agriculture news in Marathi, agrowon, tamarind production will increase by 20 percent | Agrowon

चिंचेचे उत्पादन २० टक्क्यांनी वाढणार

टीम अॅग्रोवन
शुक्रवार, 23 मार्च 2018

सांगली : चवीने आंबट असणारी चिंच यंदा गोड झाली आहे. गेल्यावर्षीपेक्षा चिंचेचे दर एक हजार ते दीड हजार रुपयांनी वाढले आहेत. यंदाच्या हंगामात राज्यातील चिंचेचे उत्पादन सुमारे २० टक्‍क्‍यांनी वाढेल, असा अंदाज व्यापारी वर्गाने व्यक्त केला आहे.

सांगली : चवीने आंबट असणारी चिंच यंदा गोड झाली आहे. गेल्यावर्षीपेक्षा चिंचेचे दर एक हजार ते दीड हजार रुपयांनी वाढले आहेत. यंदाच्या हंगामात राज्यातील चिंचेचे उत्पादन सुमारे २० टक्‍क्‍यांनी वाढेल, असा अंदाज व्यापारी वर्गाने व्यक्त केला आहे.

राज्यात मुळात चिंचेची लागवड बांधावर मोठ्या प्रमाणात आहे. हे पीक केवळ पावसावर अवलंबून असते. यंदा परतीचा पाऊस चांगला झाल्याने पीक बहरले. सध्या सांगली जिल्ह्यातील जत तालुक्‍यात चिंचा काढणीचे काम सुरू झाले आहे. तासगाव येथील बाजार समितीत चिंचेचे सौदेदेखील सुरू झाले आहे. तासगाव बाजार समितीत चिंचेला १० हजार २२५ ते ११ हजार ५०० रुपये, तर सरासरी १० हजार ७२५ रुपये प्रतिक्विंटल असा दर मिळतोय. 

शासनाकडून व सामाजिक वनीकरण विभागाकडून चिंचेची लागवड मोठ्या प्रमाणात झालेली दिसते आहे. कमी खर्चात अधिक उत्पादन देणारे पीक म्हणून चिंचेकडे पाहिले जाते आहे. यामुळे गेल्या काही वर्षांपासून अनेक शेतकरी चिंचेची लागवडही करण्यासाठी पुढे आले आहे. गतवर्षी जुलै ते सप्टेंबरपर्यंत पावसाने समाधानकारक हजेरी लागवली. जून ते जुलै महिन्यातच चिंचेला फुलोरा येतो. त्यानंतर चिंचा लागून मार्चपर्यंत त्याची वाढ होते. 
याच दरम्यान, परतीच्या पावसाने दमदार हजेरी लावली. यामुळे चिंचेच्या वाढीच्या काळात पाऊस झाल्याने गेल्या वर्षीपेक्षा झाडाला चिंचा मोठ्या प्रमाणात लगडल्या आहेत. यंदाच्या हंगामात बांधावरच चिंचांना ९० ते १०० रुपये प्रतिकिलो असा दर मिळतोय. तर बाजार समितीत सरासरी १०७२५ रुपये प्रतिक्विंटल असा दर मिळतोय. यामुळे यंदा आंबट असलेली चिंच उत्पादनांना गोडी देणार आहे.
 

यंदा पाऊस पाणी चांगला असल्याने चिंचेच्या उत्पादनात वाढ झाली आहे. गेल्या वर्षीपेक्षा यंदा चिंचेच्या हंगामात चिंचेला प्रतिक्विंटलला एक हजार ते दीड हजारांनी दर अधिक आहेत. 
- कुमार शेटे,

व्यापारी, तासगाव बाजार समिती, तासगाव

 

माझ्या शेताच्या बांधावर चिंचेची लागवड आहे. तालुक्‍यात ऑक्‍टोबर महिन्यात झालेल्या पावसामुळे चिंचेच्या झाडाला बहार चांगला आला आहे. यामुळे गेल्या वर्षीपेक्षा यंदाच्या हंगामात उत्पादनात वाढ झाली आहे.
- कामाण्णा पाटील,

चिंच उत्पादक शेतकरी, जालिहाळ खुर्द, ता. जत


इतर ताज्या घडामोडी
सीताफळ लागवडीची संपूर्ण माहिती शासनाने...अकोला  ः सीताफळ लागवडीची संपूर्ण माहिती...
केंद्र सरकारकडे प्रलंबित प्रश्नांच्या ...मुंबई  ः ‘‘महाराष्ट्राच्या हिताचे प्रश्न...
पुणे विभागासाठी १९९० कोटींच्या...पुणे  ः  पुणे विभागाच्या २०२०-२१ च्या...
केळीवरील सोंडकिडीचे कामगंध...जागतिक पातळीवर केळीचे सर्वाधिक उत्पादन घेणाऱ्या...
साताऱ्यातील शेतकऱ्यांना यांत्रिकीकरण...सातारा  ः जिल्ह्यात यांत्रिकीकरण योजनेंतर्गत...
परमीट बंद; नगर जिल्ह्यात फळबाग लागवडीवर...नगरः राज्य शासनाच्या कृषी विभागाकडून फळबाग...
जळगावात आले २६०० ते ५००० रुपये...जळगाव : कृषी उत्पन्न बाजार समितीत मंगळवारी (ता.२८...
असे करा जनावरांतील पोटफुगीला प्रतिबंधसर्वच मोसमामध्ये चांगल्या प्रतीचा चारा मिळेल अशी...
खानदेशात बाजरीचे क्षेत्र वाढणारजळगाव ः खानदेशात बाजरीचे क्षेत्र यंदा सुमारे...
बुलडाणा जिल्हा संपन्न करण्यासाठी...बुलडाणा  ः ‘‘जिल्ह्याच्या सर्वांगिण...
शेतकऱ्यांचे प्रश्न सोडविण्यासाठी शासन...नाशिक  : शेतकऱ्याला तातडीची मदत मिळावी,...
शरद पवार हेदेखील पंतप्रधान होऊ शकतात :...नाशिक : केंद्राने सूडबुद्धीने शरद पवार यांना...
रत्नागिरी जिल्हा परिषदेत रिक्तपदांमुळे...रत्नागिरी : मंजूर पदांपेक्षा रिक्त पदांची संख्या...
मराठवाड्यात ज्वारीवर चिकटा, मावा;...औरंगाबाद :  औरंगाबाद, जालना व बीड या...
शिवभोजन थाळी योजनेचे पुण्यात उद्‌घाटन पुणे : शासनाच्या अन्न, नागरीपुरवठा व ग्राहक...
शेतकऱ्यांच्या विकासासाठी सरकार कटिबद्ध...नगर  ः  शेतकरी केंद्रबिंदू मानून राज्य...
पुणे बाजार समितीत भाजीपाल्याचे दर स्थिरपुणे  ः पुणे बाजार समितीच्या शनिवार (ता. २५...
सातारा जिल्ह्यातील प्रलंबित सिंचन...सातारा  : प्रलंबित असलेले जिल्ह्यातील सिंचन...
बाजार समिती निवडणुकीत शेतकऱ्यांना ...नाशिक  : कृषी उत्पन्न बाजार समित्यांच्या...
पीकविमा योजना प्रभावीपणे राबविण्यासाठी...मुंबई : अडचणीत असलेल्या शेतकऱ्यांना...