agriculture news in marathi, agrowon,rabbi seson planning in dhule district | Agrowon

धुळ्यात सव्वा लाख हेक्‍टरवर रब्बी पेरणीचा अंदाज

चंद्रकांत जाधव
गुरुवार, 14 सप्टेंबर 2017

धुळे : जिल्ह्यात एक लाख २० हजार हेक्‍टरवर रब्बी हंगामातील विविध पिकांची पेरणी होईल, असा अंदाज जिल्हा अधीक्षक कृषी अधिकारी कार्यालयाने व्यक्त केला आहे. त्यादृष्टीने बियाणे, खतांचे नियोजन सुरू झाले आहे.

अजूून पावसाळा सुरू आहे. या महिनाअखेरपर्यंत किती पाऊस पडतो, यावरूनही नियोजनात बदल केला जाऊ शकतो. पण यंदा जिल्ह्यात ज्वारीची पेरणी अधिक होईल, असे जिल्हा अधीक्षक कृषी अधिकारी प्रकाश सांगळे यांनी सांगितले.

धुळे : जिल्ह्यात एक लाख २० हजार हेक्‍टरवर रब्बी हंगामातील विविध पिकांची पेरणी होईल, असा अंदाज जिल्हा अधीक्षक कृषी अधिकारी कार्यालयाने व्यक्त केला आहे. त्यादृष्टीने बियाणे, खतांचे नियोजन सुरू झाले आहे.

अजूून पावसाळा सुरू आहे. या महिनाअखेरपर्यंत किती पाऊस पडतो, यावरूनही नियोजनात बदल केला जाऊ शकतो. पण यंदा जिल्ह्यात ज्वारीची पेरणी अधिक होईल, असे जिल्हा अधीक्षक कृषी अधिकारी प्रकाश सांगळे यांनी सांगितले.

धुळे जिल्ह्यात पावसाचे प्रमाण फारसे नाही. अलीकडेच साक्री व धुळे तालुक्‍यांतील काही गावांमध्ये सोसाट्याच्या वाऱ्यासह पाऊस झाला. परंतु दुसऱ्या बाजूला न्याहळोद, कापडणे, तापी आदी परिसरांत दुष्काळी स्थिती आहे. या गावांमधील शेतकऱ्यांनी दुष्काळ जाहीर करण्याची मागणी अलीकडेच जिल्हा प्रशासनाकडे केली आहे.

शिंदखेडा तालुक्‍यातही तापीकाठ वगळता इतर भागांत समाधानकारक स्थिती नाही. उडीद, मुगाचे क्षेत्र रिकामे होत आले आहे. काही ठिकाणी उडदाची काढणी सुरू असून, तीदेखील या आठवड्याच्या अखेरपर्यंत पूर्ण होईल. हे सर्व चित्र लक्षात घेता रब्बीचे नियोजन करण्यात येत आहे.

पाऊस आला तर ज्वारीचे क्षेत्र हमखास वाढेल, त्यादृष्टीने बियाण्याची जादा मागणी करण्याचे नियोजनही आहे. जिल्ह्यात शिरपूर तालुक्‍यासह तापीकाठावरील गावांमध्ये रब्बी हंगाम बऱ्यापैकी राहू शकतो. शिरपुरातील सातपुडा पर्वतालगत सिंचनासाठी कूपनलिका व विहिरींना बऱ्यापैकी पाणी उपलब्ध होऊ शकेल. परंतु शिंदखेडा तालुक्‍याचा पूर्व-पश्‍चिम भाग, धुळे तालुक्‍याचा पश्‍चिम व पूर्व भाग या भागांत रब्बीची पेरणी अपेक्षित प्रमाणात होणार नाही, अशी माहिती मिळाली.

हंगामासाठी खतांची गरजही असणार आहे. त्यात सर्वाधिक मागणी युरियाला असू शकते. एकूण दीड लाख मेट्रिक टन खतांची गरज भासू शकते. त्यात युरियाची ६० हजार, पोटॅशची २० हजार, सिंगल सुपर फॉस्फेटची २५ हजार, डीएपीची १० हजार टन गरज भासू शकते. यादृष्टीने मागणी नोंदविण्यात येणार असल्याचे सांगण्यात आले.

महाबीजसह खाजगी बियाणे उत्पादक संस्थांकडे बियाणे मागणीसंबंधीची कार्यवाही धुळे जिल्हा परिषदेच्या कृषी विभागाने केली आहे. त्यात गव्हाचे २० हजार, ज्वारीचे दोन हजार, हरभऱ्याचे १२ हजार, मक्‍याचे पाच हजार क्विंटल बियाणे आवश्‍यक असणार आहेत, असे सांगण्यात आले.


इतर ताज्या घडामोडी
पोषण आहारात ‘महानंद’ टेट्रापॅक दुधाचा...मुंबई : महानंद दूध आणि दुग्धजन्य पदार्थांचा...
बुलडाण्यात जिल्हाधिकारी चंद्रा यांनी...बुलडाणा  ः कृषी विभागामार्फत जिल्ह्यात...
आंबा, काजू क्लस्टरसाठी रत्नागिरी,...रत्नागिरी : विविध देशांमधील आंबा, काजूची निर्यात...
बदलत्या हवामानाचा गव्हाला फटकाअमळनेर, जि. जळगाव  : तालुक्‍यात गहू पिकाची...
भंडारा जिल्ह्यात धान विक्रीचे १११...भंडारा  ः शासनाने हमीभावात बोनसच्या...
लाल कंधारी, देवणी गोवंश संवर्धनासाठी...परभणी  ः मराठवाडा विभागातील लाल कंधारी आणि...
गोंदिया जिल्ह्यात भरडाईच्या...गोंदिया  ः भरडाईसाठी धानाची उचल होण्याची गती...
आटपाडी तालुक्यात बंद साखर कारखान्यांचा...खरसुंडी, जि. सांगली : टेंभू योजनेच्या खात्रीशीर...
सेवा हमी कायदा नागरिकांपर्यंत पोचवून...नाशिक  : सेवा हा प्रत्येक नागरिकाचा अधिकार...
ओबीसींची स्वतंत्र जनगणना व्हावीमुंबई  ः ओबीसींची स्वतंत्र जनगणना व्हावी ही...
नांदेड जिल्ह्यात उन्हाळी भुईमुगाची...नांदेड : यंदा उन्हाळी हंगामात जिल्ह्यात गुरुवार (...
केंद्राच्या योजनांची अंमलबजावणी करा :...हिंगोली : ‘‘केंद्र शासन पुरस्कृत योजनांचा लाभ...
पुणे जिल्ह्यात एक लाख ४० हजार...पुणे ः महात्मा जोतिराव फुले शेतकरी कर्जमुक्‍ती...
कांदा व्यापारातील सरकारी हस्तक्षेप...नगर  : ‘‘केंद्रीय अन्न व नागरी...
नगर जिल्ह्यात जनावरांचा उपचार चार...नगर ः नगर जिल्ह्यातील पशुवैद्यकीय रुग्णालयात आता...
अकोला कृषी विदयापीठाने नियम डावलून...नागपूर : अकोला येथील डॉ. पंजाबराव देशमुख कृषी...
रेशन दुकानातून अंडी, चिकन देण्याला...पुणे ः मांसाहारातूनच विषाणूजन्य रोगांचा फैलाव होत...
अफार्मतर्फे ‘ग्रामीण विकासात स्वयंसेवी...पुणे  : अॅक्शन फॉर अॅग्रीकल्चर रिन्युअल इन...
सोलापूर जिल्हा दूध संघाची ‘नोटीस रद्द...सोलापूर  : जिल्हा सहकारी दूध उत्पादक व...
कृषी उद्योजकांच्या अनुभवांनी भारावले...बोंडले, जि. सोलापूर : उद्योजक होताना आलेल्या...