agriculture news in Marathi, agrowon, Paricharak Suspension issue, Vidhansabha adjourned | Agrowon

परिचारक निलंबन अन् मुंडेंच्या कथित ध्वनिफितीवरून गोंधळ
टीम अॅग्रोवन
मंगळवार, 6 मार्च 2018

मुंबई : भाजप पुरस्कृत आमदार प्रशांत परिचारक यांचे मागे घेतलेले निलंबन आणि विरोधी पक्षनेते धनंजय मुंडे यांच्या कथित ध्वनिफीत प्रकरणावरून विधानसभा आणि विधान परिषद या दोन्ही सभागृहांचे कामकाज सोमवारी (ता. ५) दिवसभरासाठी तहकूब करण्यात आले. 

त्याआधी प्रशांत परिचारक यांच्या निलंबनाच्या मागणीवर शिवसेना सदस्यांनी आक्रमकपणे विधानभवनाच्या पायऱ्यांवर घोषणाबाजी केली होती. त्यामुळे कामकाज वादळी होणाची चिन्हे दिसत होती. विधानसभेत सोमवारी सहाव्या दिवशी कामकाजाला सुरवात होताच शिवसेनेच्या सदस्यांनी वेलमध्ये उतरत घोषणा देण्यास सुरवात केली.

मुंबई : भाजप पुरस्कृत आमदार प्रशांत परिचारक यांचे मागे घेतलेले निलंबन आणि विरोधी पक्षनेते धनंजय मुंडे यांच्या कथित ध्वनिफीत प्रकरणावरून विधानसभा आणि विधान परिषद या दोन्ही सभागृहांचे कामकाज सोमवारी (ता. ५) दिवसभरासाठी तहकूब करण्यात आले. 

त्याआधी प्रशांत परिचारक यांच्या निलंबनाच्या मागणीवर शिवसेना सदस्यांनी आक्रमकपणे विधानभवनाच्या पायऱ्यांवर घोषणाबाजी केली होती. त्यामुळे कामकाज वादळी होणाची चिन्हे दिसत होती. विधानसभेत सोमवारी सहाव्या दिवशी कामकाजाला सुरवात होताच शिवसेनेच्या सदस्यांनी वेलमध्ये उतरत घोषणा देण्यास सुरवात केली.

या वेळी प्रशांत परिचारक यांच्या निषेधाचा फलक शिवसेनेच्या आमदारांनी विधानसभेत फडकावला. सत्ताधारीच वेलमध्ये उतरल्याने अध्यक्षांनी कामकाज पंधरा मिनिटांसाठी तहकूब केले. त्यानंतर पुन्हा कामकाज सुरू होताच शिवसेना सदस्यांनी परिचारकांचे निलंबन करा, जय जवान जय किसान, भाजप सरकार हाय हाय अशा घोषणा दिल्या. 

या वेळी शिवसेना सदस्यांच्या मागणीला पाठिंबा देत विरोधी पक्षनेते राधाकृष्ण विखे पाटील म्हणाले, "आमदार परिचारकांचे निलंबन रद्द करण्याचा विषय महत्त्वाचा आहे. परिचारकांनी सैनिकांचा अवमान करत देशद्रोहाचा गुन्हा केला आहे. त्यामुळे आमची मागणी आहे की परिचारकांचे कायमस्वरूपी निलंबन करा.

परिचारकांनी सैनिकांचा अवमान केला असल्याने अनेक माजी सैनिकांनी आमच्याकडे तीव्र भावना व्यक्त केल्या आहेत. त्यांच्यावरील निलंबनाची कारवाई मागे घेणे हे सभागृहाचा अवमान असल्याचे विखे पाटील म्हणाले. 

निवेदन करताना चंद्रकांत पाटील म्हणाले, प्रशांत परिचारक यांच्या निलंबनाबाबत एकमताने वरच्या सभागृहात ठराव मंजूर झाला आहे. त्यासाठी उच्चस्तरीय समिती गठित करण्यात आली होती. त्या समितीत धनंजय मुंडे, नीलम गोऱ्हे आणि त्या वेळी काँग्रेसकडून असलेले नारायण राणे होते. त्या समितीने निलंबन रद्द करण्याचा एकमताने ठराव घेतला आहे.

या समितीच्या शिफारशीवरून निलबंन रद्द करण्याचा ठराव मांडण्यात आला होता. समितीने जो निर्णय दिला, त्यात राष्ट्रवादीचे धनंजय मुंडे आहेत. त्या वेळी काँग्रेसचे सदस्य असलेले राणेही आहेत, तर शिवसेनेच्या नीलमताईही आहेत. मात्र, परिचारकांच्या निलंबनाच्या मुद्द्यावरून गोंधळ वाढल्याने विधानसभेचे कामकाज पुन्हा तहकूब करण्यात आले. 

तिकडे विधान परिषदेतही शिवसेनेचे अनिल परब यांनी प्रशांत परिचारकांच्या निलंबनाची मागणी केली. या मुद्द्यावर दोन्ही सभागृहांत गोंधळ सुरूच राहिल्याने दोन्हीकडील कामकाज दिवसभरासाठी तहकूब करण्यात आले. 

इतर ताज्या घडामोडी
नगर जिल्ह्यातील ४३ हेक्टर जमीन गेली...नगर  ः जिल्ह्यात पंधरा दिवसांपूर्वी गोदावरी...
पूरबाधित क्षेत्रातील उसाचे व्यवस्थापन पुराच्या पाण्याचा कालावधी, पाण्याचा गढूळपणा आणि...
संत्रा फळपिकावरील तपकिरी कुज व्यवस्थापन लिंबू वर्गीय फळझाडास वर्षातून तीनदा बहार येतो....
नत्राच्या दुहेरी समस्यांवर मात...जागतिक पातळीवर नत्राचे प्रदूषण आणि शेतीसाठी...
डाळिंबाच्या मार्केटिंग, प्रक्रिया...सोलापूर  : ‘‘जिल्ह्यात उत्पादन होणारे डाळिंब...
जळगाव जिल्हा सहकारी दूध संघाला तीन...जळगाव  ः जळगाव जिल्हा सहकारी दूध उत्पादक...
औरंगाबाद जिल्ह्यात पावसाअभावी टोमॅटोचे...औरंगाबाद :  जिल्ह्यातील टोमॅटोचे आगार...
अकोला जिल्ह्यातील पाच पशुवैद्यक दवाखाने...अकोला  ः जिल्हा परिषदेअंतर्गत चालविल्या...
सिंधुदुर्ग जिल्ह्यातील २३ धरणे भरलीसिंधुदुर्ग : मुसळधार पावसामुळे जिल्ह्यातील २३...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील अनेक...
दसरा, दिवाळीसाठी चांदवड तालुक्यात...नाशिक  : चांदवड तालुक्यातील शेतकरी दसरा,...
नगर जिल्ह्यातील वाहून गेलेल्या...नगर : पुराच्या पाण्याने वाहून गेलेल्या जमिनीचे...
सिंधुदुर्ग जिल्ह्यात अतिवृष्टीमुळे...सिंधुदुर्ग   ः अतिवृष्टीचा भाजीपाला...
महापुराच्या स्थितीतही ‘त्यांनी’ तीन...नवेखेड, जि. सांगली  : मसुचिवाडी (ता....
वसंतराव नाईक यांनी आधुनिक तंत्रज्ञान...पुसद, जि. यवतमाळ   ः देशातील...
सरकारला खरीप, रब्बीतील फरक कळत नाही :...पैठण, जि. औरंगाबाद  : राज्यातील शेतकऱ्यांची...
पूरग्रस्त भागातील घरांच्या दुरुस्तीसाठी...मुंबई  : पूरग्रस्त ग्रामीण भागातील वाहून...
पीक नुकसानभरपाई नको; संपूर्ण कर्जमाफीच...कऱ्हाड, जि. सातारा   ः महापुराने हुती...
नगर जिल्ह्यात ४०५ टॅंकरद्वारे पाणीपुरवठानगर  ः जिल्ह्यात बहुतांश ठिकाणी पावसाने...
उत्तर भारतात अतिदक्षतेचा इशारा; नद्या...नवी दिल्ली : दक्षिण भारतानंतर आता उत्तर भारतही...