agriculture news in Marathi, agrowon, The troubled farmers will start the free milk from May 3 | Agrowon

त्रस्त शेतकरी वाटणार ३ मेपासून मोफत दूध
टीम अॅग्रोवन
शुक्रवार, 20 एप्रिल 2018

नगर/औरंगाबाद  : गतवर्षी शेतकरी संपानंतर सरकारने दुधाला किमान २७ रुपये दर देण्याचे जाहीर केले होते. सध्या मात्र दुधाला केवळ सोळा ते आठरा रुपये दर मिळत आहे. सरकार दूध उत्पादकांची हेळसांड करत आहे. मातीमोल दराने दूध विकण्यापेक्षा ‘फुकट दिलेलं बरं’ अशी भावना ठेवून ३ मेपासून लोकांना पहिल्या टप्प्यात दहा हजार लिटर दूध देण्याची मोहीम सुरू केली जाणार आहे.

नगर/औरंगाबाद  : गतवर्षी शेतकरी संपानंतर सरकारने दुधाला किमान २७ रुपये दर देण्याचे जाहीर केले होते. सध्या मात्र दुधाला केवळ सोळा ते आठरा रुपये दर मिळत आहे. सरकार दूध उत्पादकांची हेळसांड करत आहे. मातीमोल दराने दूध विकण्यापेक्षा ‘फुकट दिलेलं बरं’ अशी भावना ठेवून ३ मेपासून लोकांना पहिल्या टप्प्यात दहा हजार लिटर दूध देण्याची मोहीम सुरू केली जाणार आहे.

लाखगंगा (ता. वैजापूर, जि. औरंगाबाद) येथे शनिवारी (ता. २१) ग्रामसभा घेऊन जवळपास चार गावांतील शेतकरी निर्णय घेणार आहेत. राज्यभरातील शेतकऱ्यांनाही मोफत दूध देण्याचे अवाहन केले जाणार आहे. दूध व्यवसायाबाबत केवळ सरकारच्या चुकीच्या धोरणाचा निषेध करण्यासाठी हा असा निर्णय घेतला जात आहे.

शेतीमाल, दुधाला दर मिळत नसल्याने गतवर्षी १ जूनपासून शेतकऱ्यांनी संप पुकारला होता. इतिहासात पहिल्यांदाच असा संप झाला. पुणतांबा (ता. राहाता) येथून त्याची सुरवात झाल्यानंतर राज्यभरात संपाची तीव्रता वाढली आणि सरकारला झुकावे लागले. त्यानंतर वारंवार झालेल्या बैठकीत शेतीमालाला हमीदर आणि ३.५ फॅट व २८ अंश असलेल्या दुधाला किमान २७ रुपये प्रतिलिटर दर देण्याचे सरकारने अश्‍वासन दिले होते. मात्र काही काळातच सरकारला अश्‍वासनाचा विसर पडला.

सध्या दूध उत्पादकांची आवस्था वाईट आहे. २७ रुपयांएेवजी अवघा सोळा ते आठरा रुपये प्रतिलिटरला दर मिळत असल्याने सध्या दूध व्यवसाय तोट्यात आहे. 
‘‘जास्तीचे दूध असल्यामुळे दर कमी आहेत’’ असे सरकारकडून सांगितले जात आहे. बहुतांश शेतकरी शेतीला दूध व्यवसायाची जोड देत असून, अनेकांचे संसार दूध व्यवसायावर अवलंबून आहेत. सरकार मात्र दूध व्यवसायाबाबत नकारात्मक आहे.

सध्याचा दर परवडत नाही अन्‌ सरकारही दर देत नसल्याने ‘विकण्यापेक्षा फुकट देऊ’ या निर्णयापर्यंत शेतकरी आले आहेत. त्यासाठी नगर जिल्ह्याच्या शेजारी असलेल्या लाखगंगा (ता. वैजापूर, जि. औरंगाबाद) येथे औरंबागाबाद जिल्ह्यामधील शेतकरी नेते धनंजय धोर्डे पाटील यांच्या नेतृत्वाखाली शनिवारी (ता. २१) ग्रामसभा घेऊन ३ मेपासून दूध लोकांना फुकट देण्याचा निर्णय घेतला जाणार आहे. परिसरातील झोनगाव, बाभूळगाव, पुरणगाव व अन्य गावांतील शेतकरी ग्रामसभेला असतील. सुरवातीच्या टप्प्यात चार-पाच गावांतील शेतकरी दररोज साधारण दहा हजार लिटर दूध मोफत वाटतील.

राज्यभरातील शेतकऱ्यांना विनंती करणार
पुणतांब्यापासून सुरू केलेल्या शेतकरी संपाप्रमाणे सरकारच्या भूमिकेचा निषेध करत मोफत दूध देण्याच्या मोहिमेत राज्यातील शेतकरी सहभागी व्हावेत, यासाठी धोर्डेपाटील यांच्यासह लाखगंगा व परिसरातील गावाचे दूध उत्पादक शेतकरी विनंती करणार आहेत. दुधाचे दर कमी करता, दुधापासून तयार केलेल्या दुग्धजन्य पदार्थांचे दर कसे कमी होत नाहीत. शेतकऱ्यांकडून कमी दरात घेता आणि लोकांनी मात्र तिप्पट दराने विकता, याचा सरकारला शेतकऱ्यांनी जाब विचारावा, असे अवाहन करत सोशल मीडियाचीही मदत घेतली जाणार आहे.

गतवर्षी सरकारने दुधाला सत्तावीस रुपये दर देण्याचे अश्‍वासन दिले, मात्र पाळले नाही. सध्या दूध व्यवसायिकांची आवस्था गंभीर असताना सरकार जाणीवपूर्वक लक्ष देत नाही. विरोधातील लोकही बोलत नाहीत. दूध संघाचे आणि सरकारचे साटेलोटे असल्याची शंका येते. मातीमोल दराने विकण्यापेक्षा फुकट दिलेले बरे, म्हणून दूध मोफत देण्याचा निर्णय घेत आहोत.
- धनंजय धोर्डे, शेतकरी नेते, औरंगाबाद.

 

दूध संघ आणि शासन मिळून दूध उत्पादकांची लूट करीत आहेत. मागच्या आंदोलनापासून आजवर दहा ते बारा रुपयाने दुधाचे दर घसरले. तशीही आर्थिक अडचण येतेच त्यामुळे प्रसंगी ३ मे पासून संघ वा डेअरीला फूकट दूध घालण्याचाही निर्णय उत्पादक शेतकरी घेऊ शकतात. 
- धनंजय धोर्डे, शेतकरी नेते.

 

काय करायचं या विवंचनेत सारेच दूध उत्पादक होते. त्यामुळे यावर तोडगा काढण्यासाठी शनिवारी (ता.२१) ग्रामसभेतून निर्णय घेतला जाईल. तो एकच विषय या ग्रामसभेच्या अजेंड्यावर आहे. सर्वसहमतीने निर्णय घेतला जाईल. 
- दिगंबर तुरकने, सरपंच लाखगंगा, ता. वैजापूर, जि. औरंगाबाद. 

 

दुभती पाच जनावरं होती. आता एकच ठेवलं आहे. खर्च आणि उत्पन्नाचा मेळ बसत नसल्याने इच्छा असूनही शेतीला पूरक दुग्ध व्यवसाय बंद करावा लागला. 
रमेश गोर्डे, शेतकरी देवगाव, ता. पैठण, जि. औरंगाबाद. 

 

आमच्या गावातील चार दूध उत्पादक जाफराबादला दूध घालतात. १६ ते १८ रुपयांपर्यंतचे दर मिळतात. परवडत नाही, त्यामुळे आर्थिक अडचण कायम असते. 
- बबन थुट्‌टे, शेतकरी नळविहिरा, ता. जाफ्राबाद, जि. जालना. 
 

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...