agriculture news in Marathi, agrowon, Rainfall with storm in Marathwada | Page 2 ||| Agrowon

मराठवाड्यात वादळासह पावसाचा पुन्हा तडाखा

टीम अॅग्रोवन
मंगळवार, 17 एप्रिल 2018

औरंगाबाद : मराठवाड्यातील लातूर, उस्मानाबाद जिल्ह्यांत रविवारी (ता. १५) वादळी वाऱ्यासह झालेल्या पावसाने नुकसान झाले. काही ठिकाणी वादळामुळे घरांवरील पत्रे उडाले. काही ठिकाणी झाडे आणि विजेचे खांब पडल्याने नुकसान झाले. औरंगाबाद आणि जालना जिल्ह्यांतही काही ठिकाणी हलका आणि मध्यम पाऊस झाला. 

औरंगाबाद : मराठवाड्यातील लातूर, उस्मानाबाद जिल्ह्यांत रविवारी (ता. १५) वादळी वाऱ्यासह झालेल्या पावसाने नुकसान झाले. काही ठिकाणी वादळामुळे घरांवरील पत्रे उडाले. काही ठिकाणी झाडे आणि विजेचे खांब पडल्याने नुकसान झाले. औरंगाबाद आणि जालना जिल्ह्यांतही काही ठिकाणी हलका आणि मध्यम पाऊस झाला. 

उस्मानाबाद जिल्ह्यातील उमरगा तालुक्‍यात चार ठिकाणी वीज कोसळली. त्यामध्ये पाच बैल आणि दोन म्हशी दगावल्या. यामध्ये चिंचोली जहांगीर येथे दोन ठिकाणी वीज पडून तीन बैलांचा मृत्यू झाला. बेगडा येथे एका ठिकाणी वीज कोसळून एक बैल तर बेळंब येथेही एका ठिकाणी वीज कोसळून एका बैलाचा मृत्यू झाल्याची माहिती सूत्रांनी दिली. 

उमरगा तालुक्‍यात १५ गावांत अवकाळी पाऊस झाला.  तुळजापूर तालुक्‍यातील अपसिंगा  येथे वादळी वाऱ्यामुळे अनेकांच्या घरावरील टिनपत्रे उडून घरांचे नुकसान झाले. शनिवारी (ता. १४) रात्रीही अपसिंगासह बोरी, कात्री, कामठा, मोर्डा या गावांना वादळाचा फटका बसला होता. काही ठिकाणी झाडे घरांवर पडली, कुठे विजेचे खांब पडले. या वादळात सहाजण जखमी झाले. लातूरमधील सारोळा (ता. औसा) येथे अवकाळी पावसामुळे रियाज शेख यांच्या दोनशे कोंबड्या दगावल्या, शिवाय अर्धा एकर आंबा बागेचेही प्रचंड नुकसान झाले. लातूर जिल्ह्यातील हणमंतवाडी, चिंचोली, चनाची वाडी, चांदोरी येथे वीज पडून प्रत्येकी एक प्रमाणे चार जनावरे दगावली. 

जालना जिल्ह्यात घनसावंगी तालुक्‍यात जांब समर्थ परिसरात रात्री साडेसात ते आठ वाजेदरम्यान अर्धा तास जोरदार पाऊस झाला. या पावसासह आलेल्या जोऱ्याच्या वाऱ्यामुळे आंब्याचे नुकसान झाले. काढलेला कांदा भिजला, तर इतरही काही काढणीला आलेल्या पिकांना पावसाचा फटका बसला. सोमवारीही (ता. १६) अनेक भागांत ढगाळ वातावरण व ऊन-सावलीचा खेळ दुपारी तीनपर्यंत सुरू होता. 

नांदेड, परभणी, हिंगोलीत नुकसान
नांदेड, परभणी, हिंगोली जिल्ह्यात रविवारी (ता.१५) सायंकाळी साडेपाचच्या सुमारास अनेक तालुक्‍यात वादळी वारे, मेघगर्जनेसह, गारांचा पाऊस झाला. यामुळे शेकडो एकरवरील केळी, आंबा आदी फळबागांसह काढणी केलेल्या हळदीचे भिजून नुकसान झाले. वीज कोसळून जनावरे दगावली.

रविवारी सायंकाळी साडेपाचच्या सुमारास नांदेड जिल्ह्यातील नांदेड, अर्धापूर, हदगाव, माहूर, लोहा, कंधार, नायगांव आदी तालुक्‍यातील अनेक गावांत वादळी वाऱ्यासह पाऊस झाला. हदगाव तालुक्‍यातील काही गावशिवारात गारपीट झाली. हिंगोली जिल्ह्यातील कळमनुरी, हिंगोली, वसमत, सेनगाव तालुक्‍यात वादळी वाऱ्यासह पावसामुळे फळबागांचे नुकसान झाले.

परभणी, पूर्णा तालुक्‍यातील, कात्नेश्वर, माटेगाव, लक्ष्मीनगर, कौडगाव, माखणी परिसरातील अनेक गावशिवारात विजांच्या कडकडात झालेल्या पावसाने केळी, आंबा, मोसंबी, संत्रा बागांचे मोठे नुकसान झाले.

पूर्णा तालुक्‍यातील माखणी शिवारातील जनार्दन आवरगंड, सुदाम दुधाटे यांच्या आंबा, केळी बागांचे नुकसान झाले. वीज कोसळून धानोरा काळे येथील शिवाजी काळे यांचा बैल, तर आहेरवाडी येथील सुनील खंदारे यांची गाय दगावली. 


इतर बातम्या
आघाडीने चारली भाजपला धूळपुणे ः महाविकास आघाडी म्हणून एकत्रित लढलेल्या...
रत्नागिरीत जमिनीमध्ये नत्र, स्फुरदचे...रत्नागिरी ः जिल्ह्यातील जांभ्या जमिनीत नत्रासह...
जमीन आरोग्याविषयी २५०० गावांमध्ये आज...पुणे ः जागतिक मृदा दिनानिमित्त जमीन आरोग्य...
संत्र्याची शेतातच लिलावाने विक्री;...परभणी ः जिल्ह्यातील ढेंगळी पिंपळगाव (ता. सेलू)...
नांदेडमध्ये ३४ लाखांचा शेतीमाल घेऊन...नांदेड : शेतीमालाला बाजारात जास्तीचा भाव देतो असे...
राज्यातील मातीत गंधक, जस्त, लोह,...अकोला ः हरितक्रांतीनंतर जास्त उत्पादन देणाऱ्या...
जमीन सुपीकता निर्देशांक आता एका क्लिकवरपुणे ः शेतकऱ्यांना सोप्या भाषेत समजेल अशी...
शेतकऱ्याची व्याख्या, वर्गीकरणाची गरज ः...पुणे ः शेतकऱ्यांच्या नावाखाली अनेक धनदांडगे...
टॉवरचा भुलभुलैया, लाखोंचा गंडाकऱ्हाड ः शेतात टॉवर बसवण्यासाठी संपर्क करा, अशा...
आज पुन्हा चर्चा; मंगळवारी भारत बंदनवी दिल्ली ः केंद्राचे तीनही कृषी कायदे...
बुरेवी चक्रीवादळ निवळू लागले; थंडी...पुणे ः बुरेवी चक्रीवादळ तमिळनाडू व आंध्र...
रत्नागिरी, संगमेश्‍वरसाठी भात खरेदी सुरूरत्नागिरी  : रत्नागिरी व संगमेश्‍वर...
चक्रीवादळांचा तडाखा यंदा वाढलापुणे : चक्रीवादळ निर्मिती नैसर्गिक असली, तरी...
खानदेशात यात्रांअभावी अनेकांवर...सोनगीर, जि. धुळे  : खानदेशात पावसाळा वगळता...
नाशिक जिल्ह्यात रब्बीच्या पेरणीसाठी...गिरणारे, जि. नाशिक : खरीप हंगामातील भात, भुईमूग,...
खांबाळे, पडवणे येथील आंबा, काजूची ६००...सिंधुदुर्ग ः जिल्ह्यातील खांबाळे (ता....
बोडखा येथे ‘स्वाभिमानी’चे झाडावर...बुलडाणा : केंद्र सरकारने पारित केलेले शेतकरी...
औरंगाबादमध्ये केंद्राच्या कृषी...औरंगाबाद : केंद्र सरकारने पारित केलेले तीन कृषी...
खानदेशात सव्वा लाख हेक्टरवर पेरणीजळगाव : खानदेशात मक्याची लागवड सुरूच आहे. रब्बी...
परभणी जिल्ह्यात कापूस विक्रीच्या...परभणी : ‘‘राज्य सहकारी कापूस उत्पादक पणन...