agriculture news in Marathi, agrowon, Solapur market committee election; The remaining two days to submit the application | Agrowon

सोलापूर बाजार समिती निवडणूक; अर्ज दाखल करण्यास उरले दोन दिवस
टीम अॅग्रोवन
शुक्रवार, 1 जून 2018

सोलापूर  ः सोलापूर कृषी उत्पन्न बाजार समितीच्या निवडणुकीसाठी उद्या, शुक्रवार (ता. १) आणि शनिवारी (ता. २) असे दोनच दिवस आता हातात उरले आहेत. तसेच कोणत्याही राजकीय पक्षांच्या नेत्यांनी अद्यापही पॅनेलची घोषणा केलेली नाही. त्यामुळे राजकीय नेत्यांपेक्षा कार्यकर्त्यांचीच सर्वाधिक पळापळ सुरू आहे. 

सोलापूर  ः सोलापूर कृषी उत्पन्न बाजार समितीच्या निवडणुकीसाठी उद्या, शुक्रवार (ता. १) आणि शनिवारी (ता. २) असे दोनच दिवस आता हातात उरले आहेत. तसेच कोणत्याही राजकीय पक्षांच्या नेत्यांनी अद्यापही पॅनेलची घोषणा केलेली नाही. त्यामुळे राजकीय नेत्यांपेक्षा कार्यकर्त्यांचीच सर्वाधिक पळापळ सुरू आहे. 

कोणत्याही नेत्याविना कार्यकर्ते परस्पर अर्ज भरून माघारी परतत आहेत. भाजप-शिवसेना युती की राष्ट्रवादी काँग्रेस-काँग्रेस आघाडी असे कोणतेही चित्र अद्याप स्पष्ट झालेले नसले, तरी भाजपअंतर्गतच पालकमंत्री विजयकुमार देशमुख आणि सहकारमंत्री सुभाष देशमुख यांच्या दोन गटांतच ही निवडणूक रंगण्याची चिन्हे दिसत आहेत.

बाजार समितीच्या संचालक मंडळावर गेल्याच आठवड्यात पोलिसात गुन्हे दाखल झाल्यानंतर सत्ताधारी भाजपला रान मोकळे झाले आहे. पोलिस कारवाईमुळे तत्कालीन सभापती दिलीप माने, महादेव चाकोते यांच्यासह तत्कालीन संचालक सध्या टूरवर आहेत. त्यामुळे काँग्रेस-राष्ट्रवादी काँग्रेसच्या नेत्यांकडून अद्यापही काहीच हालचाली दिसत नाहीत. राज्याचे सहकार व पणनमंत्री सुभाष देशमुख यांनी गेल्या काही वर्षांपासून अत्यंत नियोजनबद्ध पद्धतीने बाजार समितीच्या कारभारात लक्ष घातले आहे. 

बाजार समितीच्या संचालकांवरील कारवाईचा विषय असो की आता जाहीर झालेली निवडणूक असो, त्यांनी प्रत्येकवेळी अप्रत्यक्षपणे बाजार समितीतील राजकारण चांगलेच प्रतिष्ठेचे केले आहे. साहजिकच, आता ते भाजपकडून पूर्ण ताकदीनिशी उतरून बाजार समिती ताब्यात घेण्याचे प्रयत्न करत आहेत. पण पण दुसरीकडे भाजपअंतर्गतच पालकमंत्री विजयकुमार देशमुख यांचा गट या निवडणुकीत सक्रिय झाल्याचे दिसते.

स्वतः पालकमंत्री विजयकुमार देशमुख कुंभारी मतदारसंघातून निवडणूक लढवण्यास इच्छुक असल्याचे सांगण्यात येते. त्यामुळेही भाजपमध्ये सध्या तरी सन्नाटाच दिसत आहे. या सगळ्या पार्श्‍वभूमीवर नेत्यांपेक्षा कार्यकर्ते मात्र नेत्यांच्या सूचनेची वाट न पाहता अर्ज भरण्यासाठी धावपळ करत आहेत. 

दरम्यान गुरुवारी अर्ज दाखल करणाऱ्या प्रमुख उमेदवारांमध्ये पंचायत समितीचे माजी सदस्य इंद्रजित पवार, सिद्धेश्‍वर साखर कारखान्याचे माजी संचालक भारत जाधव, राष्ट्रवादीचे नेते जितेंद्र साठे, कॉंग्रेसचे अप्पासाहेब बिराजदार, भाजपचे श्रीमंत बंडगर यांचा समावेश होता.

इतर ताज्या घडामोडी
औरंगाबाद, जालना जिल्ह्यांत पावसाचा कमी-...औरंगाबाद  : मराठवाड्यातील ४२१ पैकी तब्बल २७५...
कोल्हापूर, सिंधुदुर्गात पावसाची रिपरिपकोल्हापूर, सिंधुदुर्ग : सप्टेंबरच्या पहिल्या...
शेतीमाल तारण कर्ज योजनेसाठी एक कोटीपरभणी : ‘‘परभणी कृषी उत्पन्न बाजार समितीतर्फे...
पाचोरा, जामनेरातही १०० टक्के पाऊसजळगाव ः खानदेशात जळगाव, धुळ्यात या...
‘टेंभू‘चे पाणी आटपाडीत, शेतकऱ्यांना...आटपाडी जि. सांगली :  टेंभू पंपगृहातील पंपात...
‘शेतकरी सन्मान योजने‘च्या अनुदानासाठी...कळमनुरी : प्रधानमंत्री शेतकरी सन्मान योजनेंतर्गत...
तीन कारखान्यावरील कारवाई अंतिम टप्प्यातसोलापूर : ‘‘सोलापूर जिल्हा मध्यवर्ती सहकारी...
संत्र्याला जागतिक बाजारपेठेत पोचवण्याचे...अमरावती : जिल्ह्यात उत्पादित होणाऱ्या...
बागलाण तालुक्यात शेतातून चंदनाची चोरीनाशिक  : बागलाण तालुक्यातील नवे निरपूर येथील...
तोलाई परिपत्रक होणार रद्द पुणे ः बाजार समित्यांमध्ये शेतमालाच्या...
‘शेतकरी सन्मान’साठी २० हजार कोटी दिले...नाशिक : शेतकऱ्यांना सन्मान मिळवून देत त्यांना मदत...
‘मी शेतकरी’ आंदोलनाला गांधी जयंतीपासून...नगर : शेतकऱ्यांच्या शेतीमालाला दीडपट हमीभाव तसेच...
शेतीपूरक व्यवसायांना राज्य शासनाची...सांगली ः अण्णासाहेब पाटील आर्थिक विकास...
थकीत बिलासाठी मुंबईत दुग्धविकास आयुक्त...परभणी ः शासकीय दूध योजनेअंतर्गत परभणी येथील दुग्ध...
आर्थिक मंदीमुळे देशातील शेती क्षेत्राला...नांदेड ः सध्या प्रचंड मंदी आहे. गुंतवणूक केली जात...
सातारा जिल्ह्यातील दुष्काळी तालुक्यात...सातारा ः माण, खटाव, फलटण या दुष्काळी तालुक्यांना...
विषबाधेच्या चौकशीची फाइल अडली गृह...नागपूर: प्रशासन गतिमान असल्याचा दावा सरकारकडून...
मित्रबुरशींच्या संवर्धनातून लष्करी...सध्या राज्याच्या विविध भागात अनुकूल हवामानामुळे...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...