डॉ. कौसडीकर, प्रभाकर चौधरी, प्रताप चिपळूणकर करणार मार्गदर्शन

डॉ. कौसडीकर, प्रभाकर चौधरी, प्रताप चिपळूणकर करणार मार्गदर्शन
डॉ. कौसडीकर, प्रभाकर चौधरी, प्रताप चिपळूणकर करणार मार्गदर्शन

जळगाव : ‘ॲग्रोवन’तर्फे बुधवारी (ता. ३०) जमीन सुपीकता या विषयावरील चर्चासत्राचे आयोजन करण्यात आले आहे. सकाळी १० ते दुपारी १.३० यादरम्यान नवीन बसस्थानकाजवळच्या कांताई सभागृहात हे चर्चासत्र होईल. यूपीएल हे या चर्चासत्राचे प्रस्तुतकर्ते असून, राईज एन शाईन बायोटेक हे सहप्रायोजक आहेत. या चर्चासत्रात महाराष्ट्र कृषी शिक्षण व संशोधन परिषदेचे संचालक डॉ. हरिहर कौसडीकर, रसायनमुक्त शेती करणारे धुळे येथील प्रभाकर भिला चौधरी व कोल्हापूर येथील प्रयोगशील शेतकरी प्रताप चिपळूणकर हे मान्यवर मार्गदर्शन करतील. जमिनीचे आरोग्य दिवसागणिक ढासळत आहे. शेती संकटात सापडली असून, या पार्श्‍वभूमीवर ॲग्रोवनने २०१८ हे जमीन सुपीकता वर्ष म्हणून जाहीर केले आहे. या संदर्भात पहिले चर्चासत्र पुणे येथे १७ एप्रिल, २०१८ रोजी आयोजित केले. त्यास शेतकऱ्यांचा प्रचंड प्रतिसाद मिळाला. अशा चर्चासत्रांची मागणी विविध भागांतून होऊ लागली. ही बाब लक्षात घेता खानदेशातील शेतकऱ्यांसाठी हे चर्चासत्र आयोजित केले आहे. खानदेशातही गिरणा, तापी, गोमाई, पांझरा आदी नद्यांमुळे शेती समृद्ध झाली आहे. परंतु जमिनीमधील घटते सेंद्रिय कर्ब, क्षारपड जमिनी असे प्रश्‍न भेडसावू लागले आहेत. या सगळ्या पार्श्‍वभूमीवर हे चर्चासत्र आयोजित केले आहे.

असे याल चर्चासत्रास ॲग्रोवन जमीन सुपीकता वर्ष २०१८  चर्चासत्र ः जपाल माती, तर पिकतील मोती  स्थळ ः कांताई सभागृह, नवीन बसस्थानकानजीक, जळगाव  दिनांक व वेळ ः बुधवार, ३० मे २०१८, सकाळी १० ते दुपारी १.३०.

वक्‍त्यांचा परिचय डॉ. हरिहर कौसडीकर डॉ. हरिहर कौसडीकर हे राज्याच्या कृषी शिक्षण व संशोधन परिषदेचे (पुणे) संचालक असून, जमिनीचे आरोग्य, पीक पोषण या विषयातील तज्ज्ञ आहेत. या विषयावर डॉ. कौसडीकर यांनी अनेक शेतकऱ्यांचे प्रबोधन केले आहे. जमिनीमधील घटते सेंद्रिय कर्ब व इतर मुद्द्यांसंबंधी त्यांचा दांडगा अभ्यास आहे.

प्रभाकर भिला चौधरी प्रभाकर भिला चौधरी हे धुळे येथील आहेत. त्यांची शेती वरखेडी (जि. धुळे) शिवारात असून, सन २००२ पासून ते रसायनमुक्त शेती करीत आहेत. १९ एकरांत कापूस, भाजीपाला, तृणधान्याचे ते सेंद्रिय पद्धतीने उत्पादन घेतात. सोबत देशी गायींचे संगोपनही ते करीत आहेत. ॲग्रोवनने सन २०१७ चा स्मार्ट शेतकरी (सेंद्रिय) पुरस्कार देऊन त्यांचा गौरव केला आहे.

प्रताप चिपळूणकर प्रताप चिपळूणकर हे कोल्हापूर येथील असून, आयुष्यभर जमीन सुपीकता या विषयावर ते काम करीत आहेत. ते प्रयोगशील शेतकरी व ॲग्रोवनचे नियमित लेखक आहेत. नैसर्गिक शेतीसंबंधी त्यांचा अभ्यास आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com