त्यांनी काम पाहिले. नांदेडमध्ये तीन वर्षे एसएओ म्हणून तसेच ठाणे व पुणे विभागांचे सहसंचालक म्हणून मी जबाबदारी सांभाळली आहे.

शेतकऱ्यांच्या अडीअडचणी मला बारकाईने माहिती असून, राज्यात खते, बियाणे वितरणातील समस्या कमी करण्यास आपले प्राधान्य राहील, अशी प्रतिक्रिया श्री. इंगळे यांनी व्यक्त केली. राज्याचे मुख्य गुणवत्ता नियंत्रण अधिकारी सुभाष काटकर, तसेच इतर सर्व गुण नियंत्रण अधिकाऱ्यांनी श्री. इंगळे यांचे स्वागत केले आहे. श्री. इंगळे व श्री. काटकर यांनी संयुक्तपणे अनेक जबाबदाऱ्या पार पाडल्या असून, ते गुण नियंत्रण विभागाला चांगली दिशा देतील, अशी प्रतिक्रिया कर्मचारी वर्गातून व्यक्त होत आहे. 

घोलप ठरले औटघटकेचे संचालक
संचालकपदाच्या बढतीसाठी गेल्या काही महिन्यांपासून वाट पाहणारे सहसंचालक मच्छिंद्र घोलप यांना निवृत्तीला केवळ चार दिवस राहिलेले असताना संचालकपदी नियुक्त करण्यात आले आहे. विशेष म्हणजे विस्तार, आत्मा, कृषी प्रक्रिया अशी तीन संचालकपदे रिक्त असताना अकोल्याच्या बीज प्रमाणीकरण यंत्रणेचे संचालक म्हणून त्यांची 'ऑर्डर' काढण्यात आली.
 

इतर ताज्या घडामोडी
औरंगाबाद, जालना जिल्ह्यांत पावसाचा कमी-...औरंगाबाद  : मराठवाड्यातील ४२१ पैकी तब्बल २७५...
कोल्हापूर, सिंधुदुर्गात पावसाची रिपरिपकोल्हापूर, सिंधुदुर्ग : सप्टेंबरच्या पहिल्या...
शेतीमाल तारण कर्ज योजनेसाठी एक कोटीपरभणी : ‘‘परभणी कृषी उत्पन्न बाजार समितीतर्फे...
पाचोरा, जामनेरातही १०० टक्के पाऊसजळगाव ः खानदेशात जळगाव, धुळ्यात या...
‘टेंभू‘चे पाणी आटपाडीत, शेतकऱ्यांना...आटपाडी जि. सांगली :  टेंभू पंपगृहातील पंपात...
‘शेतकरी सन्मान योजने‘च्या अनुदानासाठी...कळमनुरी : प्रधानमंत्री शेतकरी सन्मान योजनेंतर्गत...
तीन कारखान्यावरील कारवाई अंतिम टप्प्यातसोलापूर : ‘‘सोलापूर जिल्हा मध्यवर्ती सहकारी...
संत्र्याला जागतिक बाजारपेठेत पोचवण्याचे...अमरावती : जिल्ह्यात उत्पादित होणाऱ्या...
बागलाण तालुक्यात शेतातून चंदनाची चोरीनाशिक  : बागलाण तालुक्यातील नवे निरपूर येथील...
तोलाई परिपत्रक होणार रद्द पुणे ः बाजार समित्यांमध्ये शेतमालाच्या...
‘शेतकरी सन्मान’साठी २० हजार कोटी दिले...नाशिक : शेतकऱ्यांना सन्मान मिळवून देत त्यांना मदत...
‘मी शेतकरी’ आंदोलनाला गांधी जयंतीपासून...नगर : शेतकऱ्यांच्या शेतीमालाला दीडपट हमीभाव तसेच...
शेतीपूरक व्यवसायांना राज्य शासनाची...सांगली ः अण्णासाहेब पाटील आर्थिक विकास...
थकीत बिलासाठी मुंबईत दुग्धविकास आयुक्त...परभणी ः शासकीय दूध योजनेअंतर्गत परभणी येथील दुग्ध...
आर्थिक मंदीमुळे देशातील शेती क्षेत्राला...नांदेड ः सध्या प्रचंड मंदी आहे. गुंतवणूक केली जात...
सातारा जिल्ह्यातील दुष्काळी तालुक्यात...सातारा ः माण, खटाव, फलटण या दुष्काळी तालुक्यांना...
विषबाधेच्या चौकशीची फाइल अडली गृह...नागपूर: प्रशासन गतिमान असल्याचा दावा सरकारकडून...
मित्रबुरशींच्या संवर्धनातून लष्करी...सध्या राज्याच्या विविध भागात अनुकूल हवामानामुळे...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...