agriculture news in marathi, agrowon, mahabeej gram seed rate down by 450 rupees, akola, | Agrowon

अनुदानित हरभरा बियाणे ४५० रुपयांनी स्वस्त

गोपाल हागे
शुक्रवार, 15 सप्टेंबर 2017

यावर्षी आतापर्यंत पश्‍चिम महाराष्ट्र, मराठवाडा व इतर भागात चांगला पाऊस झालेला आहे. हा पाऊस रब्बीसाठी पोषक ठरणार असल्याने संभाव्य क्षेत्र लक्षात घेता महाबीजने बियाणे नियोजन करताना त्यादृष्टीने वाढीव बियाणे दिले आहे.
- रामचंद्र नाके, महाव्यवस्थापक, विपणन, महाबीज, अकोला

अकोला ः आगामी रब्बी हंगामासाठी शेतकऱ्यांना लागणारे हरभऱ्याचे बियाणे यावर्षी महाबीजकडून सुमारे साडेचारशे रुपये कमी दराने दिले जाणार आहे. गेल्या वेळी २२५० रुपयांना विकलेली अनुदानित बॅग यावर्षी १९५० रुपयांनाच शेतकऱ्यांना मिळणार आहे. राष्ट्रीय अन्नसुरक्षा योजनेअंतर्गत हे अनुदानित बियाणे उपलब्ध करून दिले जात आहेत.

रब्बी हंगामाच्या दृष्टीने राज्यात विदर्भ वगळता सर्वत्र चांगला पाऊस झालेला आहे. येत्या काळात विदर्भातही परतीचा मॉन्सून झाला तर संपूर्ण राज्यातच रब्बीसाठी पोषक परिस्थिती बनू शकते. रब्बीमध्ये राज्यात हरभरा हे प्रथम क्रमांकाचे तर क्षेत्राच्या बाबतीत गहू हे दुसऱ्या क्रमांकावरील पीक आहे. हे लक्षात घेता राज्यात सर्वांत मोठे बियाणे पुरवठादार असलेल्या महाबीजने वाढीव बियाण्याचेही नियोजन केले आहे. 

यावेळी हरभरा व रब्बी ज्वारीच्या क्षेत्रात वाढीची शक्‍यता आहे. राज्यात हरभऱ्याचे १३ लाख ६५ हजार हेक्‍टर सरासरी क्षेत्र आहे. यासाठी आठ लाख १९ हजार क्विंटल बियाणे लागू शकते. मात्र शेतकरी घरगुती बियाणे अधिक वापरतो. केवळ ३५ टक्के बियाणे बदल केला जातो. त्यामुळे महाबीजने दोन लाख १५ हजार २४७ क्विंटल हरभरा बियाणे उपलब्ध करून देण्याचे निश्‍चित केले आहे. गेल्या वर्षीपेक्षा सुमारे १४ हजार क्विंटल हे बियाणे अधिक आहे.

राज्यात विविध भागात पाण्याच्या उपलब्धतेमुळे गव्हाची लागवडही वाढू शकते, हे लक्षात घेता महाबीजने एक लाख नऊ हजार क्विंटल बियाणे उपलब्ध करण्याचे नियोजन केले. गेल्या वर्षीपेक्षा जवळपास ३९ हजार क्विंटल बियाणे अधिक असेल. पश्‍चिम महाराष्ट्र, मराठवाड्यात रब्बी ज्वारी लागवडीत वाढ होणार असल्याने त्यासाठी सुमारे २२ हजार १९५ क्विंटल बियाणे महाबीज देणार आहे.

यावर्षी हरभरा बियाणे ९ हजार रुपये क्विंटल दराने मिळू शकेल. गेल्या वर्षी हाच दर दहा हजार ५०० रुपये ठेवण्यात आला होता. अनुदानावर शेतकऱ्यांना ६५ रुपये किलोने बियाणे मिळणार आहे. ३० किलो वजनाची बॅग १९५० रुपयांना मिळू शकेल.

अनुदानित बियाणे वाढीची मागणी
शेतकऱ्यांना दिल्या जाणाऱ्या १५ वर्षाआतील बियाण्याच्या वाणाला राष्ट्रीय अन्न सुरक्षा अभियानाअंतर्गत अनुदान दिले जाते. गेल्या वेळी १ लाख ५१ हजार क्विंटल बियाण्याला अनुदान दिले होते. यावर्षी वाढीव बियाणे पाहता एक लाख ७५ हजार क्विंटल बियाणे अनुदानित केले जावे, अशी मागणी महाबीजने शासनाकडे केली आहे. याला मंजुरी मिळाली तर त्याचा शेतकऱ्यांना थेट फायदा होऊ शकेल. 

 राज्यातील रब्बी सरासरी क्षेत्र (हेक्टरमध्ये)

  • हरभरा ः १३,६५,०००
  • गहू ः ९,६७,०००
  • ज्वारी ः ३,१६,०००
  • करडई ः १,२४,०००

 महाबीजचे बियाणे नियोजन (क्विंटलमध्ये)

  •  हरभरा ः २,१५,२४७ 
  •  गहू ः १,०९,०००
  •  ज्वारी ः २२,१९५
  •  करडई ः ५३०

 बियाण्याचा प्रतिक्विंटल भाव (रुपये)

  • हरभरा ः ९०००
  •  गहू ः ३२००
  •  ज्वारी ः ५७००
  •  करडई ः ७२००

 


इतर अॅग्रो विशेष
मॉन्सूनने मुक्काम हलविला; राजस्थानातून...पुणे : पश्चिम राजस्थानात २५ जूनच्या दरम्यान दाखल...
कृषी विधेयकांवर राष्ट्रपतींची स्वाक्षरीनवी दिल्ली : संसदेने मंजूर केलेल्या तिन्ही कृषी...
कृषी विधेयकांत शेतकऱ्यांचाच फायदा : मन...नवी दिल्लीः ‘मन की बात’ या मासिक रेडिओ...
कोकण कृषी विद्यापीठ कारळा पिकाच्या...दापोली, जि.रत्नागिरी  : कमी मेहनत, कमी...
खावटी अनुदान योजनेच्या नावाखाली...मुंबई: राज्य सरकारने जाहीर केलेली खावटी अनुदान...
मुंबईतील व्यापारी, कामगारांमध्ये कृषी...मुंबई: केंद्र शासनाच्या तीन कृषी विधेयकांचे पडसाद...
कृषी पर्यटनामध्ये रानभाज्यांना महत्त्वसिंधुदुर्ग: राना-वनात, जंगलामध्ये असलेल्या...
इथेनॉलकडे साखर वळविणारकोल्हापूर: येत्या हंगामात जादा ऊस गाळपाच्या...
मॉन्सूनचा परतीचा प्रवास आजपासून पुणे ः उत्तर भारतात लवकरच दाखल झालेल्या मॉन्सूनचा...
मराठवाडा, विदर्भात उद्या पावसाचा अंदाज पुणे ः परतीच्या पावसासाठी काही कालावधी बाकी आहे....
अभूतपूर्व साखर साठ्याचे संकट पुणे: राज्यात ७२ लाख टन साखर शिल्लक असताना येत्या...
श्री स्वामी समर्थ शेतकरी कंपनीप्रमाणे...पुणे ः आठवडे बाजारात थेट विक्रीच्या माध्यमातून...
ऊस गाळप यंदा वाढणार कोल्हापूर: गेल्या वर्षी महापूर व अवर्षणामुळे...
चिकन, अंड्यांची मागणी वाढली, दरात...नगर ः कोरोना व्हायरस संसर्गाच्या पार्श्वभूमीवर...
ऊस तोडणी कामगारांच्या मागण्यांबाबत साखर...पुणे: राज्यातील ऊस तोडणी व वाहतूक कामगारांच्या...
शेतकऱ्यांच्या बांधापर्यंत जाणार लालपरी सोलापूर : एक लाखांहून अधिक कर्मचारी, साडेसतरा...
राज्यात सर्वदूर हलक्या पावासाची शक्यतापुणे ः राज्यातील अनेक भागांत कमी अधिक स्वरूपात...
मध्य महाराष्ट्र, मराठवाड्यात पाऊस पुणे ः उत्तर भारतात परतीच्या पावसासाठी पोषक...
सरकार शेतकऱ्यांच्या पाठीशी : कृषिमंत्री...कन्नड, जि. औरंगाबाद: अतिवृष्टीमुळे झालेल्या पीक...
तीनशे टन हळद बांगलादेशाला निर्यात नांदेड : शेतीमालास अधिकचा दर मिळावा, यासाठी...