नांदेडचे माकूरवार तीन लाखांच्या दागिन्यांचे मानकरी पुणे : बारा महिने हजार समस्यांशी झुंजत कष्टाने शेती करणाऱ्या अॅग्रोवनच्या शेतकरी वाचकांसाठी आयोजिलेल्या ‘अॅग्रोवन शुभलाभ योजने’ची सोडत आज समारंभपूर्वक काढण्यात आली. राज्यभरातील वाचकांमध्ये प्रचंड उत्सुकता लागून असलेल्या या योजनेत शेतकऱ्यांनी विक्रमी सहभाग नोंदविला होता. विविध स्वरूपाच्या १४२४ बक्षिसांसाठी आलेल्या हजारो प्रवेशिकांमधून भाग्यवान शेतकऱ्यांची नावे सोडतीद्वारे काढण्यात आली. तीन लाख रुपयांचे हिऱ्याच्या दागिन्यांचे पहिले बक्षीस नांदेडचे शेतकरी साईनाथ गंगाधर माकूरवार यांना मिळाले आहे. तीन सप्टेंबर ते १४ डिसेंबर २०१७ या कालावधीत ‘अॅग्रोवन’च्या शेतकरी वाचकांसाठी ही राज्यस्तरीय स्पर्धा घेण्यात आली. पु. ना. गाडगीळ आणि सन्स, स्मार्टकेम टेक्नॉल़ॉजीज लिमिटेड, पारस इंडस्ट्रीज, रोहित स्टील, अॅग्रोस्टार, अॅन्डस्लाईट असे नामवंत प्रायोजक या स्पर्धेला लाभले. ‘अॅग्रोवन’च्या पुणे मुख्यालयात योजनेचा सोडत कार्यक्रम टाळ्यांच्या गजरात पार पडला. या वेळी व्यासपीठावर पु. ना. गाडगीळ आणि सन्सचे सीईओ अमित मोडक, स्मार्टकेम टेक्नॉलॉजीजचे उपसरव्यवस्थापक सतीश नरतम व संजय जगताप, पारस इंडस्ट्रीजचे केतन लोढा, रोहित स्टीलचे व्यवस्थापक अनुप मोदी, अॅग्रोस्टारचे सहायक व्यवस्थापक दुर्गाप्रसाद उपाध्याय, अॅन्डस्लाइट कंपनीचे महाराष्ट्र राज्य सुपर स्टॉकिस्ट प्रकाश शिंदे तसेच अॅग्रोवनचे संपादक आदिनाथ चव्हाण, सरव्यवस्थापक प्रमोद राजेभोसले, मुख्य व्यवस्थापक (वितरण) चंद्रशेखर जोशी उपस्थित होते. या योजनेतील शेतकऱ्यांसाठी पु. ना. गाडगीळ आणि सन्स यांच्यातर्फे यांनी एकूण सहा लाख रुपये किमतीच्या हिऱ्यांच्या दागिन्यांची पाच बक्षिसे ठेवली होती. श्री. मोडक यांच्या हस्ते निघालेल्या सोडतीत तीन लाख रुपयांच्या हिऱ्याच्या दागिन्यांचे पहिले बक्षीस नांदेडचे शेतकरी साईनाथ गंगाधर माकूरवार यांना मिळाले. त्यांना स्वतः श्री. मोडक यांनी सोडत सोहळ्यातूनच दूरध्वनीवरून संपर्क साधून ही गोड बातमी दिली. ‘‘यंदा पाऊस चांगला झाला आहे. अॅग्रोवनमुळे शेतीमधील ज्ञान आणि चांगली माहिती तुम्हाला मिळतेच आहे. पण आता तीन लाखाचे बक्षीस देखील तुम्हाला मिळाले आहे. अॅग्रोवनमुळे तुम्ही भाग्यवान शेतकरी ठरला आहात,’’ अशा शब्दांत श्री. मोडक यांनी शेतकरी श्री. माकूरवार यांना शुभेच्छा दिल्या. ॲग्रोवनचे संपादक आदिनाथ चव्हाण यांनी प्रास्ताविकात ॲग्रोवनच्या वाटचालीची माहिती दिली. सरव्यवस्थापक प्रमोद राजेभोसले यांनी स्पर्धेची व प्रतिसादाची माहिती दिली. सोडत कार्यक्रमाचे सूत्रसंचलन अॅग्रोवनचे वरिष्ठ व्यवस्थापक संभाजी घोरपडे यांनी केले. शुभलाभ योजनेतील प्रमुख बक्षिसांचे मानकरी
याशिवाय स्मार्टकेम टेक्नॉलॉजीजकडून प्रत्येकी पाच हजार रुपये किंमतीची रासायनिक खताची १०० बक्षिसे दिली जात आहेत. पारस इंडस्ट्रीजकडून प्रत्येकी एक हजार रुपये किमतीचे पारसची मिरॅकल उत्पादने ३२५ विजेत्यांना मिळतील. अॅग्रोस्टार कंपनीकडून ५०० विजेत्यांना प्रत्येकी एक हजार रुपयांची गिफ्ट कुपन्स मिळणार आहेत. अॅन्डस्लाईट कंपनीकडून ४७५ विजेत्यांना ८४५ रुपये किमतीची नॅनो रिचार्जेबल बॅटरी दिली जाणार आहे. या भाग्यवान विजेत्यांची नावे येत्या ५ फेब्रुवारीपासून अॅग्रोवनच्या अंकात क्रमश: प्रसिद्ध होणार आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.