agriculture news in marathi, agrowon, onion producer get cheated by company | Agrowon

कांदा बीजोत्पादकांची कंपनीकडून फसवणूक
गोपाल हागे
मंगळवार, 19 सप्टेंबर 2017

आम्ही घाम गाळून कांदा बियाणे पिकवले. मात्र आता करार करणाऱ्यांनी भाव देताना हात आखडता घेतला आहे. शासनाने न्याय द्यावा.
- संतोष कडूजी खडसे, कांदा बीजोत्पादक, शेलू खडसे, ता. रिसोड, जि. वाशीम.

अकोला ः कांदा उत्पादक शेतकरी गेले काही वर्षे सातत्याने अडचणींना सामोरे जात असताना, आता कांदा बीजोत्पादक संकटात आले आहे. कंपन्यांकडून बीजोत्पादक शेतकऱ्यांची फसवणूक झाल्याचा प्रकार रिसोड तालुक्‍यात पुढे आला आहे.

पेरणीच्या आधी कंपन्यांनी ३५ ते ४० हजार रुपये क्विंटलने करार केला होता, मात्र बहुतांश शेतकऱ्यांना अवघा १३ हजार रुपयांचा दर दिला असून, त्याचे धनादेश देण्यात आले. विशेष म्हणजे हे धनादेश कुणाला ऑक्‍टोबर तर कुणाला नोव्हेंबर महिन्यातील तारखांचे वितरित केले आहेत. हा प्रकार पाहून शेतकरी धास्तावले असून, न्यायाची मागणी करीत आहेत.

याबाबत मिळालेल्या माहितीनुसार रिसोड तालुक्‍यातील शेलू खडसे, मोरगव्हाण, मोप, लोणी बुद्रुक, लोणी खुर्द आदी गावांमध्ये कांदा बीजोत्पादन मोठ्या प्रमाणात घेणारे शेतकरी आहेत. गेल्या हंगामात या गावातील असंख्य शेतकऱ्यांनी विविध कंपन्यांसाठी कांदा बीजोत्पादन घेतले.

शेतकऱ्यांनी दिलेल्या माहितीनुसार कंपन्यांमार्फत मध्यस्थांनी कांदा बियाण्याचे करार केले. ३५ ते ४० हजार रुपये क्विंटलचा दर मिळेल असे सांगण्यात आले. करार करताना शेतकऱ्यांकडून कोरे चेक, स्टॅंप व सातबारा अशी कागदपत्रे घेतली गेली. शेतकऱ्यांच्या स्वाक्षऱ्या घेऊन ही कागदपत्रे संबंधित व्यक्तींनी त्यांच्याकडेच जमा ठेवली.

करारानुसार शेतकरी बीजोत्पादन घेण्याच्या कामाला लागले. कंपन्यांनी १६०० रुपये क्विंटल दराने कांदा शेतकऱ्यांना पुरविला. एकरी १५ क्विंटलपर्यंत कांदा पेरणीसाठी दिला गेला. याचे नगदी पैसे शेतकऱ्यांनी दिले. त्यानंतर शेतकऱ्यांनी नोव्हेंबरमध्ये कांदा लागवड केली. मशागत केली व योग्य व्यवस्थापन करून बीजोत्पादन केले.

बियाणे तयार झाल्यानंतर संबंधितांनी ते नेले. परंतु काही दिवसांपूर्वी जेव्हा चुकाऱ्याचे धनादेश हातात पडले; तेव्हा शेतकरी चक्रावून गेले. करार ३५ ते ४० हजार रुपये क्विंटलचा झालेला असताना चुकारे मात्र १३ हजार रुपयांपर्यंत केले जात आहेत. शिवाय हे धनादेश पोस्ट डेटेट दिले आहेत. भविष्यात ते वटताना अडचण झाली तर करायचे काय, अशी भीतीसुद्धा शेतकऱ्यांनी व्यक्त केली.

शेतकऱ्यांना लागवडीपासून काढणीपर्यंत ३५ ते ४० हजारांपर्यंत खर्च लागलेला आहे. त्यानंतर कुणाला एकरी दोनपासून चार क्विंटलपर्यंत बियाणे झाले. आता मिळत असलेल्या दराने हिशेब केला तर खर्चसुद्धा निघायला तयार नाही. ही चिंता अधिक भेडसावत आहे. आपली मोठी फसगत झाल्याचे शेतकरी बोलू लागले आहेत.

विविध कारणे देत टाळाटाळ
बियाणे घेताना आता त्याची उगवणक्षमता, तसेच सध्याचे बाजारभाव अशी कारणे सांगितली जात आहेत. तुमच्या बियाण्याची उगवणक्षमता किती येते त्यावर चुकारे केले जातील, असेही शेतकऱ्यांना सांगितले जात आहे. एकूणच या दडपशाहीने शेतकरी पुरते धास्तावले आहेत.

 

इतर अॅग्रो विशेष
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...
राज्यात बहुतांंश भागांत तापमान २०...पुणे : राज्यात दोन दिवसांपासून किमान तापमान कमी...
पावसाचा सोयाबीन उत्पादकांना २२ हजार...पुणे : राज्यातील खरिपात दुसरे महत्त्वाचे पीक...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
जन्मभूमी रामलल्लाचीच; 'अयोध्या' प्रकरणी...नवी दिल्ली : भारतवर्षाचा राजकीय भूगोल बदलून...
मराठवाड्यातील उपयुक्‍त पाणीसाठा ७१ टक्‍...औरंगाबाद  : संपूर्ण मराठवाड्यात ऑक्‍टोबर...
कांदा साठवणुकीच्या संदर्भात प्रशासन...नाशिक : कांदा दर नियंत्रणासाठी निर्यातबंदी नंतर...
हळद पावडर उद्योगात तयार केली ओळखसांगलीची बाजारपेठ हळकुंड आणि हळद पावडरीसाठी देश-...
शेतीपूरक व्यवसायासाठी मिळणार अनुदानपुणे ः शहरी व ग्रामीण क्षेत्रातील सुशिक्षित युवक-...
शेती, शिक्षण अन ग्रामविकासामध्ये...समानता, स्वातंत्र्य आणि सहानुभूतीमुळेच व्यक्तीचा...
चक्रीवादळे, मुसळधारेने ‘भाता’चे कंबरडे...रत्नागिरी : राज्यातील आठ विभागांपैकी पाच विभागांत...
‘बुलबुल’ चक्रीवादळामुळे पूर्व, ईशान्य...पुणे: बंगालच्या उपसागरातील ‘बुलबुल’ अतितीव्र...
अतिपावसामुळे लाल कांद्याचे आगार धोक्यातनाशिक : राज्यातील कांदा उत्पादनाचे मुख्य आगार...
राज्यात थंडीची चाहूलपुणे : राज्यातील किमान तापमान कमी होऊ लागल्याने...
वेबसाइटवरून विमा पावत्या ‘डिलीट’ !पुणे : राज्यातील शेतकऱ्यांची पावसामुळे अतोनात...
रब्बी पेरा ७० लाख हेक्टरवर जाणारः सुहास...पुणे: राज्यात यंदा रब्बीचा पेरा ७० लाख हेक्टरवर...
राज्यातील शेतकऱ्यांना सुखी, समाधानी ठेव...पंढरपूर, जि. सोलापूर: दुष्काळ आणि...