agriculture news in marathi, Agrowon, in sangli Name of village does not found for loan waiver | Agrowon

सांगलीत कर्जमाफीसाठीच्या संकेतस्थळावरून गावे गायब

अभिजित डाके
बुधवार, 13 सप्टेंबर 2017

सांगली : कर्जमाफीचे अर्ज भरण्यासाठी केवळ तीन दिवस शिल्लक आहेत. त्यामुळे शेतकरी अर्ज भरण्यासाठी गडबड करत आहेत. मात्र, कर्जमाफीच्या संकेतस्थळावर अनेक गावेच दिसत नसल्याने शेतकऱ्यांमधून तीव्र संताप व्यक्त होत आहे.

अजूनही शासनाने याकडे गांभीर्याने पाहिले नसल्याची चर्चा शेतकऱ्यांमधून होत आहे. यामुळे अनेक शेतकरी कर्जमाफीपासून वंचित राहण्याची शक्यता निर्माण झाली आहे.
दुसरीकडे शासनाकडून सर्व काही सुस्थितीत सुरू असल्याचा दावा करण्यात येत आहे; तर गावे समाविष्ट करा, अशी मागणी करूनही कोणतीही कार्यवाही केली नसल्याची चर्चा शेतकऱ्यांमध्ये सुरू आहे.

सांगली : कर्जमाफीचे अर्ज भरण्यासाठी केवळ तीन दिवस शिल्लक आहेत. त्यामुळे शेतकरी अर्ज भरण्यासाठी गडबड करत आहेत. मात्र, कर्जमाफीच्या संकेतस्थळावर अनेक गावेच दिसत नसल्याने शेतकऱ्यांमधून तीव्र संताप व्यक्त होत आहे.

अजूनही शासनाने याकडे गांभीर्याने पाहिले नसल्याची चर्चा शेतकऱ्यांमधून होत आहे. यामुळे अनेक शेतकरी कर्जमाफीपासून वंचित राहण्याची शक्यता निर्माण झाली आहे.
दुसरीकडे शासनाकडून सर्व काही सुस्थितीत सुरू असल्याचा दावा करण्यात येत आहे; तर गावे समाविष्ट करा, अशी मागणी करूनही कोणतीही कार्यवाही केली नसल्याची चर्चा शेतकऱ्यांमध्ये सुरू आहे.

शासनाने कर्जमाफीचा लाभ घेण्यासाठी ऑनलाइन अर्ज भरण्याची सक्ती केली. त्यानुसार शेतकऱ्यांनी सेतू कार्यालयाच्या बाहेर रात्र-दिवस उभे राहून अर्जदेखील भरले; पण काही ठिकाणी ‘आपले सरकार’ या संकेतस्थळावर शेतकऱ्याचे गावच दिसत नाही.

ही स्थिती अगदी पहिल्या दिवसापासूनच पाहायला मिळाली. त्यामुळे शेतकऱ्यांनी संबंधितांकडे तक्रारदेखील केली. मात्र, त्याकडे कोणीही लक्ष दिले नाही. यामुळे शेतकऱ्यांमधून तीव्र संताप व्यक्त होत आहे. यपतवाडी (ता. आटपाडी) हे गावच संकेतस्थळावर आजही दिसत नाही. यामुळे  या गावातील सुमारे ३०० हून अधिक शेतकरी वंचित राहणार आहेत.

कर्जमाफीचा अर्ज भरण्यास सुरवात झाली तेव्हा सांगली जिल्ह्यातील केवळ दोनच गावे यादीतून गायब झाल्याचे समोर आले होते. त्यानंतर हळूहळू गावांची संख्या वाढत गेली. याबाबत संबंधित विभागाशी संपर्क केला असता, त्यांनी त्यावर सारवासारव केली.

दरम्यान या संकेतस्थळावर आजमितीस सांगली जिल्ह्यात जत तालुक्‍यात सुमारे १५ ते २० गावे; तर आटपाडी तालुक्‍यातील विकास सेवा सोयाटीच नसल्याचे समोर आले आहे. त्याचप्रमाणे किती सोसायटी या संकेतस्थळावरून गायब आहेत, हे सांगणे कठीण आहे.

केवळ आश्‍वासन
अनेक गावे, सोसायट्या या संकेतस्थळातून गायब आहेत. याची माहिती संबंधित विभागाला दिली. मात्र, आजअखेर ही गावे संकेतस्थळावर समाविष्ट करण्यासाठी संबंधित विभागाने कोणत्याच प्रकारची हालचाल केली नाही. कर्जमाफीचा अर्ज भरण्यासाठी अंतिम मुदत जवळ आली असून, समाविष्ट नसलेली गावे समाविष्ट केली जातील, असे केवळ आश्‍वासनच दिले गेले आहे. त्यावर कोणतीही कार्यवाही झालेली नाही. यामुळे शेतकरी यापासून वंचित राहिल्यास शासनच जबाबदार राहील, असे शेतकऱ्यांनी सांगितले.

सर्व काही सुरळीत
शासनाने ‘आपले सरकार’ या संकेतस्थळावर अर्ज भरण्यासाठी सेतू, महा-ई-सेवा केंद्र, ग्रामपंचायत कार्यालयाला प्राधान्य दिले. मात्र, हे भरत असताना येणाऱ्या अडचणींचा सामना शेतकऱ्यांना आणि ‘सेतू’चालकांना करावा लागत आहे. अनेक वेळा शेतकऱ्यांना आपले गावच या संकेतस्थळावर दिसत नसल्याच्या तक्रारीदेखील केल्या होत्या. मात्र, शासनाने त्याकडे दुर्लक्ष करून सर्व काही उत्तम चालले आहे, असा दिखावा करत असल्याची शेतकऱ्यांमध्ये चर्चा आहे.


इतर ताज्या घडामोडी
धान खरेदी प्रभावित होण्याची शक्यताभंडारा : खरीप हंगामातील धान केंद्र सुरू...
आम्ही तुमच्यासोबत: मुख्यमंत्रीसोलापूर ः सध्या पाऊस थांबला आहे, पण पुढच्या दोन...
कृषी विद्यापीठ कर्मचारी करणार वेतन...नागपूर: सातव्या वेतन आयोगाच्या अंमलबजावणीची...
राज्याने जबाबदारी झटकू नये: देवेंद्र...बारामती, जि. पुणेः पंतप्रधान नरेंद्र मोदी यांनी...
कोल्हापुरात नुकसानीचे पंचनामे वेगातकोल्हापूर : जिल्ह्यात आठवडाभर झालेल्या पावसाने...
आटपाडी तालुक्यात चार वेळा अतिवृष्टीआटपाडी, जि. सांगली : बॅंका, विकास सेवा सोसायट्या...
डहाणू तालुक्यात अनुदानित युरियाचा...मुंबई: डहाणू तालुक्यात अनुदानित युरियाचा जोरदार...
संत्रापट्ट्यासाठी अनुदानाचे निकष बदलाअमरावती : संत्राबाग कीड-रोग रोगमुक्त ठेवण्यासाठी...
अकोल्यात ज्वारीच्या कणसातून निघाले कोंबअकोला ः जिल्ह्यात यंदाच्या हंगामात असमतोल...
जळगावात खपली गहू पेरणी वाढणारजळगाव ः आरोग्यदायी, शेतकऱ्यांना चांगले दर मिळवून...
अकोट येथे उडीद पिकाची प्रतिकात्मक होळीअकोला ः पावसाने पिकांची दाणादाण उडविली आहे....
खानदेशात सोयाबीनचे अनेक शेतकऱ्यांना...जळगाव ः खानदेशात सोयाबीनची पेरणी यंदा बऱ्यापैकी...
शासन शेतकऱ्यांच्या पाठीशी खंबीरपणे उभे...नाशिक : ‘‘अवकाळी पावसामुळे शेतकऱ्यांचे...
पुणे जिल्ह्यात पावसाने वाढवली चिंतापुणे ः परतीच्या पावसाने पुन्हा जोर धरला आहे. या...
राज्य शासन खंबीरपणे शेतकऱ्यांच्या...बीड : ‘‘परतीच्या जोरदार पावसांने खरीप पिकांचे...
कर्ज काढू, पण मदत करू ः वडेट्टीवारनांदेड : ‘‘अतिवृष्टीमुळे शेतकऱ्यांचे मोठ्या...
विविध प्रकल्प उभे राहण्यासाठी शेतकरी गट...औरंगाबाद : ‘‘जिल्ह्यामध्ये पोकरा, स्मार्ट, एक...
अधिक उत्पादन देणारे एरंडी, हरभरा पिकवा...नांदेड : ‘‘शेतकऱ्यांनी अधिक उत्पादन देणारे एरंडी...
शेतकऱ्यांना जास्तीत जास्त भरपाईसाठी...सोलापूर ः ‘‘राज्य शासनाकडून जिल्ह्यातील...
नगरमध्ये कांदा आठ हजार रुपये क्विंटलनगर ः नगर जिल्ह्यात कांद्याच्या दरात तेजी कायम...