युतीतील अनेक जण आमच्या संपर्कात ः अजित पवार

युतीतील अनेक जण आमच्या संपर्कात ः अजित पवार
युतीतील अनेक जण आमच्या संपर्कात ः अजित पवार

यवतमाळ : राष्ट्रवादी काँग्रेस-काँग्रेस आणि मित्रपक्ष एकत्र येऊन विधानसभा निवडणुकीला सामोरे जाणार आहेत. जागा वाटपाची चर्चा सुरू आहे. कोणत्या मतदारसंघात कुणाचा उमेदवार निवडून येणार, हे समोर ठेवूनच जागावाटप होणार आहे. निवडणूक जाहीर होऊ द्या, कोण कोणत्या पक्षांकडून निवडणूक लढणार, याचे चित्र राज्यासमोर येईल, असे म्हणत युतीमधील अनेक जण आमच्या संपर्कात असल्याचे सूतोवाच माजी उपमुख्यमंत्री तथा राष्ट्रवादी काँग्रेसचे नेते अजित पवार यांनी केले.

शिवस्वराज्य यात्रेनिमित्त श्री. पवार यवतमाळ येथे आले होते. बुधवारी (ता. २१) येथे आयोजित पत्रकार परिषदेत ते बोलत होते. खासदार डॉ. अमोल कोल्हे, प्रदेश सरचिटणीस अमोल मिटकरी, माजी आमदार संदीप बाजोरिया, प्रदेश सरचिटणीस नानाभाऊ गाडबैले आदी या वेळी उपस्थित होते. 

या वेळी अजित पवार म्हणाले, की जिल्ह्यात सोयाबीन व कापूस ही दोन महत्त्वाची पिके घेतली जातात. या पिकांचे उत्पादन घेणाऱ्या शेतकऱ्यांना विम्याचे पैसे मिळाले नाहीत. याउलट विमा कंपन्या हजारो कोटी रुपये गिळून बसल्या आहेत. या कंपन्यांच्या गैरव्यवहारामुळे शेतकऱ्यांच्या चेहऱ्यावर हसू राहिलेले नाही. पाच वर्षांत शेतकरी, महिला, युवक व तरुणांचे प्रश्‍न सोडविले गेले नाहीत. आचारसंहिता लागू होण्यापूर्वी मोठी आश्‍वासने देण्याचे काम कॅबिनेट बैठकींमार्फत या फसव्या सरकारने सुरू केले आहे. पुढच्या महिन्यात आचारसंहिता लागू होईल. त्यामुळे याचा कसलाही लाभ जनतेला होणार नाही. लोकांना आमिष दाखविण्यासाठी जाणीवपूर्वक आश्‍वासनांचा पाऊस पाडला जात असल्याचा आरोपही श्री. पवार यांनी केला.

या वेळी साताऱ्याचे खासदार छत्रपती उदयनराजे भोसले यांच्या पक्षांतराच्या चर्चेबद्दल विचारले असता, अजित पवार म्हणाले, की त्यांच्या आणि प्रदेशाध्यक्ष जयंत पाटील यांच्या मतदारसंघात पूरस्थिती होती. ते त्यांच्या भागात जनतेचे काम करीत आहेत.  

‘...तर मुख्यमंत्र्यांना यात्रा काढण्याची गरज पडली नसती’ वाशीम  : राज्यात विकासकामे केली असती, तर मुख्यमंत्र्यांना महाजनादेश यात्रा काढण्याची गरजच निर्माण झाली नसती, असा टोला राष्ट्रवादी काँग्रेसचे नेते, माजी उपमुख्यमंत्री अजित पवार यांनी मुख्यमंत्र्यांना लगावला.  शिवस्वराज्य यात्रा वाशीम जिल्ह्यात दाखल झाली. या वेळी आयोजित पत्रकार परिषदेत श्री. पवार बोलत होते. या वेळी विरोधी पक्षनेते धनंजय मुंडे, खासदार अमोल कोल्हे, आमदार अमित झनक, माजी राज्यमंत्री सुभाष ठाकरे, राष्ट्रवादी काँग्रेसचे जिल्हाध्यक्ष चंद्रकांत ठाकरे उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com