agriculture news in Marathi, agrowon, kesar mango in trouble | Page 2 ||| Agrowon

केसर आंबा संकटातच

संतोष मुंढे
शुक्रवार, 20 एप्रिल 2018

औरंगाबाद :  सुरवातीला मोहराच्या काळात वातावरण बदलाचा सामना करणाऱ्या मराठवाड्याच्या केसर आंब्यावर आता वादळ अन्‌ तापमानवाढीचे संकट घोंगावत आहे. त्यामुळे यंदा केसर उत्पादकांच्या पदरात उत्पादनाबाबत समाधानकारक काही पडेल असे चित्र नाही. 

औरंगाबाद :  सुरवातीला मोहराच्या काळात वातावरण बदलाचा सामना करणाऱ्या मराठवाड्याच्या केसर आंब्यावर आता वादळ अन्‌ तापमानवाढीचे संकट घोंगावत आहे. त्यामुळे यंदा केसर उत्पादकांच्या पदरात उत्पादनाबाबत समाधानकारक काही पडेल असे चित्र नाही. 

सौराष्ट्रात जरी केसर पिकत असला, तरी मराठवाड्यातील केसरची चव न्यारीच. ही चव चाखण्यासाठी सारेच आतूर असतात. मराठवाड्यात आजघडीला केसर आंबाबागांचे क्षेत्र १९ हजार हेक्‍टरवर पसरले आहे. गेल्या वर्षी केसर आंब्याचे जवळपास ७० ते ७५ टक्‍के उत्पादन मिळाले. यंदा मात्र संकटांच्या अविरत मालिकेमुळे तुलनेत १० ते २० टक्‍के उत्पादन हाती येईल की नाही असा प्रश्न असल्याचे उत्पादकांनी सांगितले. 

यंदा केसरला तीन टप्प्यांत आलेल्या बहरांपैकी पहिल्या बहरावर गारपीट व वाईट वातावरणाचा परिणाम झाला. त्यानंतरच्या दोन बहरांवर आकाशात मिरवणाऱ्या ढगांमुळे ''भुरी''चा प्रादुर्भाव झाला. तो निस्तारला जात नाही, तोच फेब्रुवारीमध्ये ११ ते १३ तारखेदरम्यान गारपिटीने केसर आंबा उत्पादकांच्या आशांना सुरुंग लावला. त्याही संकटातून केसर बाहेर पडला व ३० ते ४० टक्‍के किमान उत्पादन हाती येईल असे वाटत असताना, आता पुन्हा चार ते पाच दिवसांपासून मराठवाड्यात वादळ व अवकाळी पावसाने धिंगाणा घातला आहे. वादळात तुटून पडणाऱ्या कैऱ्यांना बाजारातही अत्यल्प दर मिळत असल्याने केसर आंबा उत्पादकांच्या नुकसानीत भर पडत असल्याचे शेतकऱ्यांनी सांगितले. 

तापमानाचा प्रकोप वाढला

केसरची फळे चांगली राहण्यासाठी ३६ अंशांपुढे तापमान न जाणे आवश्‍यक असते. प्रत्यक्षात मराठवाड्यातील बहुतांश भागातील तापमान ४० अंश वा काही ठिकाणी त्याही पुढे गेले आहे. तापमानवाढीमुळे दिवसा झाडांची कार्यरत राहण्याची गती मंदावते. शिवाय रात्रीच्या वेळी झाड कार्यरत राहत असले, तरी त्या वेळी पाणी देण्यासाठी वीजपुरवठा राहत नसल्याने उत्पादकांच्या संकटात भरच पडत आहे. ही बाब फळगळीला सोबतच केसरच्या पक्‍वतेसह त्याच्या रंगावर आघात करत असल्याची माहिती शेतकऱ्यांनी दिली

आंब्याचे उत्पादन व्हावे यासाठी आंबा उत्पादक म्हणून प्रयत्नांची पराकाष्टा करतो. परंतु संकटाची मालिका थांबतच नसल्याने उत्पादन दहा ते पंधरा टक्‍क्‍यांपुढे जाईल अशी शक्‍यता नाही. 
- रसुल शेख, 
आंबा उत्पादक, औरंगाबाद

 

३६ ते ३७ अंशांपुढे तापमान गेलं की आंबा संकटात येतो. तापमान ४१ अंशांवर गेलंय. तळपणाऱ्या सूर्याच्या प्रकोपाबरोबरच वादळात बागांमधील फळं तुटून पडताहेत. 
- संजय मोरे पाटील, 
आंबा उत्पादक, नळविहिरा, जि. जालना


इतर अॅग्रो विशेष
सुपारी फळगळीचे संकटसिंधुदुर्ग: मुसळधार झालेला पाऊस आणि सतत ढगाळ...
कोकण, मराठवाड्यात पावसाची शक्यतापुणे ः गेल्या काही दिवसांपासून राज्यातील काही...
कांदा निर्यातबंदीविरोधात मराठवाड्यातही...औरंगाबाद/परभणी: केंद्र सरकारने कांदा निर्यातबंदी...
निर्यातबंदीमुळे कांदा दरात मोठी घसरणनाशिक: केंद्र सरकारने कांदा निर्यातबंदी केल्याचा...
कांदा निर्यातबंदी विरोधात नाशिक...नाशिक: प्रतिकूल हवामान, वाढलेला उत्पादन खर्च व...
‘स्मार्ट’च्या २८ पथदर्शक प्रकल्पांना...पुणे: कृषी खात्याच्या ‘स्मार्ट’ प्रकल्पातून...
सांगली जिल्ह्यात द्राक्ष फळ छाटणी...सांगली ः जिल्ह्यात सप्टेंबरच्या पहिल्या आठवड्यात...
मराठवाड्यात पावसाचा जोर कायमपुणे ः गेल्या दोन ते तीन दिवसांपासून राज्यातील...
राज्यात तीन वर्षांत ‘ई-नाम’द्वारे ...पुणे: केंद्र सरकारने सुरु केलेल्या राष्ट्रीय...
दर्जेदार रोपनिर्मिती पेपरपॉट, पीट मॉसचा...रोपनिर्मिती चांगल्या प्रकारे होण्यासाठी...
निर्यातक्षम द्राक्ष उत्पादनात कादे...योग्य नियोजन, व्यवस्थापनाच्या बळावर सुमारे १५ एकर...
मराठवाड्यात कर्जवाटप अखेर पन्नाशीपारऔरंगाबाद : खरीप हंगामासाठी कर्ज देण्याची मुदत...
फळछाटणीपूर्वी करावयाच्या उपाययोजनासध्या द्राक्षबागेत पावसाची उघडीप अनुभवास येत आहे...
औरंगाबाद जिल्ह्यात करटोलीची व्यावसायिक...कोकण, पश्‍चिम महाराष्ट्र, विदर्भ, मराठवाड्यातील...
किसान रेल्वे धावो सुसाट तुमची उमटलेली पाऊले नेहमी आत्मविश्वासपूरक आणि...
राज्यात पावसाचा जोर रविवारपासून कमी...पुणे ः दक्षिण गुजरातची किनारपट्टी व तेलंगणापर्यंत...
कांदा निर्यातबंदीमुळे उद्रेकनाशिक/पुणे : केंद्र सरकारने अचानकपणे सोमवारी (ता....
सर्वसंमती झाल्यास निर्यातबंदीचा फेरविचारनवी दिल्ली : कांदा निर्यातबंदीच्या आकस्मिक...
केंद्र सरकारने शेतकऱ्यांचा विश्वासघात...पुणे : केंद्र सरकारने सोमवारी (ता.१४) अचानक...
कांदा निर्यातबंदीविरोधात काँग्रेसचे...मुंबई: जगभरात लॉकडाऊन असताना शेतीत मोठ्या कष्टाने...