agriculture news in marathi, agrowon, loanwaiver application status in pune district | Agrowon

कर्जमाफीपासून पुणे जिल्ह्यात दीड लाख शेतकरी वंचित?

संदीप नवले
गुरुवार, 14 सप्टेंबर 2017

मी लागोपाठ तीन दिवस अर्ज भरण्यासाठी गेलो होतो; परंतु शेतकऱ्यांची गर्दी पाहता भरताना अडचणी आल्या. याशिवाय सर्व्हरच्या अडचणी; तसेच शासकीय केंद्राची संख्या कमी असल्यामुळे खासगी केंद्रात शेतकरी अर्ज भरत आहेत. तेथेही प्रतिव्यक्ती शंभर ते दीडशे रुपये घेतले जात आहेत. त्यामुळे शेतकऱ्यांच्या दृष्टीने ही एक प्रकारे लूटच सुरू असल्याचे दिसून येते.
- प्रल्हाद वरे, शेतकरी, मळद, ता. बारामती, जि. पुणे.

पुणे : छत्रपती शिवाजी महाराज शेतकरी सन्मान योजनेअंतर्गत कर्जमाफीचे अर्ज भरताना शेतकऱ्यांना सर्व्हरची अडचण येत आहे. जिल्ह्यात बुधवारअखेर (ता.१३) अंदाजित तीन लाख ३९ हजार खातेदारांपैकी एक लाख ९७ हजार ८९५ खातेदारांचे कर्जमाफीसाठी अर्ज ऑनलाइन दाखल झाले आहेत. अर्ज भरण्याचा कालावधी बघता सुमारे एक लाख ४१ हजार शेतकरी कर्जमाफीपासून वंचित राहण्याची शक्‍यता आहे. त्यामुळे कर्जमाफीचे अर्ज भरण्यासाठी मुदत वाढवून देण्याची मागणी शेतकऱ्यांनी केली.

शासनाने कर्जमाफी भरण्यासाठी १५ सप्टेंबरपर्यत ही अंतिम मुदत दिली आहे. आता अर्ज भरण्यासाठी अखेरचे दोन दिवस शिल्लक राहिले असल्याने अर्ज भरण्यासाठी शेतकऱ्यांची झुंबड उडाली आहे. जिल्ह्यात अर्ज भरण्यासाठी ‘आपले सरकार’, ‘महा ई-सेवा-केंद्र’ आणि नागरिक सुविधा केंद्र अशी एकूण दोन हजार २६८ केंद्र सुरू आहेत. परंतु अर्ज भरण्यासाठी शेतकऱ्यांना अजून मुदत वाढवून देण्याची अपेक्षा होती. मात्र, शासन स्तरावरून कोणत्याही हालचाली सुरू नसल्याचे दिसून आल्याने शेतकरी अर्ज भरण्यासाठी केंद्रांवर गर्दी करत आहेत.

 सध्या ग्रामीण भागात इंटरनेट कनेक्‍टिव्हीटी, इंटरनेटचा स्पीड आणि नेटवर्कच्या अडचणी येत असल्याने अर्ज भरण्यास वेळ लागत आहे. याशिवाय अर्ज भरताना आवश्‍यक असणारे आधार कार्ड, त्यावर असलेली चुकीच्या माहितीमुळे शेतकऱ्यांना अर्ज भरण्यास अडचणी येत आहेत.जिल्ह्यात तीन लाख ३९ हजार अंदाजित खातेदार आहे. तीन लाख ९० हजार शेतकऱ्यांनी ऑनलाइन नोंदणी केली आहे. प्रत्यक्षात एक लाख ९७ हजार ८९५ शेतकऱ्यांनी ऑनलाइन अर्ज भरले आहेत.

जिल्ह्याच्या पश्‍चिमेकडील भाग असलेल्या मावळ, मुळशी, भोर, वेल्हा तालुक्‍यात शेतीची कामे सुरू आहेत. त्यामुळे अनेक केंद्रचालक रात्री उशिरापर्यंत अर्ज भरत आहेत; तसेच सुरवातीच्या काळातील पंधरा दिवस अनेक भागांत बायोमेट्रिकची सुविधा नव्हती. त्यामुळे अर्ज भरण्यास शेतकऱ्यांना अडचणी आल्या होत्या. एकंदरीत शिल्लक अर्जाची संख्या पाहता लाखांहून अधिक शेतकरी वंचित राहण्याची शक्‍यता आहे.

याविषयी सहकार उपनिबंधक कार्यालयातील सूत्रांनी दिलेल्या माहितीनुसार, सध्या कर्जमाफीचे अर्ज भरण्याची प्रक्रिया सुरू आहे; परंतु ग्रामीण भागात सर्व्हरच्या समस्या आहेत. त्यामुळे शासनाने अर्ज भरण्यास मुदतवाढ देण्याची गरज आहे, असे सांगितले.


इतर ताज्या घडामोडी
कर्जमाफीसाठी बँकर्स समितीची बैठक...मुंबई : ‘‘राज्यातील शेतकऱ्यांना कर्जमाफीचा लाभ...
मुंबईतून आजपासून ५० विमानांची ये-जामुंबई : देशांतर्गत विमान उड्डाणे उद्यापासून सुरू...
टोमॅटो प्रश्नी समाधानकारक निदान,...पुणे : विषाणूग्रस्त टोमॅटो प्रश्नी शेतकऱ्यांना...
सातारा जिल्हा बॅंकेस १३३.९५ कोटींचा...सातारा  : सातारा जिल्हा मध्यवर्ती सहकारी...
सिंदखेड ग्रामस्थांना होमिओपॅथी औषधाचे...अकोला  ः ‘कोरोना’चा वाढता प्रादूर्भाव सध्या...
राज्यसभेवर व्हावी प्रयोगशील शेतकऱ्यांची...अमरावती ः भारताच्या राष्ट्रपतींव्दारा राज्यसभेवर...
थेट निविष्ठा पुरवठ्यातून वेळ-पैशांची...यवतमाळ ः कोरोनामुळे उद्भवलेल्या परिस्थितीत...
कापसाप्रमाणेच नाफेडच्या तूर खरेदीची गती...कलगाव, जि. यवतमाळ ः कापसाप्रमाणेच नाफेडव्दारे होत...
यवतमाळ जिल्ह्यातील २४ गावे माॅन्सून...यवतमाळ ः जिल्ह्यात अतिवृष्टीनंतर निर्माण होणाऱ्या...
सौंदड येथे थेट निविष्ठा वितरण उपक्रमाचा...गोंदिया ः कोरोना लॉकडाऊनमुळे शेतकऱ्यांना निविष्ठा...
नागपूरमधून २५ हजार शेतकऱ्यांकडून होणार...नागपूर ः कापूस उत्पादक शेतकऱ्यांकडील शिल्लक...
अमरावतीत पाणीटंचाईची ६६९ गावांमध्ये...अमरावती ः माॅन्सूनचे आगमन की दिवसांवर असतानाच...
मते मांडण्यास संधी नसल्याने नगर 'जिप'ची...नगर  ः जिल्हा परिषदेची बुधवारी (ता.२७) सभा...
परभणी जिल्ह्यात बीटी कपाशीची सहा लाख...परभणी ः परभणी जिल्ह्यात सोमवार (ता. २५) पासून...
बाहेरून येणाऱ्या प्रत्येक व्यक्तीला...नगर   ः एका क्षणी सर्वाधिक कोरोनाबाधित...
नगर : शेतकरी घरीच तपासत आहेत सोयाबीन...नगर  ः खरीप हंगामात सोयाबीन बियाण्याचा...
पुणे जिल्ह्यातील रस्त्यांची कामे सुरू...पुणे  : राज्यात कोरोना प्रादुर्भावामुळे लागू...
लग्नासाठी पन्नास व्यक्तींच्या...नगर  ः कोरोना आजाराचे संकट व त्यामुळे...
परभणी, हिंगोलीत २८ हजार क्विंटल हरभरा...परभणी ः किमान आधारभूत किंमत खरेदी योजनेअंतर्गत...
कृषी पदव्युत्तरच्या ऑनलाइन परीक्षेचा...पुणे  ः ‘कोरोना’चा शिक्षण क्षेत्रावर गंभीर...