शासनाच्या निष्काळजीपणामुळेच पूरस्थिती निर्माण झाली ः अजित पवार

अजित पवार
अजित पवार

कऱ्हाड, जि. सातारा  ः कऱ्हाड, सांगलीसह कोल्हापूरला निर्माण झालेल्या पूरस्थितीस कर्नाटक सरकार व अलमट्टी धरण यंत्रणा जबाबदार असून, त्यांना वेळीच सावध करण्यास राज्य शासन कमी पडल्याने तेही तितकेच जबाबदार असल्याचा आरोप माजी उपमुख्यमंत्री अजित पवार यांनी केला. पूरस्थिती ही नैसर्गिक संकट नसून, राज्य शासनाच्या निष्‍काळजीपणामुळेच निर्माण झाल्याची टीका त्यांनी केली. शासनाने पूरस्थितीला राष्‍ट्रीय आपत्ती म्हणून जाहीर करावे, अशीही मागणी त्यांनी यावेळी केली. 

श्री. पवार यांनी शुक्रवारी कराड येथील पूरस्थितीची पाहणी केली. त्यावेळी त्यांनी पत्रकारांशी संवाद साधला. आमदार बाळासाहेब पाटील, जिल्हा बँकेचे उपाध्यक्ष व राष्‍ट्रवादीचे जिल्हाध्यक्ष सुनील माने, देवराज पाटील, नंदकुमार बटाणे आदी यावेळी उपस्थित होते.

श्री. पवार म्हणाले, की नैसर्गिक संकटे येतात, त्यात प्रशासनाने व्यवस्थितपणे काम करण्याची व्यवस्था सरकारला करावी लागते. मात्र दुर्दैवाने येथील पूरस्थितीकडे गांभीर्याने पाहिले गेले नाही. धरणातील पाण्याची आवक व विसर्ग किती करावा याचे नियोजन गरजेचे आहे. मात्र कर्नाटकमधील कुमारस्वामी यांचे सरकार पाडण्यासाठी तेथील आमदारांना मुख्यमंत्री देवेंद्र फडणवीस यांनी मुंबईत ठेवून त्यांच्या सुरक्षेसाठी पोलिस बंदोबस्त दिला. कर्नाटकच्या आमदारांचा पाहुणचार केल्यामुळेच येडियुरप्पा मुख्यमंत्री झाले. असे असताना मुख्यमंत्री फडणवीस यांना कर्नाटकच्या मुख्यमंत्र्यांना अलमट्टीतून विसर्ग वाढवण्यास सांगायला काय झाले होते. राज्य शासनाचे हे अपयश आहे.  

यावेळी श्री. पवार यांनी शहरात पूरस्थिती निर्माण झालेल्या दत्त चौक, पाटण कॉलनी, ज्येष्‍ठ नेते यशवंतराव चव्हाण समाधी परिसर आदी ठिकाणी भेट देऊन पाहणी केली. त्यानंतर कृष्‍णाबाई कार्यालयातील स्थलांतरित पूरग्रस्तांची भेट घेऊन विचारपूसही केली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com