agriculture news in marathi, agrowon, rain in varhad, maharashtra | Agrowon

बुलडाणा जिल्ह्यात पावसाचा जोर कायम

गोपाल हागे
शनिवार, 16 सप्टेंबर 2017

अकोला : वऱ्हाडात पावसाळी वातावरण असून, अधून-मधून पाऊस हजेरी लावत आहे. शुक्रवारी सकाळपर्यंतच्या २४ तासांत प्रामुख्याने बुलडाणा जिल्ह्यात पावसाचा जोर अधिक होता. मेहकर, मलकापूर, सिंदखेडराजा, शेगाव, बुलडाणा, मोताळा या तालुक्‍यांमध्ये काही सर्कलमध्ये पावसाने दमदार हजेरी लावली. गुरुवारी (ता. १४) दुपारी बुलडाणा तालुक्‍यातून वाहणाऱ्या पैनगंगा नदीला पूर आल्याने काही काळ बुलडाणा-अजिंठा मार्गावरील वाहतूक ठप्प झाली होती. 

अकोला : वऱ्हाडात पावसाळी वातावरण असून, अधून-मधून पाऊस हजेरी लावत आहे. शुक्रवारी सकाळपर्यंतच्या २४ तासांत प्रामुख्याने बुलडाणा जिल्ह्यात पावसाचा जोर अधिक होता. मेहकर, मलकापूर, सिंदखेडराजा, शेगाव, बुलडाणा, मोताळा या तालुक्‍यांमध्ये काही सर्कलमध्ये पावसाने दमदार हजेरी लावली. गुरुवारी (ता. १४) दुपारी बुलडाणा तालुक्‍यातून वाहणाऱ्या पैनगंगा नदीला पूर आल्याने काही काळ बुलडाणा-अजिंठा मार्गावरील वाहतूक ठप्प झाली होती. 

दिवसभर हा पाऊस अधून-मधून येत होता. रात्रीसुद्धा पावसाची रिपरिप सुरू होती. शुक्रवारी (ता. १५) सकाळपासून सर्वत्र ढगाळ वातावरण होते. काही ठिकाणी पावसाच्या सरी हजेरी लावीत होत्या. बुलडाणा जिल्ह्यात हा पाऊस बऱ्यापैकी होत असताना, वाशीममध्ये जोर काहीसा कमी आहे. अकोला जिल्ह्यातील अकोट, बार्शीटाकळी, तेल्हारा या तालुक्‍यांमध्ये गेल्या २४ तासांत अत्यल्प पाऊस पडला आहे.

गुरुवारी बुलडाणा जिल्ह्यात वीज पडण्याच्या चार घटना घडल्या. यात दोन घटनांमध्ये तिघांचा मृत्यू झाला. शेगाव तालुक्‍यातील जानोरी शिवारात जगन्नाथ ढोले यांच्या शेतात निंदण सुरू असताना पाऊस आला. यामुळे मजूर महिला कडुलिंबाच्या झाडाखाली उभ्या होत्या. याच झाडावर वीज पडल्याने मीरा जगन्नाथ ढोले (वय २१) व रेखा लक्ष्मण वानखडे (वय ३७) या दोघी घटनास्थळीच ठार झाल्या. कांताबाई जगन्नाथ ढोले, वंदना संतोष वानखडे या जखमी झाल्या. या शिवारापासून काही अंतरावर त्र्यंबक निंबोळकर यांच्या शेतात वीज पडली. या घटनेत रंजना आत्माराम डांगे व कमल समाधान निंबोळकर या महिला जखमी झाल्या.  मोताळा तालुक्‍यातील गुगळी शिवारात दुपारी वीज पडून विशाल भागवत कानडजे (वय २२, रा. रिधोरा खंडोपंत) याचा मृत्यू झाला. विशाल हा गुरे चारण्यासाठी गेला असता वीज पडली. त्यात त्याचा मृत्यू झाला. वीज पडण्याची दुसरी घटना तालुक्‍यातील लिहा शिवारात घडली. यात सविता ढेकळे (वय २२), वंदना ढेकळे (वय २९) या महिला जखमी झाल्या आहेत.

तालुकानिहाय पाऊस (मिमी) ः जळगाव जामोद २.४, संग्रामपूर १४.८, चिखली ६.९, बुलडाणा २५.१, देऊळगावराजा ३.२, मेहकर २५.८, सिंदखेडराजा १३.५, लोणार १५,  खामगाव ३.५, शेगाव २६,  मलकापूर ४२, मोताळा २१.३,  नांदुरा २०.८,  बाळापूर ६.५, पातूर २९, अकोला २०.२, वाशीम ९.८,  रिसोड ८.९, मालेगाव ४.१, मानोरा ८, कारंजा ४. सर्कलनिहाय ४० मिमीपेक्षा अधिक पडलेला पाऊस ः कवठळ ४०, उंद्री ४२.२, बुलडाणा ५३, मेहकर ४४, शेलगाव ४८, लोणी ५३, अंजनी ५०, दुसरबीड ६५, शेगाव ४१, मनसगाव ४४, दाताळा ४९, नरवेल ५१, जांभूळधाबा ६५, पिंपरी ५०, महाळुंगी ४४, आलेगाव ४५, कापशी ७३,  बोरगाव ५८, शिवणी ५९. 


इतर ताज्या घडामोडी
नांदेड, परभणी, हिंगोली जिल्ह्यात पाऊस नांदेड : नांदेड, परभणी, हिंगोली जिल्ह्यातील ११८...
मराठवाड्याच्या पाणी प्रश्नावर सर्वांनी...औरंगाबाद : ‘‘मराठवाड्यासाठी वॉटर ग्रीड अत्यंत...
कोरोनाच्या संकटात कृषी, पणन खाते अपयशी...नाशिक : ‘‘कोरोनाच्या अडचणीच्या काळात शेतकऱ्यांचा...
परभणी जिल्ह्यात पीककर्जासाठी पेरणीच्या...परभणी : जिल्ह्यातील अनेक गावातील तलाठी पीककर्ज...
नगर जिल्ह्यात एकशे तीन टॅंकरने...नगर : उन्हाची तीव्रता दिवसेंदिवस वाढू लागल्याने...
टोकन प्रक्रियेत गैरप्रकार केल्यास...परभणी : ‘‘बाजार समित्यांमार्फत टोकन देण्याच्या...
हिंगोलीत १७ हजारावर शेतकऱ्यांच्या १८...हिंगोली : चालू खरेदी हंगामात जिल्ह्यात...
पुणे जिल्ह्यात पूर्वमोसमी पावसाच्या...पुणे ः जिल्ह्यात रविवारी (ता. ३१) सायंकाळी जोरदार...
मराठवाड्यातील ३६६ मंडळांत पूर्व मोसमी...औरंगाबाद  : मराठवाड्यातील आठही जिल्ह्यातील...
सातारा जिल्ह्यात पावसाची हजेरीसातारा ः जिल्ह्यात रविवारी पूर्वमोसमी पावसाने...
‘पंदेकृवि’तर्फे उद्या खरीपपूर्व कृषी...अकोला ः डॉ. पंजाबराव देशमुख कृषी विद्यापीठाच्या...
नगरमधील दहा तालुक्यांत जोरदार पाऊसनगर ः नगर जिल्ह्यात रविवारी (ता. ३१) दहा...
मराठवाड्यात बियाणे, खते खरेदीस वेग औरंगाबाद : मराठवाड्यातील सोयगाव, देगलूर, बिलोली,...
नाशिक जिल्ह्याच्या पूर्व भागात...नाशिक : जिल्ह्याच्या पूर्व भागात नांदगाव...
नाफेड केंद्रावर तूर विकण्याचा...अमरावती ः शेतकऱ्याच्या नावावर नोंदणी करुन हमीभाव...
हमीभावाने तूर-हरभरा खरेदीस मुदतवाढअमरावती ः लॉकडाउनमुळे हमीभावाने तूर व हरभरा...
सिंधुदुर्गात पावसाची दमदार हजेरीसिंधुदुर्ग ः सिंधुदुर्गात माॅन्सूनपूर्व पावसाने...
कोल्हापुरातील बहुतांश तालुक्यांना...कोल्हापूर : मॉन्सूनपूर्व पावसाने रविवारी (ता. ३१...
सोलापुरातील चार मध्यम प्रकल्पांमध्ये...सोलापूर ः लाभक्षेत्र विकास प्राधिकरणाकडे असलेल्या...
टेंभू योजनेतून आटपाडी तालुक्यातील पंधरा...आटपाडी, जि. सांगली ः टेंभू योजनेच्या पाण्यातून...